Bir müddət əvvəl əməkdar mədəniyyət işçisi, Mir Cəfər Bağırovun biblioqrafı Fazil Məmmədovun "Sovet Azərbaycanı Kreml orbitində" (iyun 1945 - iyul 1953) kitabı nəşr edilib. Kitab Mir Cəfər Bağırovun anadan olmasının 120 illiyinə həsr olunub.
Nəşrin anatasiyasında qeyd edilir ki, bu kitabda M.C.Bağırovun Azərbaycana rəhbərliyinin son illərində respublikada görülən nəhəng bərpa və quruculuq işlərindən bəhs olunur: "Kitab dörd bölmədən ibarətdir. Bu bölmələrdə Böyük Vətən Müharibəsindən sonrakı dövrdə Azərbaycanda xalq təsərrüfatının, elmin, maarifin, mədəniyyətin və səhiyyənin yüksəlişi uğrunda respublika partiya təşkilatının mübarizəsi və M.C.Bağırovun rəhbərliyi ilə bu sahədə görülən işlər, kənd təsərrüfatı və sənayenin daha da inkişaf etdirilməsi ilə bağlı həyata keçirilən köklü tədbirlər, habelə ölkədə geniş qeyd olunan yubileylər və elmi-ədəbi müzakirələr haqqında oxucuya ilk dəfə olaraq bir çox yeni məlumatlar verilir. Kitabda, həmçinin, erməni separatçılarının, terrorçularının və irticaçılarının çoxsaylı sənəd və sübutlar əsasında ifşası məsələsinə də geniş yer verilib".
Qeyd edək ki, "Sovet Azərbaycanı Kreml orbitində" kitabı "Şəms" nəşriyyatında çap olunub.
baki-xeber.com
