Akademik Milli Dram Teatrının kollektivində razılıq və narazılıq...

Tarix: 04.09.2015 / 02:29
Bölmə: Mədəniyyət

Nurəddin Mehdixanlı: "Hamımız Azərpaşa müəllimi qəbul edirik, ancaq İsrafil İsrafilovla bağlı fikirlərimiz qüvvədədir..."

Respublikamızın baş teatrı - Akademik Milli Dram Teatrında 5 ildir böyük problemlər yaşanır. Məlum olduğu kimi, bu müddət ərzində teatr rəhbərliyi ilə kollektiv arasında ciddi gərginlik hökm sürür. Mübahisəyə teatr direktoru İsrafil İsrafilovla kollektiv arasındakı münasibətlər səbəb olub. Teatr kollektivi direktordan narazılıq edir, onun fəaliyyətinin yarıtmaz olduğunu, kollektiv arasında mübahisə, qarşıdurma yaratdığını vurğulayırlar.

Teatr əməkdaşları İ.İsrafilovun direktor postundan uzaqlaşdırılması üçün davamlı mübarizə aparır. "Azdrama"nın nüfuzlu aktyorları, görkəmli sənətkarlar direktorun fəaliyyətindən dəfələrlə narazılıq edib və bunu öz müsahibə və açıqlamalarında bildiriblər. Hətta son vaxtlar gərginlik o həddə çatıb ki, teatrın bir qrup tanınan aktyoru Prezident İlham Əliyevə müraciət ünvanlayıb. Məlum olduğu kimi, müraciət müəllifləri Akademik Milli Dram Teatrında yaranan vəziyyətlə əlaqədar ölkə başçısından kömək istəyib: "Sizin etimadınızı doğrultmaq üçün var-gücü ilə çalışan kollektivimizin bütün problemləri 2010-cu ildən, Akademik Milli Dram Teatrına İsrafil İsrafilovun direktor təyin olunmasından sonra yaranıb. Onun kollektivlə ilk görüşü yaradıcı heyəti aşağılamaqla və bu vaxta qədər görülən işlərin heç nəyə yaramadığını, səviyyəsiz və mənasız işlər olduğunu söyləməklə başlayıb. Yeni təyin olunmuş direktorun kollektivimizin ünvanına söylədiyi bu haqsız fikirlərinə və aşağılayıcı münasibətinə baxmayaraq, biz işlərimizi davam etdik. Günlər, aylar, illər keçdikcə biz Böyük Sənət Ocağının necə çökməsini, kollektivin necə ümidsizliyə qapılmasını görsək də, dözür, susur və nəhayət, bu dağıdıcı prosesə bir son veriləcəyini gözlədik. Amma yaxşılığa doğru heç nə dəyişmədi, əksinə, vəziyyət daha da pisləşməkdə davam etdi və etməkdədir".

Müraciət müəllifləri İsrafil İsrafilovun kollektivi parçalamasından, sənətkarları üz-üzə qoymasından da danışır. Qeyd edilənə görə, zərərli daxili konfliktlər yarandı: "Dünənki dostlar bir-birinin düşməninə çevrildi. Yaradıcılığa sərf olunacaq vaxt və enerji mənasız, daxili sözlü savaşlardan əsl fiziki güc tələb edən savaşlara keçdi.

Beləliklə, Azərbaycan xalqının 143 illik tarixi olan sənət ocağı - Azərbaycan Dövlət Akademik Milli Dram Teatrı bir nəfərin hikkəsi və iradəsi ilə bütün mənalarda dağıdılır və məhv edilir. Dövlətin səlahiyyətli orqanları tərəfindən hər hansı bir vəzifəyə təyin edilmiş şəxs rəhbəri olduğu kollektivə dəyər verməli, hörmət etməlidir. Tam məsuliyyətlə deyirik ki, İsrafil İsrafilov direktoru olduğu Azərbaycan Akademik Milli Dram Teatrının kollektivini param-parça edərək bir-birinə düşmən edib və daha böyük fəsadların baş verməməsi naminə bu prosesin dayandırılması lazımdır. Biz inanırıq və əminik ki, bu prosesi Siz, cənab Prezident, yalnız Siz dayandıra bilərsiniz".

