"Zəncirbənd"in Ağakəriminin 70 yaşı vəfatından 11 il sonra qeyd ediləcək

Tarix: 30.04.2016 / 01:41
Bölmə: Mədəniyyət

Bu gün Musiqili Teatrda oynanılacaq "Qızıl toy" tamaşası əməkdar artist Xanlar Muradovun xatirəsinə həsr edilib

Aktyorlar ömrünü tamamilə səhnəyə bağladığı üçün onlar dünyadan köçdükdən sonra belə düşünürsən ki, indi hansısa tamaşada qarşına çıxacaq. Azərbaycan teatr sənətinin, xüsusən də musiqili komediya janrının elə tərəfləri var ki, orada ancaq istedadlı insanlar nəticə əldə edə bilər. Azərbaycan teatrında musiqili komediya janrının çox nəhəng simalarını hər birimiz tanıyırıq.

Elə aktyorlar da var ki, olduqca istedadlı olsalar da, tamaşaçılar arasında elə də populyar deyil. Lakin peşəkar olduqları üçün teatr aləmində böyük nüfuz qazanıblar. Ümumiyyətlə, kiminsə populyar olması heç də onun peşəkarlığına dəlalət etmir. Peşəkarlıqla populyarlıq bir-birilə eyni məcraya sığmaya da bilər.

Xanlar Muradov məhdud sayda tamaşaçıya tanış sənətkardır. Onun radio və televiziya tamaşalarında, teatrda yaratdığı obrazlar olduqca rəngarəng və maraqlı olub. Milli teatrımızın qızıl dövrünün sənətkarlarından olan Xanlar Muradovun bu il 70 yaşı tamam olur. Həyatdan erkən gedən sənətkar sənət dostlarının hər zaman yadındadır.

30 aprel 2016-cı il tarixində Azərbaycan Respublikasının əməkdar artisti, özünəməxsus ifa tərzi və koloritli yumor hissi ilə tamaşaçıların yaddaşında iz qoyan Azərbaycan Dövlət Musiqili Teatrının aktyoru Xanlar Muradovun 70 yaşı tamam olur. Dövlət Musiqili Teatrında doğum günündə mərhum aktyorun xatirəsi anılacaq.

Teatrşünaslar bildirir ki, X.Muradov Azərbaycan teatrında öz yeri, öz çəkisi olan aktyorlardan biri olub. Onun özünəməxsus ifasını Musiqili Teatrın sadiq tamaşaçıları indinin özündə də çox yaxşı xatırlayır. X.Muradov 1975-ci ildən dünyasının dəyişdiyi 2005-ci ilə qədər - düz 30 il Azərbaycan Dövlət Musiqili Teatrında fəaliyyət göstərib, bir-birindən maraqlı obrazlar canlandırıb. Teatr sahəsindəki xidmətlərinə görə 2000-ci ildə əməkdar artist adına layiq görülüb. Məlumatlara görə, 30 aprel, saat 19.00-da O.Kazimi və R.Heydərin "Qızıl toy" iki hissəli musiqili komediyasının növbəti nümayişi X.Muradovun 70 illiyinə həsr olunacaq. Vaxtilə o özü də bu tamaşada Rəhim kişi obrazında çıxış edib.

Mədəniyyət və Turizm Nazirliyinin rəsmi saytında qeyd edilir ki, Xanlar Yunis oğlu Muradov 1946-cı il aprel ayının 30-da Qaradağ rayonunun Lökbatan qəsəbəsində (bəzi mənbələrdə Sumqayıt şəhəri) doğulub. 1970-1975-ci illərdə Sumqayıt Dövlət Dram Teatrında, 1975-2005-ci illərdə isə Azərbaycan Dövlət Musiqili Teatrında (o vaxtkı Musiqili Komediya Teatrı) aktyor işləyib. Sumqayıt teatrında Şeyda ("Toy", Sabit Rəhman), Qurban ("Müsibəti-Fəxrəddin", Nəcəf bəy Vəzirov), Axund ("Solğun çiçəklər", Cəfər Cabbarlı), Sırodovey ("Tribunal", Aleksandr Makoyonok), Yaqub ("Həmyerlilər", Altay Məmmədov), Silvester ("Skapenin kələkləri", Jan Batist Molyer), Bədurətdin ("Bu meydan, bu şeytan", Firudin Aşurov), Qələndərov ("Gülməyən adam", Əfqan Əsgərov), Şair ("Paralelimin nəbzi", Ramiz Heydər), Azərbaycan Dövlət Musiqili Teatrında isə Hilal ("Durna", Süleyman Rüstəm, Səid Rüstəmov), Molla Musa ("Boşanaq, evlənərik", Əliağa Kürçaylı, Vasif Adıgözəlov), Bəbirli ("Özümüz bilərik", Şıxəli Qurbanov, Süleyman Ələsgərov), Qulam ("Həyətim mənim, həyatım mənim", Cahangir Məmmədov, Əşrəf Abbasov), Bilal ("Qız görüşə tələsir", Adil Babayev, Tofiq Bakıxanov, Nəriman Məmmədov), Rəhim kişi ("Qızıl toy", Ramiz Heydər, Oqtay Kazimi), Vəli ("Məzəli əhvalat", Ruhəngiz Qasımova), Xudayar bəy ("Danabaş kəndinin əhvalatları", Cəlil Məmmədquluzadənin eyni adlı əsəri əsasında Cənnət Səlimovanın librettosu, bəstəkar Oqtay Kazimi), Mustafa ("Nəğməli könül", Xalidə Hasilova, Emin Sabitoğlu), Cəbrayıl-Arıq ("Lənət şeytana", Firudin Aşurov, Vasif Adıgözəlov), Qoçu Əsgər ("O olmasın, bu olsun", Üzeyir Hacıbəyov), Əlimərdan ("Gözün aydın", Məhərrəm Əlizadə, Fikrət Əmirov), Məhəmməd ("Lotoreya", Vaqif Səmədoğlu, Aydın Əzimov), Murtuzov ("Özümüz bilərik", Şıxəli Qurbanov, Süleyman Ələsgərov), Milyonçu ("Səhnədə məhəbbət", Əli Əmirli, Sərdar Fərəcov) rollarını ifa edib.

Xanlar Muradov 2005-ci il fevral ayının 5-də Bakıda vəfat edib.

X.Muradov teatr sənətində dərin izlər buraxan sənətkardır və musiqili komediya janrının müasir dövrdə ən layiqli aktyoru kimi yadda qalıb. Zəngin obrazlar qalereyası yaradan sənətkarın rollarının hər biri özünəməxsus təbiiliklə yaradılıb. Çoxlarımız onu Məhərrəm Bədirzadənin komediya janrında ekranlaşdırdığı "Zəncirbənd" film-tamaşada yaratdığı Ağakərim rolu ilə tanıyırıq.

X.Muradov "Şir evdən getdi", "Od içində", "Evləri köndələn yar", "Topal Teymur", "Bəxtəvər" filmlərində rol alıb. X.Muradovun rolları çoxdur. Hamısı da unudulmazdır. Sənətkarın ruhu şad olsun!

İradə SARIYEVA

DİGƏR XƏBƏRLƏR

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

Tarix: 29.09.2026 / 09:12

Romada “Harmoniya” sənədli filminin təqdimatı olub - FOTO

Tarix: 26.09.2026 / 08:51

Qafqaz Albaniyası memarlığında heraldika və simvoloji nişanlar sistemi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...