Mərhum aşıq Aydın Çobanoğlunun 65 illik yubileyi qeyd edildi

Tarix: 29.06.2016 / 01:32
Bölmə: Mədəniyyət

Məhərrəm Qasımlı: "O, Azərbaycan aşıq sənəti tarixinə həm də bir fədakar təşkilatçı kimi daxil oldu"

İyunun 27-də Rəşid Behbudov adına Dövlət Mahnı Teatrında Mədəniyyət və Turizm Nazirliyi və Azərbaycan Aşıqlar Birliyinin birgə təşkilatçılığı ilə aşıq Aydın Çobanoğlunun 65 illik yubileyinə və onun "Ömrün etməyəcək vəfa dedilər" adlı kitabının və "Səyyadı" adlı CD diskinin təqdimatına həsr olunmuş tədbir keçirilib.

Bu barədə "Bakı-Xəbər"ə məlumat verən AAB-nin katibi, əməkdar mədəniyyət işçisi Musa Nəbioğlu bildirib ki, tədbiri Aşıqlar Birliyinin sədri, əməkdar elm xadimi, professor Məhərrəm Qasımlı açıb. O, çıxışında "Aydın Çobanoğlu Azərbaycan aşıq sənətinin elə bir siması idi ki, dünyasını vaxtsız dəyişsə də, sənətsevərlərin, yaxınlarının və dostlarının qəlbində hər zaman sağdır, özündən sonra qoyduğu zəngin ədəbi irs və ecazkar səsi, bənzərsiz ifası ilə yaşayır və zaman-zaman da yaşayacaq. Qısa ömründə böyük bir sənət yolu keçən Aydın Çobanoğlu bu gün də bizimlədir, bizim sıramızdadır. O, bütün varlığı ilə saza bağlı idi. Aydın Çobanoğlu həm də təşkilatçı bir aşıq kimi yaddaşlarda yaşayır. Təsadüfi deyil ki, Hüseyn Arif Aşıqlar Birliyinə rəhbərlik edəndə sədrin müavini vəzifəsini ona etibar etmişdi. Bu baxımdan o, başqalarına nümunə idi. O, Azərbaycan aşıq sənəti tarixinə həm də bir fədakar təşkilatçı kimi daxil oldu. Aşıqlardan ibarət ilk ailə ansamblını da o yaratmışdı" - deyə bildirib.

Tədbirin aparıcısı, əməkdar mədəniyyət işçisi, folklorşünas alim Elxan Məmmədli də Aydın Çobanoğlu ilə bağlı xatirələrini söyləyib, aşıq sənətinin inkişafı naminə xidmətlərindən söz açıb.

Tədbirdə çıxış edən Osman Əhmədoğlu, Əkbər Qoşalı, Vəliyəddin Misiroğlu və Məlahət Yusifqızı da ölməz sənətkarla bağlı ən şirin xatirələrini dilə gətirib, onun bənzərsiz sənətkar olduğunu vurğulayıblar.

Aşıqlardan əməkdar mədəniyyət işçiləri Əli Quliyev, Əhliman Rəhimov, Ulduz Quliyeva, Samirə Əliyeva və Nemət Qasımlı, əməkdar mədəniyyət işçisi Gülarə Azaflının rəhbərlik etdiyi "Çeşmə" qrupu, Əli Tapdıqoğlunun rəhbərlik etdiyi Şirvan aşıqları qrupu, Təbrizdən gəlmiş aşıq Vədut Qaradağlı, Altay Məmmədli, İlham Aslanbəyli, Şaiq İncəli, Avdı Musayev, Şəhriyar Kərimov, Elməddin Məmmədli, Ramin Qarayev, Qabil Abduyev, İsa Qaraxanlı, Şəhriyar Şahverdiyev və Roman Azaflının, eləcə də əməkdar artist Zakir Əliyevin çıxışları tədbir iştirakçıları tərəfindən rəğbətlə qarşılanıb.

Sonda Aydın Çobanoğlunun nəvələri Aydın və Nərgiz babalarının şeirini söyləyib, qızı Aytən Aydınqızı isə tədbirin təşkilatçılarına minnətdarlığını bildirib.

Tədbir yubilyarın oğlu Səyyad Aydınoğlunun ifası ilə yekunlaşıb.

Xatırladaq ki, aşıq Aydın Çobanoğlu (Musayev) 1951-ci il yanvarın 18-də Tovuz rayonunun Əlimərdanlı kəndində anadan olub. Azərbaycan Dövlət Universitetinin filologiya fakültəsini bitirib. 1972-ci ildə böyük sənət dünyasına qədəm qoyan A.Çobanoğlu Ümumittifaq festivalının, 1977-1979-cu illərdə gənc aşıqların respublika müsabiqələrinin qalibi, 1984-cü ildə Polşa Respublikasında keçirilən 11-ci Beynəlxalq folklor festivalının və 1987-ci ildə 2-ci Ümumittifaq xalq yaradıcılığı festivalının və bir sıra digər festivalların laureatı olub.

"Abşeron" və "Günay" ailə ansambllarını, Respublika Aşıqlar Birliyinin nəzdindəki qızlardan ibarət "İncəgülü" aşıqlar ansamblını yaradıb. Aydın Çobanoğlu 1993-cü il martın 23-də faciəli şəkildə dünyasını dəyişib.

İradə SARIYEVA

DİGƏR XƏBƏRLƏR

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

Tarix: 29.09.2026 / 09:12

Romada “Harmoniya” sənədli filminin təqdimatı olub - FOTO

Tarix: 26.09.2026 / 08:51

Qafqaz Albaniyası memarlığında heraldika və simvoloji nişanlar sistemi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...