Əcnəbilərin çəkdiyi Xocalı filmləri barədə xüsusi ictimai rəy var

Tarix: 06.02.2016 / 01:13
Bölmə: Mədəniyyət

Şeyx Əbdül Mahmudbəyov: "Sonsuz Dəhliz" sənədli filmi bir sıra ölkələrdə izdihamla qarşılanıb"

"Milliyyətindən asılı olmayaraq, kimsə bizim yaralı yerimiz olan Xocalı faciəsi haqqında nəsə çəkib dünya ictimaiyyətinə çatdırırsa, həmin şəxsə yalnız əhsən düşür"

Xocalı soyqırımı Azərbaycan xalqının tarixində qanla yazılan səhifədir. Azərbaycanın gözəl yurdu olan Xocalı bir gecənin içində yerlə-yeksan edildi. O gecə dinc sakinlər, əksəriyyəti də qadın və uşaqlar olan insanlar qətlə yetirildi. Tarixdə misli görünməmiş qətliam həyata keçirildi.

Xocalı faciəsi haqqında filmlər, tamaşalar hazırlanıb. Hazırlanan filmlərdə Xocalı faciəsində dinc sakinlərin necə qətl edilməsi göstərilir.

Yerli rejissorlarla yanaşı, əcnəbilər də Xocalı faciəsi haqqında kino hazırlayıb. Özü də onların Xocalı faciəsi haqqında çəkdiyi film beynəlxalq müsabiqədə qalib olub.

Litvalı rejissor Aleksandras Brokasın rejissoru olduğu "Endless Corridor" (Sonsuz Dəhliz) sənədli filmi ABŞ-ın "Accolade Film Competition" adlı nüfuzlu kino nəşrinin "Global Film Awards" müsabiqəsinin "Humanitar mükafat"ına layiq görülüb. Həmin mükafat "Müstəsna nailiyyət" nominasiyası üzrə verilib.

"Sonsuz Dəhliz" filminin "Xocalıya ədalət!" təbliğat-təşviqat kampaniyası çərçivəsində ötən ilin fevral ayında İstanbul, Ankara, Roma, Vilnüs, London, Paris, Dublin, Berlin, Bern, Lüksemburq kimi şəhərlərdə təqdimatı keçirilib. İngilis dilində çəkilən film Leyla Əliyevanın təşəbbüsü ilə Azərbaycan, rus, türk, fransız, italyan və alman, ərəb dillərinə tərcümə edilib.

Film Türkiyənin "Kanal 24", "CNN Türk", Albaniyanın Milli Televiziyasında və İsrailin"Channel 1" televiziya kanalında nümayiş etdirilib.

Xatırladaq ki, filmin premyerası 2014-cü il iyulun 1-də Londonda Britaniya Film və Televiziya İncəsənəti Akademiyasında (BAFTA) keçirilib. Tədbirdə Heydər Əliyev Fondunun vitse-prezidenti Leyla Əliyeva da iştirak edib. "Sonsuz Dəhliz" sənədli filmi prodüsserlər Aleksandras Brokas (Litva) və nüfuzlu "Grammy Award" mükafatçısı Cerald Rafşun (ABŞ) tərəfindən çəkilib. Film britaniyalı aktyor, BAFTA mükafatçısı Ceremi Ayronz tərəfindən səsləndirilib.

Film Xocalı dəhşətlərinin şahidi olan litvalı jurnalist Riçard Lapaitisin faciədən 20 il sonra yenidən Azərbaycana gələrək qətliamdan xilas olan hadisə şahidləri ilə görüşlərində lentə alınan xatirələri və Ermənistan tərəfindən faciənin təşkilində birbaşa iştirak edən şəxslərlə müsahibəsi əsasında qurulub, Qarabağın Azərbaycan tarixi və mədəniyyəti üçün əhəmiyyətinə dair süjetlərə yer verilib. Filmdə Xocalı qırğınına dair indiyədək az məlum olan yeni faktlar, sənədlər və vaxtilə çəkilmiş videogörüntülər və fotomateriallara istinad edilir, qətliam haqqında həqiqətlər təsirli şəkildə tamaşaçıya çatdırılır.

Kinorejissor Şeyx Əbdül Mahmudbəyov Xocalı faciəsi ilə bağlı ölkəmizə dəstək verən hər kəsə təşəkkür etdi. Kinorejissor "Bakı-Xəbər"ə açıqlamasında qeyd etdi ki, dünyanın hər bir yerində fəaliyyət göstərən erməni diaspor təşkilatları ancaq Azərbaycanın nüfuzunun aşağı salınması ilə bağlı fəaliyyət göstərir: "Onlara alternativ cavab verilməyəndə dünya ölkələri onlara inanır. Xocalı faciəsi ilə bağlı çoxlu sayda filmlər hazırlanmalıdır. Xocalı faciəsi haqqında həm yerli, həm də xarici rejisorlar film çəkə bilər".

