Üzeyir Hacıbəyovun 130 illik yubileyi Bişkekdə...

Tarix: 19.03.2016 / 00:40
Bölmə: Mədəniyyət

Azərbaycan Respublikasının Qırğız Respublikasındakı Səfirliyi Qırğız Respublikasının Mədəniyyət, İnformasiya və Turizm Nazirliyi ilə birgə bu ilin mart ayının 17-də Qırğız Respublikasının Abdılas Maldıbayev adına Milli Akademik Opera və Balet Teatrında bütün müsəlman şərqində ilk operanın, operettanın, musiqili komediyanın və kantat-oratoriya musiqisinin yaradıcısı, ümumilikdə isə Azərbaycan klassik musiqi sənətinin banisi Üzeyir Hacıbəyovun 130 illiyi münasibətilə yubiley gecəsi və qala-konsert keçirilib.

Ağzınacan tamaşaçılarla dolu olan nəhəng salonda Qırğız Respublikasının hökumət üzvləri, deputatlar, digər rəsmilər, xarici dövlətlərin bu ölkədəki səfirləri, beynəlxalq təşkilatların rəhbərləri, görkəmli ziyalılar - elm, mədəniyyət, ədəbiyyat xadimləri, ictimaiyyətin tanınmış təmsilçiləri, soydaşlarımız iştirak edib.

Qırğız Respublikasının A.Maldıbayev adına Milli Akademik Opera və Balet teatrının direktoru Bolot Osmonov tədbiri açaraq, Azərbaycan Respublikasının Qırğız Respublikasında Səfirliyinin son vaxtlar iki qardaş ölkənin mədəniyyət sahəsində əlaqələrinin inkişafı üçün göstərdiyi səylərə görə təşəkkürünü bildirib.

Sonra Qırğız Respublikası Mədəniyyət, İnformasiya və Turizm naziri Altınbek Maksutov çıxış edib.

Qırğız nazir növbəti dəfə belə böyük tədbirin Bişkekdə keçirilməsinə görə Azərbaycan Respublikasının Qırğız Respublikasında Fövqəladə və Səlahiyyətli səfiri Hidayət Orucova təşəkkür edib, dahi sənətkar Üzeyir Hacıbəyovun yubileyinin Bişkekdə keçirilməsinin xüsusi önəm daşıdığını, qırğız xalqının ona böyük rəğbət bəslədiyini qeyd edib.

Sonra Azərbaycan Respublikasının Qırğız Respublikasında fövqəladə və səlahiyyətli səfiri Hidayət Orucov çıxış edərək, görülən işlərin yüksək qiymətləndirilməsinə görə təşəkkürünü bildirib.

Səfir son zamanlar həm Azərbaycanda, həm də Qırğızıstanda bir çox vacib tədbirlərin keçirildiyini qeyd edib.

Hidayət Orucov xüsusilə vurğulayıb ki, Azərbaycan Respublikasının Prezidenti İlham Əliyevlə Qırğız Respublikasının Prezidenti Almazbek Atambayevin apardığı siyasətin nəticəsi olaraq dövlətlərimiz arasında siyasi, iqtisadi və humanitar sahələrdə əməkdaşlıq daha da möhkəmlənib.

Bildirib ki, bu müddət ərzində ölkələrimiz arasında mədəni mübadilə gücləndirilib.

Səfir son illərdə humanitar sahədə çoxsaylı tədbirlərin bəzilərini xüsusilə qeyd edib, eyni zamanda bildirib ki, hazırda da bir-neçə mühüm tədbirin keçirilməsi planlaşdırılır: "Yaxın aylarda Azərbaycan Respublikasının Qırğız Respublikasinda Səfirliyi və Qırğızstan Xalqları Assambleyasına daxil olan "Azəri" İctimai Birliyinin təşəbbüsü ilə Qırğızıstan Prezidenti Almazbek Atambayevin fərmanı ilə elan olunmuş 2016-cı ilin Qırğızstanda tarix və mədəniyyət ilinə həsr olunan tədbir keçiriləcək. Biz eyni zamanda, Qırğızıstanda Azərbaycan və Azərbaycanda Qırğızstan Mədəniyyət Günlərinin keçirilməsinə hazırlaşırıq".

Səfir H.Orucov qısa müddət ərzində Azərbaycan və Qırğızıstan Respublikaları və qardaş azərbaycan və qırğız xalqları arasında əməkdaşlığın dərinləşməsi və möhkəmlənməsi, genişlənməsi, sonrakı inkişafı üçün möhkəm təməllər qoyulduğunu qeyd edib.

O, belə tədbirlərin təşkil olunması iki qardaş xalqı daha da yaxınlaşdırdığı bildirib.

Səfir yaşlı nəslin "Arşın mal alan" operettasına yaxşı bələd olduğunu, yeni nəslə də bu operettanın xoş gəldiyini, çünki bütün nəsillər üçün heç zaman dəbdən düşməyən inci olduğunu xüsusilə vurğulayıb.

Qırğızıstan Milli Akademik Opera və Balet teatrının solisti Asel Bekbayeva 2013-cü ildə YUNESKO baş qərargah binasının konsert zalında "Arşın mal alan" operettasından partiya ifa etdiyini,"Arşın mal alan"ın dünyanın 76 ölkəsində 187 teatrda səhnələşdirildiyini yubiley iştirakçılarının diqqətinə çatdırıb.

