ABŞ prezidenti Donald Tramp İsrailin Baş naziri Netanyahu ilə görüşündə bir daha Ermənistan-Azərbaycan münaqişəsini tez bir zamanda həll etdiyinə inandığı ilə öyünüb.
"Müharibə 35 il davam etdi... Putin mənə dedi ki, “İnanmıram ki, bu müharibəni həll etdiniz, çünki mən 10 il çalışdım”. Və mən sözün əsl mənasında bunu bir gündə həll etdim.
Hər ikisinə ticarəti dayandıracağımızı, artıq ticarət etməyəcəyimizi dedim. Sonra 200% tarif tətbiq etdim. Ertəsi gün zəng edib “razı olduqlarını” dedilər” – deyə Tramp bildilib.
Göründüyü kimi Tramp açıq şəkildə iddia edir ki, guya Azərbaycan və Ermənistanı təzyiqlərlə sülhə məcbur edib.
Müharibədən qalib çıxmış, sülh sazişi təşəbbüsü ilə ilk çıxış edən bir ölkə kimi Azərbaycana niyə təzyiq edilməli idi ki… Əgər Trampa regionda sülh lazım idisə və Azərbaycan da sülhə daha çox can atan tərəf idisə onda Azərbaycana niyə təzyiq olunmalı idi... Elə buradan açıq görünür ki Trampın dediklərinin heç bir əsası yoxdur.
TAHİR
