İsrafil İsrafilovdan Azər Paşa Nemətə qədər...

Tarix: 08.01.2016 / 01:56
Bölmə: Mədəniyyət

Nürəddin Mehdixanlı: "Azər Paşa Nemət kollektivlə əl-ələ verib "Azdrama"nın yaradıcı atmosferini, mehribanlığını, sənət yanğısını yenidən yaradacaq və bizə yaşadacaq"

Firəngiz Mütəllimova: "Azər Paşa Nemətin teatra direktor təyin olunmasına bütün yaradıcı heyət çox sevinir"

Azərbaycan Akademik Milli Dram Teatrının direktoru vəzifəsinə yeni təyinat olub. Mədəniyyət və turizm naziri Əbülfəs Qarayevin əmri ilə Azərpaşa Nemət teatrın bədii rəhbəri və direktoru təyin olunub. İndiyə qədər Azərpaşa Nemət teatrın bədii rəhbəri və baş rejissoru vəzifəsində çalışıb.

Teatrın direktor müavini Natiq Güləhmədov isə sərəncamçı direktor təyin olunub.

Mədəniyyət və turizm nazirinin müavini Ədalət Vəliyev yeni təyin olunan şəxsləri yanvarın 6-da teatrın kollektivinə təqdim edib.

Qeyd edək ki, indiyədək teatrın direktoru olan İsrafil İsrafilovun müqaviləsinin müddəti yanvarın 5-də başa çatıb. Onunla müqavilənin müddəti uzadılmayıb.

Yeni təyinatlarla bağlı adıçəkilən teatrda çalışan aktyorların fikirlərini öyrəndik.

Xalq artisti Nurəddin Mehdixanlı bizimlə söhbətində qeyd etdi ki, yeni qərarı müsbət dəyərləndirir: "2016-cı ildə bizə bu xoşbəxtliyi və bayramı yaşatdıqlarına görə hörmətli cənab nazirimiz Əbülfəs Qarayev və onun müavini Ədalət Vəliyevə, bu işdə xidməti olan hər kəsə təşəkkürümüzü bildiririk. Təqdimat zamanı bütün heyət iştirak edirdi. Teatrın heyəti ilə yanaşı, nazirliyin məsul işçiləri təqdimatda iştirak edirdilər".

Xalq artistinin sözlərinə görə, Azər Paşa Nemətin "Azdrama"nın bədii rəhbəri və direktoru təyin olunması xəbəri kollektivin böyük alqışları ilə qarşılandı: "Həmçinin, onu da deyim ki, "Azdrama"nın sərəncamçı direktoru da təyin olundu. O şəxs də bu kollektivdə böyüyən, 30 ildən artıqdır burada çalışan, 5 il bundan əvvəl teatrdan uzaqlaşdırılan, nəhayət, teatrımıza qayıdan Natiq Gülməmmədovdur. Həm Azər Paşa Nemət, həm də Natiq Gülməmmədov bizi tanıyır, biz də onu tanıyırıq. Azər Paşa Nemət Azərbaycan rejissurasının ustadlarından biridir. O hələ bədii rəhbər təyin olunanda deyirdik ki, nə yaxşı ki, Azər Paşa Nemət gəldi. İndi kollektiv və teatrın atmosferi dəyişdi, sanki bayramdır, hamı bir-birini qucaqlayıb təbrik edir. İnanırıq ki, Azər Paşa Nemət kollektivlə əl-ələ verib "Azdrama"nın yaradıcı atmosferini, mehribanlığını, sənət yanğısını yenidən yaradacaq və bizə yaşadacaq".

Xalq artisti Firəngiz Mütəllimova qəzetimizə açıqlamasında qeyd etdi ki, Azər Paşa Nemətin teatra direktor təyin olunmasına bütün yaradıcı heyət çox sevinir: "Azər Paşa müəllim gözəl insan olmaqla yanaşı, aktyorları sevən, incəsənətə qiymət verəndir. O hər bir insanın əməyinə qiymət verən biridir. Mən özüm Azər Paşa Nemətin 2 tamaşasında oynamışam. Əminliklə deyə bilərəm ki, Azər Paşa müəllim işini sevən bir şəxsdir".

Aktrisa qəzetimiz vasitəsilə mədəniyyət və turizm naziri Əbülfəs Qarayevə və Ədalət Vəliyevə təşəkkür etdi: "Natiq müəllim "Azdrama"nın sərəncamçı direktoru təyin olundu. Natiq Güləhmədovla uzun müddət bir yerdə çalışmışıq. Onun da aktyorlara necə qiymət verdiyinin şəxsən şahidi olmuşam. Bu səbəbdən də hər iki seçim mənim ürəyimcədir. Allah Təala hər kəsin yolunu açıq etsin. İnşallah, yeni təyinat "Azdrama"ya yeni nəfəs və ruh yüksəlişi gətirər".

Həmsöhbətimiz onu da əlavə etdi ki, yanvarın 6-dan etibarən teatrın üzərini alan qara bulud yox olub: "Yaradıcı heyət 5 il əvvəlki ab-havadadır. Aktyor və aktrisaların tək istəyi Azərbaycan mədəniyyətini yaşatmaq və dünyaya tanıtmaqdır. Bir xalq artisti kimi səhnədə olmaq və xalqıma xidmət etmək istəyirəm. İnşallah, 2016-cı il həm teatrımız üçün, həm də xalqımız üçün düşərli olar".

Günel CƏLİLOVA

DİGƏR XƏBƏRLƏR

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

Tarix: 29.09.2026 / 09:12

Romada “Harmoniya” sənədli filminin təqdimatı olub - FOTO

Tarix: 26.09.2026 / 08:51

Qafqaz Albaniyası memarlığında heraldika və simvoloji nişanlar sistemi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...