Türkiyə və Azərbaycan televiziyalarının musiqili Yeni il proqramlarında iki böyük fərq...

Tarix: 06.01.2015 / 01:16
Bölmə: Mədəniyyət

Cəvahir Qafarova: "Bizim müğənnilərin telekanallarda fonoqramla oxumasının əsas səbəblərindən biri..."

Dünya Azərbaycanlılarının Həmrəyliyi Günü və Yeni il bayramı artıq arxada qaldı və yeni günə qədəm qoyduq. Təbii, bu mötəbər günün tələblərinə hər bir azərbaycanlı sadiq qalıb həmrəy olmalıdır. Bayramdan bizi bir neçə gün ayırsa da, o qudsal gündən yadda qalan bir sıra məqamlar oldu ki, onu indi müzakirə edirik.

Möhtəşəm bayramla əlaqədar olaraq dünyanın bir çox ölkələrinin televiziyalarında musiqili bayram proqramları nümayiş etdirildi. O biri ölkələrin telekanalları ilə işimiz yoxdur. Qardaş Türkiyə Cumhuriyyətinin telekanalları ilə bizim televiziyaların musiqili bayram proqramlarını müqayisə etmək istəyirik. Dili dilimizdən, dini dinimizdən, qanı qanımızdan olan qardaş cumhuriyyətin telekanalları Azərbaycanda geniş şəkildə izlənir. Bu baxımdan öz kanallarımızla paralel olaraq Türkiyə kanallarını da izlədik. İzlədikcə də diqqətimizdən fərqli cəhətlər yayınmadı. Qısa desək, bu televiziyalar arasında iki böyük fərq müşahidə etdik. Nədir bu fərqli cəhətlər? Türkiyə televiziyalarında diqqətimizdən yayınmayan birinci cəhət o oldu ki, bayram proqramında iştirak edən müğənnilər, sənət adamları canlı olaraq orkestrin müşayiəti ilə çıxış etdilər. İkinci cəhət isə ondan ibarətdir ki, bütün telekanallarda musiqi nömrəsi təqdim edən müğənnilər yeni mahnılar oxudular. Türkiyəli müğənnilər yeni ili yeni repertuarla qarşıladılar. İctimai Televiziya istisna olmaqla, bizim televiziyalarda isə müğənnilər əsasən fonoqramla çıxış etdilər. İctimai Televiziyada kifayət qədər canlı ifalar təqdim edildi, hətta bəzi müğənnilər yeni repertuarından da mahnı oxudu. Amma əksər tamaşaçı qarşısına canlı ifa ilə çıxmayan müğənnilərin repertuarı da köhnə idi. Onlar tamaşaçılara yeni repertuar təqdim etmədilər. İllərdən bəri oxuduqları mahnıları yenidən təkrar etdilər, özü də fonoqramla. Hətta respublikanın adlı-sanlı, titullu müğənniləri də canlı ifadan və yeni repertuardan qaçdılar. Bu da Türkiyə telekanalları və müğənniləri ilə bizim telekanallar və müğənnilərin təqdim etdiyi bayram proqramı arasındakı fərqi ortaya qoyur.

Özünü açıq şəkildə göstərən və yerli tamaşaçıların diqqətindən yayınmayan bu fərqli cəhətlər, təbii ki, bizi də narahat etdi.

Bunun səbəblərinə aydınlıq gətirən tanınmış mədəniyyət yazarı, mədəniyyət sahəsi üzrə ekspert Cəvahir Qafarova (Səlimqızı) bizimlə söhbətində bildirdi ki, Türkiyə televiziyaları və sənətçiləri yalnız tamaşaçıları düşündüyü üçün peşəkarlıq göstərərək həm canlı ifalar təqdim edib, həm də müğənnilər yeni repertuarla çıxış edib: "Türkiyə televiziyaları həmişə peşəkarlıq baxımından irəlidə olub. Ona görə də həmişə efirə canlı ifalar təqdim edir. Bayram proqramına da peşəkarlıqla, tamaşaçıları düşünərək yanaşıblar. Onların müğənnilərdən tələbi canlı ifa və yeni repertuardır, müğənnilər də o ifanı və repertuarı sərgiləyib. Bizdə isə, bilirsiz ki, hər şey fərqlidir. Necə ki, iki ölkənin televiziyalarının və müğənnilərinin timsalında o fərqi açıq gördük. Müğənnilərin telekanallarda fonoqramla oxumasının əsas səbəblərindən biri onların efirdə efir xatirinə, reklam naminə görünmək istəyidir. Müğənni bir gündə bir neçə yerə gedir, özünü əziyyətə salıb canlı oxumaq istəmir, fonoqramla oxuyur. Onları tamaşaçı düşündürmür ki. Bu müğənnilərin fikri-zikri pul qazanmaqdır. Televiziya proqramlarında iştirak edərkən kimsə onlara pul vermir, əksinə, bəziləri pul verib proqramlara qatılır. Bu, sirr deyil ki. Odur ki, müğənni televiziyalarda fonoqramla oxuyub, şou-proqramlara pul qazanmağa gedir. Onların çoxunu ancaq pul, qazanc maraqlandırır. Bu adamlar yeni repertuar haqqında fikirləşmir. Bu da onların özlərini əziyyətə salmaq istəməməsi ilə əlaqədardır. Televiziyaların bir çoxu üçün isə müğənninin canlı oxuyub-oxumaması maraqlı deyil, təki efir dolsun, təki göstərməyə bir şey olsun. Bu da bizim bayram boyu izlədiyimiz eybəcərliyə gətirib çıxarır. Ancaq həm telekanallar, həm də müğənnilər pulu deyil, tamaşaçını düşünsələr belə mənzərə yaranmaz".

DİGƏR XƏBƏRLƏR

Tarix: 10.10.2026 / 17:17

Mollanəsrəddin lətifələrində memarlıq cizgiləri...

Tarix: 10.10.2026 / 11:07

Yazıçılar Birliyi üzvlük haqqını ödəməyənlərə növbəti dəfə xəbərdarlıq etdi - məsuliyyətli davransınlar...

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...