Gələn illərin mübarək, Givi...

Tarix: 05.02.2016 / 01:23
Bölmə: Mədəniyyət

İllərdir ki, hər ilin eyni bir günündə yaxınlarının, dostlarının xatirində sükutun içindən bir şəxs boy verib boylanar. Bir telefon zəngi olmasaydı, heç zaman unutmadığım günü az qala nədənsə unudacaqdım. O gün 29 yanvar idi... 29 yanvarda tamamlandı dostluğa, yoldaşlığa örnək olası şəxsin, şair dostumuzunn ömür təqviminin, yaş düzümünün əlli beşinci halqası.

Əlli beş ildir ki, bütün tanışlarına məhrəm bir insan görüb - götürdüklərini bir-birinə calaya-calaya günbəgün, aybaay, ilbəil boy atır yaxşılıq etməyə doğru - işığa sarı işıq rənglərindən qata-qata ömrünə, gününə.

Əlli beş illik ömür zəncirinin bu halqalarının bəziləri əzab-əziyyətdən yoğrulsa da, möhkəm iradə sayəsində cilalana-cilalana mətinləşmiş, dözümlə mayalanaraq şumallaşdırıla-şumallaşdırıla hamarlanmışdır. Bu kələ-kötür, ağrılı-acılı halqaların səsi ya həmin sükutun haray-həşiri içində boğulub itbata düşmüş, ya da kəlmə-kəlmə misraya, misra-misra şeirə dönərək əzizlənə-əzizlənə kağızlara köçürülmüşdür. Sükutun gözündən yayınan bu acılı-şirinli hiss və duyğularsa varaqlarda sətir-sətir dil açaraq özünə çoxlu oxucu həmdəm tapmış, neçə-neçə insanın dərdinə şərik olaraq qəlbini ələ almışdır.

Boy verir bir kəs yaddaşımda çox-çox uzaqlardan - məktəb illərindən üzü bəri səmimi yoldaş, yaxın sirdaş, fədakar və sədaqətli dost rəngində. Mənə lap uşaqlıqdan tanış olan bu rəngin çalarlarında həm iti qələm sahibi, kəsərli sözü olan jurnalist, mahir və istedadlı tərcümə ustası, həm də incəqəlbli bir şair rəngi var. Bu əlvan rəng palitrasını ədəbi-bədii nümunələrindən başqa özünün xoş xasiyyəti və həlim davranışı ilə bir az da zənginləşdirən, ona əlavə çalar verən, könlümüzü-gözümüzü oxşayan, yumşaqürəkli, həssasqəlbli, yar-yoldaş yolunda candan keçməyi bacaran bir insan var ki, o da bizim sevimli Gividir. O Givi ki, hələ uşaqlıqdan ağa ağ, qaraya qara deməyi bacarmış, beynəlmiləl olmaqla ətrafındakılardan fərqlənərək bəzi məqamda zamanı qabaqlamış; özünü tanıyandan, pisi yaxşıdan, düzü əyridən seçməyi bacarandan, yalan gerçəklə gerçək yalanı ayıra biləndən bu yana heç özü də bilmədən multikulturalizmin yayıcısına və carçısına çevrilmiş əsl vətəndaş Givi- Giya Paçkataşvili.

Şair və tərcüməçi qardaşımızın yaradıcılıq hesabatı sayılacaq ayrı-ayrı vaxtlarda müxtəlif dillərdə çap olunub, oxucuların ixtiyarına verilmiş kitablarını varaqladıqca yuxarıda deyilənin şahidi oluruq. O, bizim bəzi şair və yazıçılarımızın əsərlərini rus və gürcü dillərinə, yaxud əksinə bu xalqların tanınmış, görkəmli simalarının əsərlərini Azərbaycan dilinə tərcümə etməklə geniş çoxdilli oxucu auditoriyası qazanmışdır ki, onlar da qarşılıqlı olaraq bir-birinin milli adət-ənənələri ilə yaxından tanış olmaq imkanı əldə etmişlər.