Ş.Ə.Mahmudbəyovun sözlərinə görə, o, "Qan yaddaşı" adlı sənədli film çəkib: "Bu filmin dünya ekranlarına çıxması üçün ağız açmadığım qapı qalmayıb. Məqsədim bu filmi beş-altı dilə tərcümə etmək və dünya ekranlarına çıxarmaqdır. Səsimə səs verən yoxdur. Bu film dəlil-sübutlar əsasında ekranlaşdırılıb. O filmə baxmısınız, özünüz görmüsünüz ki, orada necə dəhşətli faktlar açıqlanıb, özü də erməni ziyalılarının, tarixçilərinin öz dili ilə. Həmin faktları vaxtilə Ermənistanda yaşayan ziyalılarımızdan almışam. Real faktlarla ermənilər özlərini rüsvay edir. Dədə-babadan türklərə sığındıqlarını bildirən erməni tarixçiləri yurd-yuvalarının olmadığını etiraf edirlər. Özləri deyirlər ki, biz türkün yanında adam olmuşuq, onlardan görüb-götürmüşük. Yoxsa ki, onların nə mədəniyyəti olub, nə mətbəxi, nə də tarixi. "Qan yaddaşı" filmi iki dəfə Türkiyədə nümayiş olunub, özü də yüksək səviyyədə qarşılanıb".

Həmsöhbətimizin sözlərinə görə, Xocalı faciəsi haqqında

litvalı rejissor Aleksandras Brokasın çəkdiyi "Sonsuz Dəhliz" sənədli filmi bir sıra ölkələrdə izdihamla qarşılanıb: "Milliyyətindən asılı olmayaraq, kimsə bizim yaralı yerimiz olan Xocalı haqqında nəsə çəkib dünya ictimaiyyətinə çatdırırsa, həmin şəxsə yalnız əhsən düşür. "Sonsuz Dəhliz" filmi dünyanın hər bir ölkəsində yayılmalıdır ki, ermənilərin dinc Azərbaycan xalqını necə qətl etməsi hər kəsə bəlli olsun. Bu mövzuda çəkilən filmlərin sayı artmalıdır".

Günel CƏLİLOVA

DİGƏR XƏBƏRLƏR

Tarix: 14.08.2026 / 14:03

Əfsanədən gerçəkliyə uzanan 5 minillik tarix - Troya

Tarix: 13.08.2026 / 22:41

Macarıstanda Yupiterə həsr olunmuş qurbangah aşkarlandı

Tarix: 13.08.2026 / 18:49

Müharibə aparan ölkələrə "Avroviziya” qadağası - Təşkilatçılar qərar verdi...

Tarix: 13.08.2026 / 16:00

Məşhur rejissorların teatr premyeraları və əfsanəvi tamaşaları Bakı Beynəlxalq İncəsənət Festivalında nümayiş olunacaq

Tarix: 11.08.2026 / 12:34

Pianonun düymələrində saxlanmış bir Vətən: Züleyxa Abdullayevanın səsi insanlara bu cür çatır

Tarix: 10.08.2026 / 12:48

Yunus Oğuz – Tarixi romanın müasir nəfəsi

Tarix: 09.08.2026 / 11:50

50 illik yubileyidir, yoxsa bu da yeni zarafatıdır...

Tarix: 07.08.2026 / 12:34

Türkiyənin UNESCO-nun Dünya İrsinin İlkin Siyahısına daxil edilən unikal tarixi abidəsi - Kadıkalesi

Tarix: 06.08.2026 / 22:08

Azərbaycan Mədəniyyəti sosial platforması Yayfest-də uğurla çıxış edib...

Tarix: 05.08.2026 / 20:10

Rayon teatrlarında direktorlar və müavinlər seçilir, ya təyin edilir...

Tarix: 05.08.2026 / 14:15

Musiqi terapevti soydaşımızdan Türkiyədə unudulmaz sənət gecəsi...

Tarix: 04.08.2026 / 20:47

Xarici sərmayiçilər kinomuza 12 milyon dolları necə yatırıb?...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.08.2026 / 21:44

Ərdoğan “Məkkə sazişi”nin arxasındakı sirri açdı - Ekspertlər şübhə ilə baxır...

Tarix: 13.08.2026 / 20:16

Avropa Birliyinin Naxçıvan dəmir yollarında marağının görünən və görünməyən tərəfləri...

Tarix: 13.08.2026 / 15:30

İrəvanda Azərbaycan təbii qazına qarşı ikitərəfli kampaniya başladı...

Azərbaycanda vətəndaş cəmiyyətinin inkişafında rəqəmsallaşma və innovasiyalar ön plana çıxır