09/08/2020 13:08
728 x 90

Erməni əsilli tarixçidən erməni saxtakarlığına tutarlı şillə - “belə xəritələr yoxdur axı”...

Qasım Hacıyev: “Ermənilərin XVII əsrdən əvvəl nəinki xəritələri, ümumiyyətlə heç bir atributları yoxdur”

img

Artıq bəzi erməni tarixçilər də etiraf edirlər ki, onların qədim xəritələri yoxdur, çünki olmayıb. Uzun fasilədən sonra erməni əsilli ukraynalı tarixçi-tədqiqatçı Filip Ekozyants YouTube kanalında video yayımlayıb. Tədqiqatçı ermənilərə üz tutaraq, ona qədim Ermənistanı göstərən xəritələrin göndərilməsini xahiş edib.

Filip Ekozyants bununla bağlı bir sıra diqqətçəkən məqamları qabardıb: “Ermənilər, hələ də başa düşmürsünüz ki, məktəbdə, institutlarda eşitdiyiniz tarixi, Osmanlı imperiyasından əvvəlki Ermənistanın tarixini xatırladaraq gətirdiyiniz arqumentlərə heç bir dəlil tapılmayıb? Belə dəlil yoxdur. Müasir lüğətlərdə, ensiklopediyalarda yazılanlar arqument hesab edilmir, çünki sənədlərlə əlaqəsi olmalıdır. Bəzi ermənilər məndən soruşurlar: niyə yalnız XVII əsr Ermənistanının xəritələrini öyrənirsiz, axı Ermənistan bundan əvvəl də mövcud idi? Mənə XVII əsrdən əvvəlki xəritələri göndərin. Bu xəritələrinizi gecə-gündüz öyrənəcəyəm. Beləsi yoxdur, başa düşürsünüz? Yoxdur. Bu arqumentlər mövcud olsaydı, illər keçdikcə heç olmasa kimsə onları mənə sübut kimi göndərərdi. Mənə isə Vikipediyadan bağlantılar (ssılka) göndərirlər”.

Göründüyü kimi, artıq bəzi erməni tarixçilər də Ermənistanın qədimliyi ilə bağlı uydurulan fikirlərə şübhə ilə yanaşirlar. Çünki ortada dəlil yoxdur.

  • “Bütün tarixi mənbələr göstərir ki, ermənilərin nə gerbi, nə bayrağı, nə də bu kimi digər atributları olub”

Sözügedən məsələ ilə bağlı fikirlərini “Bakı-Xəbər”lə bölüşən Azərbaycan Milli Elmlər Akademiyasının (AMEA) Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyeviin sözlərinə görə, Filip Ekozyantsın səsləndirdiyi fikirlər reallığı əks etdirir: “Bu, ermənilərin uydurduğu tarixə vurulan zərbədir. Ermənilərin XVII əsrdən əvvəl nəinki xəritələri, ümumiyyətlə heç bir atributları yoxdur. Bütün tarixi mənbələr göstərir ki, ermənilərin nə gerbi, nə bayrağı, nə də bu kimi digər atributları olub. Onların bununla bağlı heç bir nişanəsi yoxdur. Yalnız onlar daşların üzərində müxtəlif saxtakarlıqlar aparmaqla, xaçları dəyişməklə uydurma tarix yazırlar. Məsələn, Alban monastırlarını dəyişdirib Qriqorian kilsələrinə oxşadırlar. Bütün sahələrdə saxtakarlıq edirlər, amma ortalığa konkret dəlil qoya bilmirlər. Çünki heç bir tarixi mənbədə nə erməni xəritəsi var, nə də gerbi. Bütövlükdə, heç bir dövlət atributunun işarəsi yoxdur. Hansısa pul sikkəsi belə yoxdur ki, orada erməniyə aid nəsə olsun. Ona görə də bütün bunlar onu göstərir ki, ermənilərin yazdıqları tarix uydurmadır. Son dövrlər yazdıqları başdan-ayağa yalandır. Ona görə də ermənilər nə qədər iddia etsələr də onların qədim xəritələri yoxdur. Bakıxanovun kitabından bəzi tarixi faktları götürüb saxtalaşdırırlar. Məsələn, orada İrəvan xanlığı yazılıb. Onlar İrəvan sözünü götürüb, xanlıq sözünü pozublar. Budur onların yazdığı tarix. Sonralar minlərlə toponim adlarını dəyişdilər. Uydurma ensiklopedik xəritələr çap etdilər. Beləcə, onlar saxtakarlıqla məşğuldular. Dilənçi payı ilə yığdıqları vəsaitləri də belə yalançı təbliğata sərf edirlər”.

Artıq vəziyyət o yerə gəlib çatıb ki, bəzi erməni əsilli tarixçilər belə, Ermənistanın qədim tarixi ilə bağlı uydurmalara şübhə ilə yanaşır.

Vidadi ORDAHALLI

Son xəbərlər