Dilimizin bütün incəliklərini dərindən bilən, ən çox bu dildə yazıb-yaradan gürcü xalqının övladı olan dəyərli dostum Givinin bircə qız balasına dilimizi yetərincə öyrətməsi fikrimizi bir daha təsdiqləyir. Bundan əlavə, bir Gürcü ailəsində Azərbaycan dilinin işlədilməsi, Azəri türkcəsinə məxsus kəlmələrin həmin evin divarlarına, tavanına dəyib cingildəməsi xalqlar və onların mədəniyyətləri arasındakı münasibətləri yaxşılaşdırmağa xidmət etmək multikulturalizmin inkişaf etdirilməsi deyilmi? Nəzərə alaq ki, hər kiçik ailə bir dövlətdir.

Dəyərli dostumuz, sevimli və əziz qardaşımız, Azərbaycan xalqının Gürcü balası bizim Givinin yaş gününün xatırlanmasıyla başlanan bu yazımızda hər bir əziyyətə qatlaşmağı bacaran şəxsin çoxşaxəli və çoxcəhətli yaradıcılığının yalnız bir aspektinə toxunmağımız, yaş gününün əlli beşinci ilinin tamamlanması münasibətilə təbrikimizlə bağlı yazımızın bu səpkidə, bu notlar üzərində qurulması bəlkə hardasa möhtərəm Prezidentimizin 2016-cı ili multikulturalizm ili elan etməsindən qaynaqlandı. Ona bu eniş-yoxuşlu yolda yeni yaradıcılıq uğurlarıyla bərabər, möhkəm can sağlığı, yüksək əhvali-ruhiyyə diləyərək deyirəm: Gələn illərin mübarək, qardaşım!...

Evində, eşiyində.

Tanrı, çətirimi əsirgəmə!

Dərd yağır üstümə dolutək.

Sevincim acıb yaman,

Fətirini əsirgəmə

İnsan ömrü uzun olsun

Allahın yolutək.

30 yanvar 2016.

Famil Hacısoy

Müəllim-şair

Lamara xanım

(Şair dostum Giya Paçkataşvilinin mərhum həyat yoldaşına)

Yatammadı gecələrin bolluğunda,

Ağrıların çoxluğunda

Dərd calandı bir-birinə.

Düşüb sevginin girinə,

Zülmət qaranlığında,

İnamın sağlığında

Çıraq tudu yar ömrünə.

Lənət Tale kəndirinə!

Xərçəngin işığında,

Əzrayılın ağuşunda

Dəyişdi bu dünyasın o dünyaya

Həkim yazıqlığında,

Umud qısırlığında,

Əlacın yoxluğunda

Lamara xanım.

24 iyul 2014

Hər bir ömrün şahı baxtdı, bəndələr lax,

Tapsa öpər ayağından yalaq-yalaq.

Sevinc gəlməz qismət yoxsa qıvraq-qıvraq,

Lo xəbərtək baxar kədər oynayaraq.

16 avqust 2015-ci il.

Tamah zalım, bəndə fağır;

Yaltaqlıq da dizə çıxır.

Hara baxsam, ürək sıxır;

Vicdan dözmür, ölüm ağır.

10 sentyabr 2015-ci il.

Vicdanımız Allahın bir nümayəndəsi,

Tamahımız şeytanın sadiq bəndəsi.

Vicdan həlim, tamah zalım

Qan iyi verir son zamanlar

Ayrılmaz dostumuz ölüm.

19 sentyabr 2015-ci il.

P.S Biz də dostları adından və öz adımızdan əzizimiz Giya Paçxataşvilini 55 yaşının tamam olması münasibəti ilə təbrik edir, ona can sağlığı, uzun ömür, səadət dolu günlər arzu edirik!

DİGƏR XƏBƏRLƏR

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

Tarix: 29.09.2026 / 09:12

Romada “Harmoniya” sənədli filminin təqdimatı olub - FOTO

Tarix: 26.09.2026 / 08:51

Qafqaz Albaniyası memarlığında heraldika və simvoloji nişanlar sistemi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...