Nadir Qafarzadənin köhnə paltarlarına pul verərsinizmi?

Tarix: 02.08.2016 / 02:16
Bölmə: Mədəniyyət

Əli Mirəliyev: "Nadir Qafarzadənin geyinilmiş paltarı kimə lazımdır ki, onu satışa çıxarır?"

Aydınxan Əbilov: "Dünyaca tanınmış sənət adamları da geyindiyi paltarları satışa çıxarır"

Xəyalə Məmmədova: "Düşünmürəm ki, onun geyinilmiş, iylənmiş paltarlarını kimsə ala"

Şou-biznes nümayəndələri bu dəfə geyimləri ilə gündəmə gəlib. Şou-biznes təmsilçiləri bir zaman geyindiyi libasları satışa çıxarır. Belə bir işə estrada müğənnisi Nadir Qafarzadə imza atıb. Müğənni bu barədə öz sosial şəbəkə hesabı vasitəsilə məlumat yayıb. O qeyd edib ki, şəxsi qarderobundakı geyimlərini satışa çıxarıb.

Libasların satışından əldə olunan vəsait isə xeyriyyə işlərinə sərf olunacaq.

Qeyd edək ki, məşhur dünya müğənniləri öz geyimlərini satışa çıxarır. Ancaq onların satışa çıxardığı geyimlər tanınmış modelyerlərin əl işləridir və həmin libaslar müxtəlif qiymətli daşlarla bəzədilib.

Müğənni N.Qafarzadənin öz geyimlərini satışa çıxarması həmkarları tərəfindən birmənalı qarşılanmayıb.

Tanınmış müğənni Əli Mirəliyev "Bakı-Xəbər"ə açıqlamasında qeyd etdi ki, istər müğənni, istərsə də başqa sahələrdən çalışanların geyinilmiş libaslarının satışa çıxarılması düzgün deyil: "Şou-biznes nümayəndələrindən bu gün nə desən gözləmək olar. Kiminsə köhnə geyinilmiş paltarı kimə lazımdır ki, onlar satışa çıxarır? Paltara ehtiyacı olan şəxslər özünə dükanlardan təzəsini alar. Onun geyinilmiş paltarı kimə lazımdır? Kimə lazımdır onun adi parçadan olan köynəkləri? Onun paltarları bahalı daş-qaşlarla bəzədilməyib ki, kiminsə marağında olsun".

Ə.Mirəliyev hesab edir ki, artıq bəzi müğənnilər oxumaqdan yorulub, paltar və ya evlərini satışa çıxarmaqla gündəmdə qalmaq istəyir: "Qadın müğənnilər paltarını satışa çıxarsa, söz demərik. Gəlin etiraf edək ki, mərhum müğənni İlhamə Quliyevanın saysız libası var idi. Onun geyimlərinin qiyməti hər kəsə bəlli idi. İlhamə xanımın elə paltarları var idi ki, onu cəmi 1 və ya 2 dəfə geymişdi. O cür müğənni paltarlarını satmayıbsa, Nadirin satması düzgün deyil.

Geyinmədiyim geyimləri ehtiyacı olanlara hədiyyə veririk. Paltarlarımın arasında olduqca bahalı və məşhur firmaların libasları var. İndi belə çıxır ki, mən onları satışa çıxarmalıyam? Mən müğənniyəm, satıcı deyiləm".

Həmsöhbətimiz hesab edir ki, xeyriyyə məqsədilə geyinilmiş paltarları satışa çıxarmaqdansa, xeyriyyə konserti təşkil etmək düzgündür.

Yazıçı, kulturoloq Aydınxan Əbilov bizimlə söhbətində bildirdi ki, dünyaca tanınmış sənət adamları arasında bu tipli aksiyalar keçirilir: "Aktyor, aktrisa və ya müğənnilərin geyimləri hər zaman qeyri-adi olur. O geyimlər sonradan sənət nümunəsi sayılır. Dünyaca məşhur Ledi Qaqa və ya Maykl Cekson kimi sənətçilərin də geyimi satışa çıxarılıb. Səhnədə bir neçə dəfə geyinilən libasların satışa çıxarılmasında məqsəd əldə olunan gəlirin qocalar və ya uşaq evinə verilməsidir. Nadir Qafarzadə vaxtilə öz geyimlərinə böyük miqdarda pul xərcləyib və onun haqqıdır ki, istifadə etmədiyi libası satışa çıxarsın".

Mədəniyyət yazarı Xəyalə Məmmədova hesab edir ki, Nadir Qafarzadənin indiyə qədər həyata keçirdiyi layihələr ancaq özünü göstərmək üçün olub: "Necə ki, bir vaxtlar həyat yoldaşına konsert verdi və bu barədə aləmə car çəkdi, geyimlərini satışa çıxarması da onun kimidir. Düşünmürəm ki, onun geyinilmiş, iylənmiş paltarlarını kimsə ala. Alsa-alsa, ancaq özü səviyyəsində, özünü ona şirin salmaq istəyən dost-tanışları olar".

X.Məmmədovanın fikrincə, N.Qafarzadə bu addımı atmaqla özünü dünya ulduzlarına bənzətmək istəyir. Ancaq bizim şou-biznesin dünya arenasında hansı yerdə olmasından xəbərsizdir: "O ki qaldı, geyimlərini satmağına, təki alan olsun, biz onun bazarına qarşı çıxmırıq. Allah bazar versin. Bizim yaşadığımız cəmiyyətdə bu kimi layihələrlə məşhur olmaq mümkün deyil. Yalnız sənət ilə xalqın ürəyinə yol tapmaq olar".

Həmsöhbətimizin sözlərinə görə, N.Qafarzadə geyinilmiş paltarlarını xeyriyyə məqsədilə satmaqdansa, xeyriyyə konserti versə, bu daha yaxşı qarşılanar.

Günel CƏLİLOVA

DİGƏR XƏBƏRLƏR

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

Tarix: 29.09.2026 / 09:12

Romada “Harmoniya” sənədli filminin təqdimatı olub - FOTO

Tarix: 26.09.2026 / 08:51

Qafqaz Albaniyası memarlığında heraldika və simvoloji nişanlar sistemi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...