ABŞ Dövlət Departamentinin mətbuat xidmətinin məlumatına görə, ABŞ Dövlət katibi Marko Rubio Nyu-Yorkda BMT Baş Assambleyasının iclası çərçivəsində Rusiya xarici işlər naziri Sergey Lavrovla görüşüb. Görüşdə Ukraynadakı münaqişə və ikitərəfli münasibətlər müzakirə olunub.
"Kommersant" ın məlumatına görə, danışıqlar təxminən 50 dəqiqə davam edib və qapalı qapılar arxasında keçib.
Görüşdən sonra Rubio bildirib ki, həm Rusiya, həm də Ukrayna Amerikanın enerji infrastrukturuna hücumların və taxıl ixracına məhdudiyyətlərin dayandırılması təklifi ilə maraqlanır.
ABŞ Dövlət katibinin sözlərinə görə, müvəqqəti atəşkəs və ya hücum hədəflərini məhdudlaşdırmaq barədə razılaşmalar özlüyündə münaqişəyə son qoymasa da, bir sıra əlaqəli beynəlxalq problemlərin həllinə kömək edə bilər.
Görüş zamanı Lavrovun Rubioya Ukraynada cəbhə xəttindəki vəziyyət barədə məlumat verdiyi bildirilir. Rusiyalı nazir həmçinin Avropa ölkələrinin qeyri-sabitləşdirici təsirindən də danışıb.
Nyu-Yorkda keçirilən görüş Rubio ilə Lavrov arasında 2025-ci ildən bəri keçirilən beşinci görüş olub. Rusiya və ABŞ xarici işlər nazirləri sonuncu dəfə iyul ayında Manilada keçirilən ASEAN sammiti çərçivəsində görüşmüşdülər.
Tahir TAĞIYEV