Qeyd edək ki, teatr kollektivinin müraciətindən sonra mədəniyyət və turizm naziri Əbülfəs Qarayevin 31 avqust 2015-ci il tarixli müvafiq əmrinə uyğun olaraq, Azərbaycanın xalq artisti, Teatr Xadimləri İttifaqının İdarə Heyətinin sədri, professor Azərpaşa Zəfər oğlu Nemətov Akademik Milli Dram Teatrın yeni təsis olunmuş bədii rəhbəri-baş rejissoru vəzifəsinə təyin edilib. Nazirin digər qərarı ilə isə İ.İsrafilov yenidən Akademik Milli Dram Teatrının direktoru kimi təsdiq edilib. Teatr kollektivi Ə.Qarayevin Azərpaşa Nemətovun bədii rəhbər və baş rejissor təyin edilməsi qərarını alqışlasa da, İ.İsrafilovun direktor kimi qalmasına etirazını bildirir. İ.İsrafilovun "Azdrama" direktoru kimi qalmasına etiraz edən narazı kollektiv bildirir ki, sona qədər mübarizəni davam etdirəcəklər. Onlar dövlətin onların rəyinə müsbət cavab verəcəyinə ümid bəsləyir.

Akademik Milli Dram Teatrının aparcı aktyorlarından olan, xalq artisti, görkəmli sənətkarımız Nurəddin Mehdixanlı "Bakı-Xəbər"ə açıqlamasında bildirdi ki, teatrın kollektivi Azərpaşa Nemətovun baş rejissor və bədii rəhbər təyinatını

yüksək qiymətləndirir: "Azərpaşa müəllim 3 gündür təyin edilib. Bu bizim ürəyimizcə olan bir təyinatdır. Onunla teatr kollektivinin heç bir problemi yoxdur. Tanıdığımız insandır, peşəkardır, birgə çalışmışıq, əsl teatr adamıdır. Azərpaşa müəllimin bizim teatra həm baş rejissor, həm də bədii rəhbər kimi təyin edilməsini kollektivin hörmətli Prezidentimizə ünvanladığı müraciətin nəticəsi hesab edirəm. Bilirsiniz ki, beş il idi ki, teatrımızın baş rejissoru yox idi. Bədii rəhbər vəzifəsi isə yeni açılıb. Əslində bizim istəyimiz o idi ki, teatrın baş rejissoru olmalıdır. İndi var və bundan yaradıcı kollektiv məmnundur. Burada Azərpaşa müəllimin gəlişinə qarşı olan bir nəfər belə yoxdur, sadəcə onu kollektivə yüksək səviyyədə təqdim etmədilər. Təqdimat lazımi səviyyədə olmalı idi, amma çox az sayda adamın iştirakı ilə təqdim edilib. Hamımız Azərpaşa müəllimi qəbul edirik. Ancaq İsrafil İsrafilovla bağlı fikirlərimiz qüvvədədir. Hörmətli Prezidentimizə ünvanladığımız müraciətdə yer alan fikirlərimizin üstündə bu gün də dururuq. Biz mədəniyyət və turizm naziri Əbülfəs Qarayevə böyük dəyər veririk, onun qərarlarına hörmətlə yanaşırıq, bizim borcumuz o qərarları icra etməkdir, biz də bundan yayınmırıq. Mən nazirliyin teatr şöbəsinin rəsmisi Vüqar Şıxməmmədovun da açıqlamasını oxumuşam. Bilirəm ki, qanunun tələblərinə əməl etməliyik. Ancaq bir məsələ də var ki, hörmət birtərəfli yox, qarşılıqlı olmalıdır. Bizim teatrın 143 yaşı var və kifayət qədər də müdrik kollektivə sahibdir.

Bizim İsrafil İsrafilovun teatr direktoru vəzifəsindən uzaqlaşdırılması ilə bağlı fikrimiz qüvvədədir və ümid edirik ki, bu baş verəcək. Prezidentə ünvanladığımız məktub nəticə verib, yenə də nəticə verəcəyinə əminəm. İnanmıram ki, bu müraciət nəticəsiz qalsın".

N.Mehdixanlı qeyd etdi ki, Akademik Milli Dram Teatrının kollektivi İ.İsrafilov teatrdan uzaqlaşdırılana qədər mübarizəsini davam etdirəcək.

Mövzu ilə əlaqədar İsrafil İsrafilovun mövqeyini öyrənə bilmədik.

İradə SARIYEVA

DİGƏR XƏBƏRLƏR

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

Tarix: 29.09.2026 / 09:12

Romada “Harmoniya” sənədli filminin təqdimatı olub - FOTO

Tarix: 26.09.2026 / 08:51

Qafqaz Albaniyası memarlığında heraldika və simvoloji nişanlar sistemi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...