Azərbaycan bəstəkarlarından Olimpiya Oyunlarına dəstək...

Tarix: 29.04.2015 / 02:08
Bölmə: Mədəniyyət

Firəngiz Əlizadə: "Bəstəkarlar, musiqiçilər, musiqişünaslar Birinci Avropa Olimpiya Oyunları ilə bağlı tam səfərbər olunub"

Bütün Azərbaycan iyun ayının 12-dən 28-nə qədər paytaxtımızda keçiriləcək "Bakı-2015" Birinci Avropa Olimpiya Oyunlarının həyəcanını yaşayır. Sevindirici hal ondan ibarətdir ki, respublikamızda bütün sferalar Olimpiya Oyunlarının uğurla keçməsi, ölkəmizin ad-sanının ucalması, dünyadakı müsbət imicinin daha yüksək səviyyədə təqdim olunması naminə birləşib.
Bəli, mübaliğəsiz deyə bilərik ki, Azərbaycan dövləti, xalqı ellikcə bu Oyunların bayrama çevrilməsi ovqatına köklənib. Azərbaycan dövləti 2012-ci ildən bəri, yəni Avropa Olimpiya Komitəsi dünyada ilk dəfə keçiriləcək bu Oyunlara Azərbaycanın ev sahibliyi etməsi ilə bağlı qərar qəbul etdikdən sonra hazırlıqlara başlayıb. Hazırlıq çərçivəsində böyük işlər görülüb. Onu da qeyd edək ki, son illər Azərbaycanda müasir idman infrastrukturu yaradılıb və rəsmi məlumatlara görə, Azərbaycanın bölgələrində 40-dan çox Olimpiya İdman Mərkəzi yaradılıb. Bakı şəhərində isə yaradılan və əsaslı şəkildə təmir edilən bütün idman obyektlərimiz ən yüksək standartlara cavab verir. Əlbəttə, ölkəmiz bu yarışa güclü şəkildə hazırlaşır və 50 ölkədən 6 mindən çox idmançı, 2 min jurnalist gözləyir. Bilirik ki, artıq "Bakı-2015" Birinci Avropa Olimpiya Oyunlarının yüksək səviyyədə keçirilməsi üçün tədbirlər həyata keçirilir. Aprelin 26-da isə Azərbaycanın və dünyanın idman tarixində əlamətdar hadisə baş verib. Bildiyimiz kimi, Bakıda birinci Avropa Oyunlarının məşəli alovlandırılıb. Azərbaycan Respublikasının Prezidenti İlham Əliyev, xanımı, Birinci Avropa Oyunları Təşkilat Komitəsinin sədri Mehriban Əliyeva, ailə üzvləri və Avropa Olimpiya Komitəsinin prezidenti Patrik Hikki mərasimdə iştirak edərək Olimpiya Oyunlarına xeyir-dua veriblər. Olimpiya ənənəsinə uyğun olaraq, məşəllə estafet qədim od məbədi olan Atəşgahdan başlayıb. Birinci Avropa Oyunlarının məşəli 47 gün ərzində Azərbaycanın hər bir guşəsini gəzib-dolaşaraq, Oyunların açılış mərasimində Bakı Olimpiya Stadionuna gətiriləcək. Məlumatımıza görə, artıq olimpiya məşəli Naxçıvan ərazisindən keçməklə şərəfinə təntənəli mərasim də təşkil olunub.
Qeyd etdiyimiz kimi, Azərbaycanda Birinci Avropa Olimpiya Oyunlarının yüksək səviyyədə keçirilməsi üçün bütün ictimai qurumlar, dövlət təşkilatları, sənətkarlar, qələm adamları birləşib, hərə öz sahəsində Oyunlara dəstək verir.
Azərbaycan musiqiçilərinin də bu sahədə gördüyü və görəcəyi işlər çoxdur. Yaradıcı adamların "Bakı-2015" Birinci Avropa Olimpiya Oyunlarına dəstək verməsi təbii ki, müsbət haldır. Bilirik ki, hələ 2012-ci illə "Eurovision" mahnı yarışması Azərbaycanın paytaxtı Bakı şəhərində keçirilərkən Azərbaycan ictimaiyyətinin birliyini gördük. Bu mahnı yarışmasının gedişində ölkə musiqiçilərinin də əməyi, göstərdiyi fəallıq unudulmaz oldu. Bu da faktdır ki, respublikamızda keçirilən idman yarışlarında, beynəlxalq turnirlərdə Azərbaycan bəstəkarlarının əsərlərindən, mahnılarından istifadə edilir və musiqi müşayiətini yerli musiqiçilər həyata keçirir.
İyunun 12-nə bir neçə həftə qalıb və hər yerdə idman həyəcanı hiss olunur. Bu ərəfədə Azərbaycan Bəstəkarlar İttifaqının sədri, xalq artisti, görkəmli musiqiçi Firəngiz Əlizadə ilə əlaqə saxladıq. Məqsədimiz Bəstəkarlar İttifaqı üzvləri olan musiqiçilərin, ümumiyyətlə, ölkənin musiqi ictimaiyyətinin Birinci Avropa Olimpiya Oyunlarına hansı töhfələr verəcəyini öyrənmək idi.
