Dərs ilinin başlaması kirayə mənzillərin qiymətini artırdı

Tarix: 16.09.2014 / 04:51
Bölmə: İqtisadiyyat

Dünəndən etibarən yeni tədris ili başladı. Bu il minlərlə gənc tələbə adını qazandı. Tələbə adını qazananlar arasında bölgələrdə yaşayanlar da az deyil. Paytaxta oxumağa gələn gənclər əsasən kirayə mənzillərdə yaşayacaq.
Hazırda paytaxtda kirayə mənzil axtaranların sayının artması qiymətlərə də təsirsiz ötüşmür. Kirayə mənzillərə olan tələb artdığından, qiymətlərdə nəzərəçarpacaq bahalaşma var. Kirayə mənzillərin bahalaşması paytaxta bu aylarda daha çox tələbənin gəlişi ilə əlaqələndirilir. Bu prosesin oktyabrın əvvəlinədək davam edəcəyi gözlənir.
Paytaxtda ev alqı-satqısı ilə məşğul olan Səbuhi Məmmədov kirayə mənzil bazarında bahalaşmanın olduğunu təsdiq etdi: "Yay mövsümünün bitməsi ilə bağlı adətən kirayə ev axtaranların sayı da çoxalır. Buna görə də kirayə mənzil vermək istəyənlər də qiymətləri bahalaşdırır. Hazırda bina evlərində kirayə mənzillərin qiyməti yerindən və otaqların sayından asılı olaraq 200-500 manatdır".
Kirayənişin axtaranların qızlara üstünlük verməsi məsələsinə münasibət bildirən S.Məmmədov bunu qızların mənzilləri daha səliqəli saxlaması və əlavə problemin yaranmaması ilə izah etdi: "Tələbələr əsasən təhsil alacaqları ali məktəblərə yaxın yerlərdə kirayə ev axtarırlar. Hazırda metronun "Elmlər Akademiyası" stansiyası ətrafında 350-400 manatdan ucuz kirayə ev tapmaq mümkün deyil. Nərimanov rayonu ərazisində 300 manata da kirayə ev var. Nisbətən kənarda - "Neftçilər", "Qara Qarayev", "Həzi Aslanov" metrostansiyaları ətrafında isə qiymətlər 200-300 manat arasında dəyişir. Qiymətlərin bu şəkildə artmasının bir səbəbi də mərkəzdəki bəzi yaşayış sahələrində evlərin sökülməsidir. Əvvəllər tələbələrin böyük bir hissəsi "Sovetski", indiki "Qış parkı"nın ərazisindəki evlərdə məskunlaşırdı. Həmçinin söküntü nəticəsində evsiz-eşiksiz qalan şəxslər kirayə bazarına daxil oldu ki, bu da mövcud icarə qıtlığına gətirib çıxardı. İndi isə həmin evlər yoxdur deyə, digər mənzillərə tələbat artıb və bu da qiymət artımına səbəb olur. Nəticədə əvvəlki illərdə 100 manata kirayəyə verilən evin qiyməti indi 150 manatdır".
Məsələyə münasibət bildirən "NBA" Konsaltinq Şirkətinin rəhbəri Nüsrət İbrahimov qeyd etdi ki, kirayə bazarında qiymət artımına təkcə tələbələrin gəlişi yox, digər amillər də təsir göstərir: "Rayonlardan Bakıya axın davam edir. Xüsusən də yeni ailə həyatı quran gənclər dolanışıq, iş üçün Bakıda yaşamağa üstünlük verir. Belə olanda da bazarda tələb çox olduğu üçün qiymətlər artır. Bazarda qiymətlərin artmasına təsir edən digər səbəb isə əhalinin gəlirlərinin artmasıdır. Nəticədə əhalinin gəlirlərinə müvafiq olaraq mənzil və kirayə bazarında qiymətlər dəyişir. Kirayə bazarında qiymətlərin tənzimlənməsi, süni artımın qarşısını almaq üçün, bir çox ölkələrdə olduğu kimi, sosial mənzil fondu yaradıla bilər. Bu fondun yaradılması ilə dövlət kirayə bazarında təkliflərlə çıxış edəcək. Rusiyada dövlətin bu işə qarışması ilə kirayə bazarında evlərin sayı artdı, qiymətlər isə aşağı düşdü. Düşünürəm ki, ölkəmizdə də belə fondun yaradılması zəruridir. Bu həm də süni qiymət artımına təsir edəcək".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...