2024-cü il fevralın 7-də keçiriləcək növbədənkənar prezident seçkisində iştirak üçün namizədliyini irəli sürənlərin sayı getdikcə artır.
Artıq imzatoplama kampaniyalarına start verilib. Yeni Azərbaycan Partiyasının namizədi İlham Heydər oğlu Əliyevin müdafiəsi üçün kampaniyadan öncə imza toplayan fəallara təlimlər keçilib, Azərbaycan Respublikasının Seçki Məcəlləsinin müvafiq maddələrinə uyğun olaraq imzatoplamanın qaydaları bir daha izah edilib, müvafiq təlimat və tapşırıqlar verilib. Dekabrın 21-da isə Yeni Azərbaycan Partiyasının Nizami rayon təşkilatının fəalları 24 saylı Nizami birinci, 25 saylı Nizami ikinci və 18 saylı Nərimanov-Nizami-Binəqədi seçki dairələri üzrə tələb olunan sayda imza toplayıblar. 7 fevral 2024-cü ildə keçiriləcək Azərbaycan Respublikasının prezident seçkilərində namizədliyi öz təşəbbüsü ilə irəli sürülən Zahid Orucun Mərkəzi Seçki Qərargahı tərəfindən seçici imzalarının toplanması məqsədilə qanunvericilikdə nəzərdə tutulan qaydalara uyğun olaraq tədbirlər həyata keçirilir. Mərkəzi Seçki Qərargahından verilən məlumata görə, Seçki Məcəlləsinə 2 və 2 "A" saylı əlavələrində göstərilən formada tərtib olunan, namizədin rəsmən qeydiyyatı üçün səsvermə hüquqlu şəxslərin minimum 60 dairəni və ən azı 50 nəfəri əhatə etməklə 40 min etibarlı imzanın toplanması istiqamətində intensiv təşkilati tədbirlər görülür. Seçki Qərargahı namizədin fəaliyyətinə dair məlumatları mütəmadi olaraq, ictimaiyyətə verəcəkdir.
O ki qaldı seçki ilə bağlı digər partiyaların iştirakına, Azad Vətən Partiyası Prezident seçkisində İlham Əliyevin namizədliyini dəstəkləyəcək. Bu barədə qərar partiyanın Siyasi Şurasının sonuncu iclasında qəbul edilib. Akif Nağının sədrlik etdiyi partiya qərarı barədə Mərkəzi Seçki Komissiyasına məlumat təqdim edəcək.
Ana Vətən Partiyası da Prezident seçkisində İlham Əliyevin namizədliyini dəstəkləyəcək. Bu barədə qərar partiyanın 23 dekabr tarixində keçirilən qurultayında qəbul edilib. Deputat Fəzail Ağamalının rəhbərlik etdiyi partiyanın qurultayı zamanı təşkilatın nizamnaməsində dəyişikliklər edilib.
Azərbaycan dövləti ölkədə sosial və siyasi fəallığın artırılması istiqamətində mühüm addımlar atır
MSK sədri bildirib ki, işğaldan azad edilmiş ərazilərdə səs verəcək seçicilərin bildirişlərində əlavə qeyd olacaq. Onun sözlərinə görə, bu qeyd əhalini təbrik mətnidir: "İşğaldan azad edilmiş ərazilərdə yaşayan, orada səs verəcək şəxslərə növbədənkənar prezident seçkisi ilə əlaqədar bildirişlər dərc edilərkən orada təbrik cümlələri də yer alacaq. Çünki o insanlar 30 il sonra ilk dəfə öz torpaqlarında səs verirlər. Bu, Allahın lütfüdür".
Azərbaycanın xarici ölkələrdəki diplomatik korpusları azərbaycanlı vətəndaşlara müraciət etməyə davam edirlər. Azərbaycanın Almaniya, Türkmənistandakı səfirliyi, İspaniya Krallığı və Andorra Knyazlığı, Qazaxıstan ərazisində daimi yaşayan və ya müvəqqəti olan, yaxud uzunmüddətli ezamiyyətdə olan 18 yaşını tamamlamış Azərbaycan vətəndaşlarına müraciət edilib. Onlardan 29 dekabr 2023-cü il tarixinədək səfirliyə müraciət etmələri xahiş olunur.
Siyasi və sodial fəallığın artması baxımdan bu seçki hansı rolu oynayacaq?
Azərbaycan da bu istiqamətdə ciddi işlər gördü. Eyni zamanda, 44 günlük Vətən müharibəsində qazanılan tarixi qələbə yeni reallıqlar yaratdı. Yeni reallıqlar da cəmiyyətin sosial və siyasi inkişafına mühüm tövfə verdi. Bu, həm də xalqın özünüdərk prosesində önəmli məqam oldu. Prezident cənab İlham Əliyevin rəhbərliyi ilə bu gün Azərbaycan zamanın tələblərinə uyğun olaraq müasir texnologiyalardan istifadə, açıq internet şəbəkəsinin formalaşması, söz azadlığı, demokratik prinsiplərin inkişaf etdirilməsi istiqamətində zəruri işlər görür. İnsanların sosial və siyasi fəallığının artrılmasından danışarkən, Milli Məclisdə geniş müzakirə olunaraq qəbul edilən "Siyasi partiyalar haqqında" yeni qanuna da diqqət yetirmək vacibdir. Çünki burada çoxpartiyalı siyasi sistemin təkminlləşdirilməsi, daha çox insanların siyasi partiyalarda təmsilçiliyi istiqamətində atılan addımlar gələcəkdə siyasi fəallığın artırılmasında önəmli rol oynayacaq. Bir sözlə, Azərbaycan dövləti ölkədə sosial və siyasi fəallığın artırılması istiqamətində mühim addımlar atmaqdadır.
Namizədlərin say çoxluğu həm demokratik mühitdən, həm seçki fəallığından xəbər verir
Bu seçkilərdə, həmçinin, Azərbaycan ilk dəfə olaraq suvernliyini tam bərpa etmiş şəkildə iştirak edəcək. Vətəndaşların sosial və siyasi fəallığının artırılmasının ikinci mühüm əhəmiyyəti bu dövlətin milli təhlükəsizliyi və özünmüdafiəsi ilə bağlıdır. 2024-cü il fevralın 7-də keçiriləcək növbədənkənar prezident seçkilərində namizədlərin sayının çoxluğunun siyasi fəallıqla əlaqəsini dəyərləndirən İctimai Nəzarət Mərkəzinin (İNM) sədri Rauf Zeyni açıqlamasında dedi ki, keçiriləcək prezident seçkilərində namizədlərin say çoxluğu demokratik mühitdən xəbər verir.
Onun sözlərinə görə, gələn il keçiriləcək prezident seçkiləri Azərbaycanın tarixi zəfəri fonunda xüsusi əhəmiyyət kəsb edir:
"Prezident İlham Əliyev tarixə qızıl hərflərlə yazılacaq qələbə qazandı. Əlavə olaraq, onun apardığı milli-bəşəri və mütərəqqi siyasətin alternativi yoxdur.
Buna baxmayaraq, keçiriləcək prezident seçkilərində namizədlərin say çoxluğu həm demokratik mühitdən, həm seçki fəallığından, həm də müəyyən reytinqə malik olan digər namizədlərin rəqabət aparmaq istəyindən xəbər verir. Bu isə demokratiyanın göstəricisidir".
Məhəmmədəli QƏRİBLİYazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
