"Bakı Xəbər" qəzetinin Baş redaktoru, politoloq Aydın Quliyev öz Facebook səhifəsində Türkiyə-Suriya münasibətləri barədə paylaşım edib. A.Quliyev yazır: "Hələlik rəsmi təsdiqlənməmiş xəbərlərə görə Türkiyə prezidenti Ərdoğan Suriya ərazisində Antiterror əməliyyatlarının öz hədəflərinə tam yetişdiyini söyləyib. Qardaş ölkənin Suriyada 2016- cı ildən başlanmış hərbi əməliyyatlarının baş hədəfi PKK, PYG və YPG terrorçularının köküünü qazmaq idi. "Fərat qalxanı" "Zeytun dalı" "Sülh pınarı" və başqa kod adlı əməliyyatların həqiqətən bütün hədəflərinə yetişibsə, bu çox böyük uğurdur və biz azəri qardaşların da tam marağındadır. Yəqin qardaş ölkənin müvafiq dövlət orqanları əməliyyatların strateji və taktiki nəticələri ilə bağlı rəsmi məlumatlar və hesabat yayacaq. Çox maraqlıdır ki, Suriyada qardaş ölkə Türkiyənin ərazi bütövlüyünü və təhlükəsizliyini təhdid edən PKK və onun törəmələri tam məhv edildi, ya yox?!
Əgər məhv edilibsə , yəqin yaxın vaxtlarda Ərdoğan türk qoşunlarının Suriyadan çıxması barədə qərar verəcək. Artıq bir neçə dəfə Ərdoğan Əsədlə görüşmək və müzakirə aparmağa hazır olduğunu deyib.Xeyli əvvəllər Bəşər Əsəd Türkiyə ilə barışığın ilk şərti olaraq Türk hərbçilərinin ölkədən çıxmasını tələb etmişdi.Maraqlıdır, Əsəd Ərdoğanla görüşəcək, ya əvvəlcə türk hərbçilərinin Suriyadan çıxmaq haqqında rəsmi bəyanatının səsləndirilməsini gözləyəcək ? Əsəd hələlik şəxsən bir fikir bildirməyib. O da maraqlıdır ki, Suriyanın Türkiyə ilə şimal sərhədləri boyunca Aralıq dənizindən İraq sərhəddinə qədər "tampon kürd bölgəsinin" yaradılması təhlükəsi nə qədər aradan qaldırıldı? Bu, Türkiyə üçün olduqca həssas və təhlükəli problemdir.
Beləliklə , türk hərbçilərinin Suriyadan çıxmasının hansı qarşılıqlı şərtlərlə olacağı, Əsədin hansısa şərtləri qəbul edib etməyəcəyi maraqla izlənilir.Bu arada onu da deyim ki. Suriyanın neftlə zəngin Deyr əz Zor və başqa bölgələrində ABŞ- ın hərbi bazaları var və ABŞ son vaxtlar Suriyanı Qərb üçün təhlükəli və terrora sponsorluq edən ölkələrin siyahısından çıxarmış kimi görünür. Bu cəhətdən əsasən Rusiyanı, Çini ,İranı və Şimali Koreyanı görür. Halbuki bir neçə il əvvəl Suriya, Sudan, Kuba və Venesuela da bu sırada nəzərdən keçirilirdi. ABŞ- ın Suriyaya münasibəti dəyişilirmi?"
Mətləb
