Akif Nağı: “ Vardanyan insanlıq əleyhinə cinayətlər törətmiş bir şəxsdir və onun adının belə bir mükafata namizəd göstərilməsi...”
Ermənistan əsilli rusiyalı milyarder, keçmiş separatçı rejimin “dövlət naziri” Ruben Vardanyan bu ilin fevral ayında Bakı Hərbi Məhkəməsinin qərarı ilə 20 il müddətinə azadlıqdan məhrum edildi. Terrorçuluğu maliyyələşdirən, qanunsuz silahlı birləşmələr yaradan və müharibə cinayətləri törədən əsas fiqurlardan biri olan Vardanyanı bəzi Avropa ölkələrində “qəhrəman” kimi qələmə verənlər hələ də var. Təəssüf ki, Vardanyanın separatçı, qaniçən, terrorçu mahiyyətini ört-basdır etməyə çalışan bəzi xarici qurumlar, media orqanları onu hansısa “mükafatlara” layiq görürlər.
Belə nəşrlərdən biri Çexiyanın "Lidové noviny" qəzetidir ki, hazırda Bakı həbsxanasında olan Ruben Vardanyanın 2026-cı il Vatslav Havel İnsan Hüquqları Mükafatına namizədliyinin irəli sürüldüyü barədə yazıb. “Vardanyan Vatslav Havel İnsan Hüquqları Mükafatına namizəd göstərib”-deyə nəşr yazıb.
Çox qəribədir ki, Vardanyan burada “Qarabağdakı ermənilərin xilaskarı” kimi qələmə verilir, guya o, özünü erməni xalqı üçün “qurban” verib.
Həyatını sülh, insanlıq əleyhinə cinayətlərə həsr edən Vardanyanın İnsan Hüquqları Mükafatına namizəd kimi göstərilməsi həqiqətən də anormal hadisədir və insan hüquqlarının özünə həqarətdir.
Azad Vətən Partiyasını sədri Akif Nağı baki-xeber.com-a bildirdi ki, bu Avropa demokratiyası üçün çox biabırçı bir haldır. “Bunlar özlərini demokrat kimi göstərirlər, amma demokratiya prinsiplərinə zidd hərəkət sərgiləyirlər. Öz aləmlərində kimlərsə ittiham edirlər. Halbuki, insan haqlarının, demokratiya prinsiplərinin pozulması ilə bağlı özləri açıq-aşkar rüşvətçi bir mövqedədirlər. Belə görünür ki, Avropa demokratiyası, Avropa demokratları çox böyük, dərin bir böhran içərisindədir. Bu məsələdə korrupsiya elementləri özünü göstərir. O cür təşkilatlar təmənna, pul qarşılığında iş görürlər. Biz bunu dəfələrlə görmüşük. Azərbaycan qarşı qərəzli mövqeyilərindən də açıq görmüşük ki, kiminsə sifarişi yerinə yetirirlər.
Vardanyanla bağlı məsələdə təmənnasızlıq yoxdur. Hər kəs bilir ki, dünyanın müxtəlif yerlərində onun puluna görə muzdlu qüvvələr Vardanyan üçün müdafiə komitəsi yaradırlar. Burada həm Amerika konqresmenləri, həm Avropada hansısa insan haqları ilə məşğul olan qurumlar sifarişləri yerinə yetirirlər. Açıq şəkildə görünür ki, bunlar bu işləri təmənnasız etmirlər. Belə olmasaydı separatçını, əli minlərlə insanın qanına batan terrorçu bir şəxsi belə bir mükafata namizəd kimi göstərməzdilər. Vardanyan insanlıq əleyhinə cinayətlər törətmiş bir şəxsdir və onun adının belə bir mükafata namizəd göstərilməsi həmin o mükafatın özünə həqarətdir”.
A.Nağı qeyd etdi ki, Vardanyan Rusiya tərəfindən Qarabağa göndərilmişdi və ora gələndən də Azərbaycana qarşı ekstremist çıxışlar edib. A.Nağı vurğuladı ki, Avropanın “qəhrəman” kimi qələmə verdiyi Vardanyan Azərbaycana qarşı terror və təxribatçı qruplar yaradıb. , təxribat qrupları yaradıbdır. “Yəni belə bir adam kimin haqlarını müdafiə edirdi ki, onu Havel adına mükafatı layiq görürmək istəyirlər? İnsan haqlarının müdafiəsi ilə bağlı nə iş görüb, kimin haqqı müdafiə edirdi ki, belə bir absurd təşəbbüs ortaya atılıb?
O özünün çirkli pullarını yumaq üçün və Rusiyanın xüsusi xidmət orqanlarının sifarişi ilə qanunsuz olaraq Qarabağa gəlmişdi. Avropa görmürmü ki, Vardanyanın arxasında Rusiya dayanırdı. Ondan istifadə etdilər və sonra da istifadə edib atdılar. Bunu Avropa görmürmü? Hansı faktorlar ortaya qoya bilərlər ki, Qarabağda və ya başqa bir yerdə kiminsə haqqını müdafiə edib? Buna bir dənə fakt gətirə bilmirlər, amma haqsız yerə bu mövqeyi ortaya qoyurlar. Digər tərəfdən onlar əgər kimisə bu mükafata təqdim edirlərsə, onda təqdim etdikləri adamın keçmişinə baxsınlar, görsünlər ki, hansı cinayətlər törədib. Bütün Avropa bilir ki, Vardanyanın nə qədər qara əməlləri var. Qanunsuz maliyyə işləri, çirkli pulların yuyulması ilə bağlı onun əməlləri aşkardır. Hər kəs bilir ki, bununla bağlı çoxlu faktları var. Niyə ona bunlar baxmırlar? Əgər bunlar ortada olan faktlara baxmırlarsa, Vardanyanı bu şəkildə “müdafiə” edirlərsə, bunlar artıq demokrat adlandırmağa layiq deyillər.
Bunlar ancaq pula işləyirlər. Onlara Vardanyanın pul kisəsindən muz ödəyirlər. Bunların başqa bir adı yoxdur.
Amma inanıram ki, Vardanyanın namizədliyi keçməyəcək. Kimlərsə namizdəliyini irəli sürmək üçün Vardanyanın pulunu alıb. Keçməyəndən sonra deyəcəklər ki, “biz işimizi görmüşük, amma keçmədi”.
Bu bədbəxt ermənilər Vardanyanın pulunu sağa-sola xərcləyirlər və o cəzasını çəkib türmədən çıxandan sonra xərcləməyə pulu da qalmayacaqdır. Vardanyanı bu şəkildə soyub-talamaqla məşğuldurlar. Əgər onun başında azacıq ağıl olsa idi, Azərbaycanın haqq işinə istinad edərdi, ümidini Azərbaycan Prezidentinin əfvinə bağlayardı. Hesab edirəm ki, onun namizdəliyi keçməyəcək, bu olmayacaq. Lap o mükafatı da alsa da, xeyri yoxdur. Cəzasını sona qədər cəkəcək. Çünki o, cinayətkardır. Cinayət törətmisənsə, onun cəzasını çəkməlisən”-deyə A.Nağı bildirdi.
İradə SARIYEVA
