Belə olacağı gözlənilirdi. İsrailin baş naziri Netanyahu Trampla görüşdü. İsrail Afrikada hələ heç kimin tanımadığı "Somalilənd" dövlətini mobil telefonda öz imza mərasimini çəkib göstərmək kimi nümayişkaranə formada tanıdı.
Səudiyyə Ərəbistanı 2015-ci ildən bəri Yəməndə İranyönlü Husilərə qarşı Ərəb koalisiyası tərkibində birgə vuruşduqları Birləşmiş Ərəb Əmirliklərinin üzünə duraraq Yəməndən qoşunlarını geri çəkməyi tələb etdi. (Bunlar ayrı təhlilin mövzularıdır və indi İranın, Səudiyyənin və Əmirliklərin nə oyun oynadıqlarını ovcumun içi kimi görürəm). Eyni vaxtda İranda daxili vəziyyət qarışdı, insanlar öldü, Xuzistanda Qasim Süleymaninin, İslam İnqilabının abidələri yandırılıdı... Pəhləvi şahının oğlu isə Misirdə peyda olaraq, İran hakimiyyətinə iddialı olduğu kimi "poz" verdi... İnanın, bunlar təsadüf yox, böyük planın səhnələridir... Azərbaycana da təsir effektləri öncədən hesablanıb...
Nə dərəcədə gözlənilən olub olmadığını bilmirəm, ancaq fakt baş verdi - İranın çox sərbəst prezidenti Pezeşkian bu məqamlarda cəsarətli, həm də çox cəsarətli bəyanat verdi - "Ölkədə baş verənlərə görə, Amerikanı, ya kimisə yox, özümüzü qınamalıyıq, xalq narazıdırsa, hökumət məsuliyyət daşıyır"... Haqq sözə nə deyəsən...
Dini rejim qüvvələri fürsət düşən kimi (düşsə) Pezeşkiandan bu sözlərin qisasını almağa çalışacaq.
1. Ölkə daxilindəki hər problemdə "Amrikainin əlini" axtaran Xomeyni rejiminin istəmədiyi şeyi dediyi üçün...
2. Konstitusiyaya görə əsas icra əmrlərini Ali dini rəhbərdən alan hökuməti "3 qəpiklik edib yerə vurduğu üçün"...
Yəməndə Səudiyyə ilə Dubay əmirlərinin arasında baş verənlərin İrandakı hadisələrlə bağlılığı, İsrailin Yəmənin bir addımlığında hələ heç kimin tanımadığı "Somalilənd" dövlətini tanımasının arasında olan bağlılığı, Trampın Netanyahu ilə gapalı görüşündən sonra İranda iğrişaşların başlanması arasında bağlılığı, Suriyada YPG-PKK-nın, bir ucu Suriyanın Lazkiyə şəhərindən Türkiyənin Hatay və Malatyasına qədər uzanan yarımçıq şiə nusayrit təriqətçilərinin fəallaşdırılması arasında bağlılığı sonra təhlil edəcəm...
İndilikdə dəqiq demək istədiyim isə budur: "Pezeşkian İranın başında qurulmuş dərin planı anlayıb və dediyi sözlər isə tək İran hakimiyyətinə yox, əli öz xalqının qəlbindan üzülmüş bütün hakimiyyətlərə aiddir - öz xalqınızla bir və səmimi olun, onu aldatmayın"...
Gözəl bir söz var - "Suyun içində gəmi batmaz, gəminin içində su batar, ona görə vacib deyil ki, ətrafınızda nə baş verir, çox vacibdir ki, içinizdə nə baş verir"...
Aydın QULİYEV