Firəngiz Əlizadə "Bakı-Xəbər"ə bildirdi ki, Bəstəkarlar İttifaqı bu Oyunlarla bağlı təbliğat kampaniyası başlanan gündən bu işdə aktiv fəaliyyət göstərir və musiqiçilər böyük ruh yüksəkliyi ilə möhtəşəm idman tədbirinə öz töhfəsini verməyə çalışır: "Bilirsiz ki, dövlət əhəmiyyətli bütün tədbirlərdə Azərbaycan musiqiçiləri iştirak edir. Keçirilən hər bir mərasimdə musiqidən istifadə edilir. Aprelin 26-da Atəşgahda Birinci Avropa Olimpiya Oyunları ənənəsinə uyğun olaraq məşəlin yandırılması mərasimində də musiqimiz səsləndirildi, bu mərasim musiqinin müşayiəti ilə keçirildi. Bizim bəstəkarlar, musiqiçilər, musiqişünaslar bir nəfər kimi Birinci Avropa Olimpiya Oyunları ilə bağlı tam səfərbər olunub. İlk gündən biz bu Oyunları dəstəkləmişik, dəstəkləyirik, çalışırıq ki, bizim iştirakımız vacib olan hər bir yerdə görünək. Artıq Birinci Avropa Olimpiya Oyunlarına həsr edilən tam yeni mahnılar yazılıb, bu mahnılar idmanı tərənnüm edir. May ayında bu mahnılardan ibarət konsert keçiriləcək. Bu Oyunlarla bağlı bizim musiqişünaslar idman və musiqi mövzusunda məqalələr hazırlayır, onlar çap olunacaq. Artıq bununla bağlı onlara tapşırıq vermişik. Elə bir bəstəkar, musiqiçi yoxdur ki, ona iş tapşıraq, amma o boyun qaçırsın, hamı bu işə can yandırır, ortada çox maraqlı, dəyərli ideyalar var. Birinci Avropa Olimpiya Oyunlarının açılış və bağlanış mərasimi də musiqinin müşayiəti ilə baş tutacaq. Dediyim odur ki, bu Oyunların keçirilməsi barədə qərar qəbul edildikdən sonra bilavasitə bu işdə iştirakımız olub. "Foks" qrupu dəvət ediləndə biz də orada olmuşuq, ideyalar irəli sürmüşük və artıq o ideyaların hamısı yavaş-yavaş həyata keçirilir".
İlk dəfə ölkəmizdə keçirilən Birinci Avropa Olimpiya Oyunlarının mötəbər bir yarış olduğu öz yerində. Belə Oyunların tarixi əhəmiyyəti çox böyükdür. Nəzərə alaq ki, bu Oyunlar ilk dəfə bizim ölkəmizdə keçirilir və ənənəsi yoxdur. Oyunların öz himninin yazılıb-yazılmadığını da F.Əlizadədən soruşduq. O bildirdi ki, bununla bağlı sifariş almayıblar: "Biz himnin yazılması ilə bağlı sifariş almamışıq. Amma məşəlin alovlandırılması mərasimi üçün xüsusi olaraq musiqi yazıldı. Onu da deyim ki, "Bakı-2015" Birinci Olimpiya Oyunlarının müxtəlif şəhər və ölkələrdə təqdimatı da Azərbaycan musiqisinin müşayiəti ilə keçib. Biz bu kimi vacib tədbirləri, hadisələri musiqi vasitəsilə təbliğ edirik. Təqdimat mərasimlərində idmançılar çıxış etmir ki, bunu musiqiçilər təbliğ edir. Azərbaycan musiqisi, mədəniyyəti insanları bu Oyunlara cəlb edir və bu da Oyunların parlaq şəkildə keçirilməsinə bir töhfə olur. Bir məsələni deyim ki, Bəstəkarlar İttifaqı olaraq bu Oyunların təbliği ilə bağlı keçirilən tədbirlərdə yalnız həyatda olan bəstəkarların əsərləri ilə, yeni musiqilərlə iştirak etmirik, Üzeyir bəydən tutmuş, Fikrət Əmirova qədər hamısının əsərləri yeni oranjemanda təqdim edilir. "Koroğlu" operasından üverturası da, Fikrət Əmirovun "Azərbaycan kapriççiosu" həmişə səslənir. Gənclər də bu işə ciddi yanaşır. Bəstəkarların əsərlərinin, mahnılarının oranjemanını gənclər həyata keçirir. Bu gün Firudin Allahverdi, Vüqar Camalzadə, Cəmil Əmirov və başqaları bu işlə məşğul olur. Bir məqamı da deyim ki, Birinci Avropa Olimpiya Oyunlarının təqdimat mərasimində caz və muğam mütləq səsləndirilir. Muğam Festivalı keçirdik, bu festivalda da yeni səslər tapdıq. Onları da bu işə cəlb edirik. Sözümün canı odur ki, bu iş kollektiv işdir və hamımızın məqsədimiz eynidir. Biz hamımız Azərbaycan naminə bir iş görürük. Bir məsələni də deyim ki, Azərbaycanda çox istedadlı gənc bəstəkarlar var. Bu Oyunlarla bağlı onlar bir az da fəallaşıb".
Gördüyümüz kimi, artıq Azərbaycanın musiqi ictimaiyyəti də Birinci Avropa Olimpiya Oyunlarına ciddi dəstək verir. Qarşıdan gələn idman bayramının Azərbaycana uğur gətirəcəyinə inamımız böyükdür.

