Akif Nağı: “Bu ilk növbədə MDB-nin daxilində gedən proseslərdən xəbər verir ki, orada artıq Rusiyanın diktəsi keçmir”
MDB Müşahidə Missiyası Ermənistanda seçkilərin nəticələrinə təsir edə biləcək heç bir qanun pozuntusu aşkar etməyib. MDB müşahidə missiyasının rəhbəri Nurlan Seytimov bildirib ki, 7 iyunda Ermənistanda keçirilən parlament seçkiləri ölkə Konstitusiyasına və Seçki Məcəlləsinə uyğun olaraq keçirilib.
"MDB Müşahidə Missiyası Ermənistan Respublikası Parlamentinə seçkilərin Konstitusiyaya və Seçki Məcəlləsinə uyğun olaraq keçirildiyi, çoxpartiyalı olduğu və açıq və rəqabətli olduğu qənaətinə gəlir", - missiya rəhbəri keçirilən mətbuat konfransında bildirib.
MDB-nin seçki missiyasının rəhbərinin qiymətləndirməsi Rusiyanın qiymətləndirməsindən tamamilə fərqləndi. Nurlan Seytimov deyir ki, seçki ölkənin konstitusiyasına, seçki məcəlləsinə uyğun, açıq və rəqabət yönümlü şəraitdə keçib. Amma Rusiyadan yanaşması tamam fərqlidir. Bu ziddiyyətir, yoxsa taktikadır? MDB-nin seçki missiyasının dəyərləndirməsi ilə Rusiyanın dəyərləndirməsi arasında fərq olmasını necə başa düşmək olar?
Azad Vətən Partiyasının sədri Akif Nağı baki-xeber.com-a bildirdi ki, Müstəqil Dövlətlər Birliyi (MDB) missiyasının rəyi ilə Rusiyanın rəyi arasında fərqin olması bir çox mətləblərdən xəbər verir. “Bunu müxtəlif cür yozmaq olar. Amma heç bir halda bunu taktiki bir gediş kimi dəyərləndirməyə ehtiyacı yoxdur. Çünki Rusiya artıq tədricən MDB də öz mövqeyini itirir. Orada güclü lider dövlətlər formalaşır. Azərbaycan orada lider bir dövlətdir. Belarusun öz yeri var. Yəni orada digərlərindən özlərinin mövqeyi var. Yəni Azərbaycan da hələ də orada qalır. Azərbaycan da bölgənin, regionun lider dövlətidir. Ona görə də orada artıq Rusiyanın diktəsi mümkün deyil. Bu ilk növbədə MDB-nin daxilində gedən proseslərdən xəbər verir ki, orada artıq Rusiyanın diktəsi keçmir. Yəni kifayət qədər fərqli yanaşmalar var. Azərbaycan da birmənalı şəkildə orada gedən seçkiləri dəstəkləyir. Rəsmi səviyyədə müsbət hadisə kimi dəyərləndirir. Azərbaycanın müttəfiqi Türkiyə də müsbət dəyərləndirir.
Hesab edirəm ki, belə bir halda MDB-nin rəyi də ona uyğun olmalı idi. Başqa cür mümkün deyil. Buna görə də bu məsələ obyektiv gedən prosesdən xəbər verir. Digər tərəfdən Rusiyanın bu cür qısqaç mövqeyi də göstərir ki, Rusiya artıq ardıcıl şəkildə regionda mövqelərini itirir. Ermənistandan çıxmaq prosesi gedir. Rusiyanın artıq təsir imkanları yoxdur. Rusiya nə qədər çalışdısa, orada öz xəttini yerdə bilmədiyinin göstəricisidir”.
A.Nağının fikrincə, Rusiya iki xətt qarşısındadır, iki alternativ xəttdən birini seçməlidir. “Açıq şəkildə Rusiyanın mövqeyinə dayanan qüvvələr Koçaryan və Karapetyandır. Yəni ikisinin bir yerdə təxminən 35% faizdən çox səsləri var. Belə görsənir ki, 41 deputatları var və parlamentdə müəyyən bir qüvvədir. Cəmiyyətdə müəyyən dəstəyi var, sosial bazası var. Bundan istifadə edərək Rusiya onları ağılsız addımlara, təxribatlara təhrik edə bilər. Orada hansısa hadisələr baş verə bilər. Amma onlar nə qədər cəhd etsələr də prosesi dəyişə bilməyəcəklər. Çünki seçkilər də göstərdi ki, Paşinyanın mövqeyi, onun partiyasının, alyansının mövqeyi daha güclüdür, tərəfdarları daha çoxdur. Sanki kilsə də bir qədər susqun mövqedə idi. Amma aydındır ki, orada kilsə Karapetyanın, Koçaryanın yanındadır. Amma kilsənin də elə bir ciddi rolu, təsir imkanları qalmır. Ona görə də Rusiyanın rıçaqları Ermənistanda nəyi isə dəyişməyə yox dərəcəsindədir. Hadisələr də onların istədiyi kimi getməyəcəkdir. Rusiya nə qədər çalışsa da, istər-istəməz MDB-də gedən proseslərlə hesablaşmalı olacaq. Ona görə bu hadisələr bir mənalı şəkildə MDB-nin daxilində Rusiyanın son sığınacaq yeri olani KTMT-dir. KTMT də yox dərəcəsindədir. Yəni Kollektiv Təhlükəsizlik Müqaviləsi Təşkilatı deyilən təşkilat yox dərəcəsindədir. Ermənistan oradan çıxır, çıxmır, faktiki olaraq çıxıbdır. Azərbaycan ümumiyyətlə əvvəldən də yoxdur orada. O daxildə də bir birlik yoxdur, Rusiya onu idarə edə bilmir. Eyni zamanda Avrasiya İqtisadi İttifaqı da son aylarda özünü nüfuzdan salır. Ermənistanla bağlı aydın bir mövqe ortaya qoya bilmir. Yəni Rusiyanın rəhbərliyi altında olan qurumlar nüfuzdan düşür. Rusiya nə qədər çalışsa da, özünün rəhbərliyi altında hansısa qurumu yaradıb inkişaf etdirə bilmir. Bir il bundan əvvəl Avrasiya İttifaqı müəyyən mənada Türkiyə və Azərbaycan üçün də maraqlı idi. Amma indi nə Azərbaycan, nə Türkiyə elə bir ciddi maraq göstərmir. Onlar başqa inkişaf istiqamətləri var və hər ikisinin və kifayət qədər uğurlu seçimləri mövcuddur…”-deyə A.Nağı vurğuladı.
İradə SARIYEVA
