Azərbaycan Dövlət Musiqili Teatrında həftə sonu 3 tamaşa nümayiş olunacaq. Söhbət 9, 10, 11 oktyabr tarixlərində saat 19.00-da tamaşaçılara təqdim olunacaq "Qızıl toy" (O.Kazımi, R.Heydər), "Fransızsayağı qarnir" (M.Kamoletti) və "www.ferzeli-kef.com" (E.Sabitoğlu, C.Məmmədov) tamaşalarından gedir.
Tamaşaçılar 3 gün ərzində nümayiş olunacaq bu səhnə əsərlərində sevimli aktyorlar - xalq artisti, "Şöhrət" ordenli İlham Namiq Kamal, əməkdar artistlər Əzizağa Əzizov, Nahidə Orucova, Novruz Qartal, Səidə Şərifəliyeva, Əkbər Əlizadə, Svetlana Bulax, aktyorlar Şaban Cəfərov, Marina Litvinenko, Rauf Babayev, Emil Heydərov, Gülçöhrə Abdullayeva, Məhərrəm Qurbanov, Ağaxan Şərifov, Gülnarə Əzizova, Ruslan Mürsəlov və başqalarının ifalarını izləyə biləcəklər. Qeyd edək ki, Musiqili Teatr bu həftə də rusdilli tamaşaçılarını unutmayıb. Belə ki, 10 oktyabr saat 19.00-da M.Kamolettinin "Fransızsayağı qarnir" əsəri rus dilində nümayiş olunacaq. Azərbaycan Dövlət Musiqili Teatrı həftə sonu asudə vaxtlarını səmərəli keçirmək istəyən və həftəni xoş notlarla başa vurmaq arzusunda olan hər kəsi bu bir-birindən maraqlı olan tamaşalara baxmağa dəvət edir.
Bu haqda Mədəniyyət və Turizm Nazirliyinin rəsmi saytı məlumat yayıb.
Leyla QARAXANLI