DİGƏR XƏBƏRLƏR

Tarix: 14.08.2026 / 14:03

Əfsanədən gerçəkliyə uzanan 5 minillik tarix - Troya

Tarix: 13.08.2026 / 22:41

Macarıstanda Yupiterə həsr olunmuş qurbangah aşkarlandı

Tarix: 13.08.2026 / 18:49

Müharibə aparan ölkələrə "Avroviziya” qadağası - Təşkilatçılar qərar verdi...

Tarix: 13.08.2026 / 16:00

Məşhur rejissorların teatr premyeraları və əfsanəvi tamaşaları Bakı Beynəlxalq İncəsənət Festivalında nümayiş olunacaq

Tarix: 11.08.2026 / 12:34

Pianonun düymələrində saxlanmış bir Vətən: Züleyxa Abdullayevanın səsi insanlara bu cür çatır

Tarix: 10.08.2026 / 12:48

Yunus Oğuz – Tarixi romanın müasir nəfəsi

Tarix: 09.08.2026 / 11:50

50 illik yubileyidir, yoxsa bu da yeni zarafatıdır...

Tarix: 07.08.2026 / 12:34

Türkiyənin UNESCO-nun Dünya İrsinin İlkin Siyahısına daxil edilən unikal tarixi abidəsi - Kadıkalesi

Tarix: 06.08.2026 / 22:08

Azərbaycan Mədəniyyəti sosial platforması Yayfest-də uğurla çıxış edib...

Tarix: 05.08.2026 / 20:10

Rayon teatrlarında direktorlar və müavinlər seçilir, ya təyin edilir...

Tarix: 05.08.2026 / 14:15

Musiqi terapevti soydaşımızdan Türkiyədə unudulmaz sənət gecəsi...

Tarix: 04.08.2026 / 20:47

Xarici sərmayiçilər kinomuza 12 milyon dolları necə yatırıb?...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.08.2026 / 21:44

Ərdoğan “Məkkə sazişi”nin arxasındakı sirri açdı - Ekspertlər şübhə ilə baxır...

Tarix: 13.08.2026 / 20:16

Avropa Birliyinin Naxçıvan dəmir yollarında marağının görünən və görünməyən tərəfləri...

Tarix: 13.08.2026 / 15:30

İrəvanda Azərbaycan təbii qazına qarşı ikitərəfli kampaniya başladı...

Azərbaycanda vətəndaş cəmiyyətinin inkişafında rəqəmsallaşma və innovasiyalar ön plana çıxır