Səfir deyib: "Üzeyir Hacıbəyovun yaratdığı bu əsər yüksək insani duyğuların himninə çevrilmiş və ilkin təravətini heç itirməmişdir və artıq bir əsrdir bu əsər dünya teatr səhnəsinin və kinematoqrafiyasının layiqli incisidir.

Üzeyir Hacıbəyovun yaradıcılığında şərq və qərb musiqi tərzləri birləşdirilmiş, azərbaycan xalq musiqisi elementləri Avropa klassik ənənələrinə uyğunlaşdırılmışdır".

Sonra səfir Qırğız Respublikası Mədəniyyət, İnformasiya və Turizm Nazirliyinə, Abdılas Maldıbayev adına Milli Akademik Opera və Balet teatrının gözəl, istedadlı kollektivinə, Azərbaycandan gələn istedadlı opera müğənnilərinə, bu unudulmaz gecənin keçirilməsində zəhmət çəkən bütün şəxslərə, eyni zamanda o gün zalda olan əziz qonaqlara, Üzeyir Hacıbəyov kimi dünya klassik musiqi korifeyinin əsərlərinə göstərilən sədaqət və sevgiyə gorə öz təşəkkürünü bildirib.

Və sonda deyib: "Üzeyir Hacıbəyovun yubileyinin Novruz bayramı ərəfəsində keçirilməsi, fikrimcə, təbii haldır, çünki bahar-Novruz - təbiətin, zamanın oyanışını, təzələnməsini təcəssüm etdirir, Üzeyir Hacıbəyov isə bütün müsəlman dünyasında klassik musiqinin baharı-novruzu idi".

Sonra Üzeyir Hacıbəyovun əsərlərindən ibarət olan qala-konsert baş tutub.

Qala-konsertdə Qırğızıstanın populyar opera müğənniləri: Qırğızıstanın xalq artisti Jumakadır Kanimetov, əməkdar artist Sadırbek Jumaşev, Qırğız Milli Akademik Opera və Balet teatrının baş xormeysteri Karaqul Tilençiyev və solistlər Asel Bekbayeva, Bakıt Ibıkeyev, Nurjiqit Asanov, Salima Mamatova, Almaz İstambayev, Mediana Baitova ilə yanaşı Azərbaycanın xalq artisti, professor Azər Zeynalov, Azərbaycanın əməkdar artisti İlahə Əfəndiyeva, Azərbaycan Dövlət Akademik Opera və Balet teatrının dirijoru Eyyub Quliyev çıxış edib.

Qala-konsertin rejissoru İskender Saatbayevdir.

Qala-konsert bitəndə salonda uzun müddət alqış sədaları səslənib.

Xəbər xidməti

DİGƏR XƏBƏRLƏR

Tarix: 14.08.2026 / 14:03

Əfsanədən gerçəkliyə uzanan 5 minillik tarix - Troya

Tarix: 13.08.2026 / 22:41

Macarıstanda Yupiterə həsr olunmuş qurbangah aşkarlandı

Tarix: 13.08.2026 / 18:49

Müharibə aparan ölkələrə "Avroviziya” qadağası - Təşkilatçılar qərar verdi...

Tarix: 13.08.2026 / 16:00

Məşhur rejissorların teatr premyeraları və əfsanəvi tamaşaları Bakı Beynəlxalq İncəsənət Festivalında nümayiş olunacaq

Tarix: 11.08.2026 / 12:34

Pianonun düymələrində saxlanmış bir Vətən: Züleyxa Abdullayevanın səsi insanlara bu cür çatır

Tarix: 10.08.2026 / 12:48

Yunus Oğuz – Tarixi romanın müasir nəfəsi

Tarix: 09.08.2026 / 11:50

50 illik yubileyidir, yoxsa bu da yeni zarafatıdır...

Tarix: 07.08.2026 / 12:34

Türkiyənin UNESCO-nun Dünya İrsinin İlkin Siyahısına daxil edilən unikal tarixi abidəsi - Kadıkalesi

Tarix: 06.08.2026 / 22:08

Azərbaycan Mədəniyyəti sosial platforması Yayfest-də uğurla çıxış edib...

Tarix: 05.08.2026 / 20:10

Rayon teatrlarında direktorlar və müavinlər seçilir, ya təyin edilir...

Tarix: 05.08.2026 / 14:15

Musiqi terapevti soydaşımızdan Türkiyədə unudulmaz sənət gecəsi...

Tarix: 04.08.2026 / 20:47

Xarici sərmayiçilər kinomuza 12 milyon dolları necə yatırıb?...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.08.2026 / 21:44

Ərdoğan “Məkkə sazişi”nin arxasındakı sirri açdı - Ekspertlər şübhə ilə baxır...

Tarix: 13.08.2026 / 20:16

Avropa Birliyinin Naxçıvan dəmir yollarında marağının görünən və görünməyən tərəfləri...

Tarix: 13.08.2026 / 15:30

İrəvanda Azərbaycan təbii qazına qarşı ikitərəfli kampaniya başladı...

Azərbaycanda vətəndaş cəmiyyətinin inkişafında rəqəmsallaşma və innovasiyalar ön plana çıxır