Vaşinqtonda, G7-yə alternativ olaraq “Əsas Beşlik” (C5 - Core 5) qrupunun yaradılması ideyası gündəmə gəlib. Rusiya və Çinin də daxil olacaqğı yeni beynəlxalq qrupun yaradılması ideyasının ABŞ-da müzakirə olunduğu bildirilir.
“Politico”ya görə, Core-5 adlanan "nüvə beşliyi qrupuna", əhalisi 100 milyondan çox olan ABŞ, Çin, Hindistan, Yaponiya və Rusiya daxil olacaq. Bu qrupun mövcud G7-yə alternativ qlobal güc platforması kimi yaradılacağı bildirilir.
Keçmiş Milli Təhlükəsizlik Şurasının rəsmisi Torri Taussiq bu ideyanın Trampın dünyagörüşü ilə uyğun olduğunu bildirib və qeyd edib ki, o, ideologiyadan daha çox güclü liderlərlə münasibətlərə və böyük güclər arasında təsir dairələrinin tanınmasına üstünlük verir.
Tramp əvvəllər Rusiyanın G8-dən kənarlaşdırılmasını "böyük səhv" adlandırmış və Çinin də daxil olduğu "G9" ideyasını dəstəklədiyini bildirmişdi.
Taussiqin fikrincə, Avropa ölkələrinin bu yaradılacaq yeni qrupdan kənarda saxlanması "ABŞ administrasiyasının Rusiyanın Avropada müstəqil təsir dairəsi qura biləcək böyük bir güc olduğuna inanması" kimi şərh edilə bilər. Keçmiş Ağ Ev rəsmisi C5 və G7 ilə bağlı rəsmi müzakirə aparılmadığını, lakin G7, G20 və ya BMT Təhlükəsizlik Şurası kimi strukturların artıq öz məqsədlərinə xidmət edə bilmədiklərini deyib.
“Defense One” portalı isə iddia edir ki, Core-5 ideyasının ABŞ Milli Təhlükəsizlik Strategiyasının hələ dərc olunmamış, daha uzun versiyada yer alır. Lakin Ağ Ev bu iddiaları təkzib edərək, "sənədin gizli və ya alternativ versiyasının olmadığını" bildirir.
Xatırladaq ki, Rusiya 2014-cü ildə Krımın ilhaqından sonra G8-dən çıxarılıb. O vaxtdan bəri Rusiya heç bir G7/G8 zirvə görüşündə iştirak etməyib. ABŞ-ın Ukrayna sülh planının ilkin versiyasında Rusiyanın G8-ə qayıtması təklifinin olduğu, lakin Moskvanın bunu qəbul etmədiyi bildirilir.
TAHİR
