Budurmu vəfası...

Tarix: 10.09.2015 / 03:23
Bölmə: Mədəniyyət

Xatirələr kaman kimi inildəyir, Habil müəllim. Bir zaman Siz ağladırdınız, indi Sizi ağlayırıq... Dərd sinəmizə çöküb, hətta bizi intihara sürükləyəndə belə, "bəlkə bu da Allahın işi imiş" kimi Sizin baməzə söhbətləriniz bizi ölümdən döndərib. Yüzü haqlamağa ümidli olan insanın həyat sevgisini görəndə dönüb çevrəmizə baxmışıq. Yaşamağın, sevməyin, həyatın şirinliyini anlamışıq.

Nə oldu bəs? Əcələ bir-iki kəlmə xoş söz deyib, bir şirin lətifə danışıb onu fikrindən daşındıra bilməzdinizmi, Habil müəllim?

Dağ boyda kamanı titrədən barmaqlarının sehrini açmaq üçün nə sevdalar yaşadıq, bilirsinizmi? O duzlu, məzəli söhbətlərinizə qulaq asandan sonra bir daha yəqin etdim ki, gülmək özü də ağlamağın bir başqa forması imiş. Böyük şairimiz Əli Kərim haqqınızda yazdığı bu cümlələrlə sizi bizlərə əmanət vermişdi...

O zaman-

deyəsən vaxt qovuşanda

Şeirlə musiqi bir ucalırdı.

Bütün könüllərin sifarişilə

Damcılı bulaqda Habil çalırdı.

Sözlü ürəyinə əyib başını,

Hər bir adiliyə yumub gözünü

Çalır,

yırğalanır səs dəryasında.

O çalmır elə bil...

Unutmuş bizi,

Çalır kamançanı

Kəmanə özü.

Gözümdə ilk məna dəyişir,

dönür,

Dünya düşəcəkmi sahmana özü?

Elə bil unudub "segah"ı Habil,

Qırılsa musiqi o neyləyəcək?

Habil ilan dili çıxarır, nədir,

Arzu qızmarında ilan tutantək.

Ürəyi çırpınır barmaqlarında,

Onlardan tökülür simlərə nəbzi.

Özü də bilmir ki, çalır,

ya çalmır;

Nə dünyanı görür Habil,

nə bizi.

Hərdən adınıza "unutqan" da dedilər. Dedilər ki, Habil unutqandır. Kamanı əlinə aldımı hamını, hər kəsi, hətta özünü belə unudur. Bəxtəvər də deyənlər oldu. Dedilər ki, bəxtəvər başına, dərdini Kaman dilində danışdıra bilir. Daha bilmədilər ki, Habil çoxları kimi üzdə ağlaya və gülə bilmir. Onun gülüşünün də, göz yaşlarının qatları çox dərindədir. Habil tarixdir, keçmişdir, gələcəkdir. Habil böyük bir diaspor təşkilatının görmədiyi işi kamanın bircə simi ilə görən Kişidir.

Axı yadımıza Habil deyiləndə Kaman, Kaman deyiləndə isə Habil düşür. O, dünya xəritəsində nöqtə boyda olan Azərbaycanı Kamanı ilə tanıda bildi. Sən demə əcnəbilərin, dili-dini ayrı olanların dilini Habilin kamanı daha yaxşı bilirmiş. O Kaman onları da ağlatmağı bacardı. Onlara ürəklərinin, gözlərinin yerini göstərdi...

Mən Sizi ağlayan yox, kövrələn görmüşdüm. Güləndə də kamança kimi gülürdünüz...

Ey gidi dünya, ey 100-ə dözməyən əcəl...

Danışmaqdan keçib artıq.

Dünənədək böyük sənətkarla bağlı xəbərlərə, yazılanlara istəsək də, istəməsək də, İlahidən nöqtə qoyuldu. Daha saytların, qəzetlərin manşetində Habil Əliyevlə bağlı "isti-isti" xəbərlər yer almayacaq...

Azərbaycan adlı günəşin çevrəsində fırlanan doğma, yaşamaq həvəsi ilə dünyanı, insanları sevən bir Planeti itirdik. Özünüzlə böyük bir dünyanı apardınız, Habil müəllim.

Zaman bitdi-Habil zamanı. Ancaq hələ Kamanın gediləsi uzun bir yolu var, çünki Azərbaycan xalqı var.

Bu cümlələri yaza-yaza qulağımda bir mahnının xoş sədası dolaşır. Habil Kaman dünyasının içində göz yaşları içində xoşbəxtlik yaşayıram...

Sevib-sevilənlər çox gozəl bilir,

Olmayıb vəfası ilk məhəbbətin.

İzləyir aşiqi son mənzilədək,

Şirin macərası ilk məhəbbətin.

Mənim dediklərim şikayət deyil,

Urəklər yandıran hekayət deyil,

Həqiqi aşiqə kifayət deyil-

Tükənməz cəfasi ilk məhəbbətin.

Sevgisiz gül-çiçək bitməz, ey könül

İnsan muradına yetməz, ey könül

Nədəndir bilmirəm getməz, ey könül,

Başımdan sevdası ilk məhəbbətin?!

Bu dərdə neyləsin loğmanın əli?

Əlimə dəyməmiş cananın əli

Döydü qapımızı hicranın əli,

Budurmu mənası ilk məhəbbətin?!

Mən onu sevmişəm bir ilk baharda,

O məni tərk etdi boranda, qarda.

Hər yara sağalıb, unudular da,

Sağalmaz yarası ilk məhəbbətin!!!

Hafiz Təmirov,

polis kapitanı

DİGƏR XƏBƏRLƏR

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

Tarix: 29.09.2026 / 09:12

Romada “Harmoniya” sənədli filminin təqdimatı olub - FOTO

Tarix: 26.09.2026 / 08:51

Qafqaz Albaniyası memarlığında heraldika və simvoloji nişanlar sistemi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...