Azərbaycanda Prezident İlham Əliyevin rəhbərliyi ilə iqtisadi islahatların ilk günlərindən sahibkarlığın inkişafı, bu təbəqəyə dayaq dövlətin iqtisadi siyasətinin prioritet istiqamətlərindən biri olub.
Ölkəmizdə qəbul olunur ki, sahibkarlar sinfi bazar iqtisadiyyatının ayrılmaz atributudur, iqtisadi münasibətlərin müstəqil subyektidir. Sahibkarların əksəriyyəti orta təbəqəyə aiddir ki, bu halda təkcə bazar iqtisadi sistemində dövlət iqtisadiyyatın sabitliyini təmin etmir, həm də cəmiyyətdəki siyasi proseslərə təsir göstərir, liberal və bazar dəyərlərindən uzaqlaşmanın qarşısını alır.
Dövlət başçısının siyasəti nəticəsində Azərbaycan biznes mühitinin ən əlverişli olduğu ölkələr sırasında yer alır
Azərbaycanda bazar iqtisadiyyatına keçid məqsədyönlü addımlar nəticəsində uğurla reallaşıb. İqtisadi siyasət qısa müddətdə mütəxəssislər dairəsi tərəfindən hazırlanıb, ilk növbədə inkişaf etmiş bazar ölkələrinin təcrübəsinə əsaslanıb. Proses sənaye istehsalının, ümumi daxili məhsulun artımı, respublikanın maliyyə-kredit sektorunun sabit inkişafı ilə müşayiət olunub. Bu, iqtisadiyyatının keyfiyyətcə inkişafı dövrüdür və hazırda prezident İlham Əliyevin rəhbərliyi ilə uğurla davam edir.
Ölkədə özəl biznes sürətlə inkişaf edir. Kiçik müəssisələrin sayı ilbəil artır. Onun davamlı böyüməsi tendensiyası davam edir. Əlverişli daxili və xarici iqtisadi şərait, iqtisadiyyatın bir çox sahələrində istehsalın sürətli artımı, əhalinin real pul gəlirlərinin artması və sair prosesı öz təsirini göstərir. Kiçik sahibkarlığın inkişafı ilə bağlı bu vəziyyət onu göstərir ki, dövlət tərəfindən görülən tədbirlər onun inkişafına əlverişli zəmin yaradır. Bu fonda prezident İlham Əliyev daim vurğulayır ki, ölkəmizdə uğurlu iqtisadi islahatların əldə edilməsində özəl sektorun, milli sahibkarlar təbəqəsinin rolu kifayət qədər böyükdür. Ötən müddətdə kiçik və orta sahibkarların güzəştli kreditlərlə təmin olunması, sahibkarların fəaliyyətinə yersiz müdaxilələrin qarşısının alınması, özəl sektorda inkişafa mane olan süni problemlərin həlli istiqamətində atılan mühüm addımlar da prosesdə öz sözünü deyir. Bu gün dünya miqyasında Azərbaycan biznes mühitinin əlverişliliyi, sahibkarların rahat şərtlərlə işləməsi üçün ən çox islahatlar aparan ölkələrdən biri qismində qəbul edilir. PostElə bundan irəligəlir ki, idxaldan asılılığın azaldılması, ölkənin ixrac potensialının yüksəldilməsi üçün rəqabətqabiliyyətli mal və məhsulların istehsal olunması məqsədilə sahibkarlar üçün böyük imkanlar yaradıılb. Ölkədə qeyri-neft sektorunun, xüsusilə də regionlarda kiçik və orta sahibkarlığın inkişafı istiqamətində mühüm işlər görülüb. Ümumiyyətlə, prezident İlham Əliyevin rəhbərliyi ilə iqtisadiyyatın bütün sahələrini əhatə edən islahatlar sahibkarlığın inkişafına güclü təkan verir. Ölkəmizdə kiçik və orta biznesin inkişafı iş yerlərinin əsas hissəsinin yaradılmasını və dəstəklənməsini təmin edir. Azərbaycanın sosial-iqtisadi inkişaf kursu rifahın yüksəldilməsinə, əhalinin gəlirlərinin artırılmasına və müvafiq olaraq ölkədə həyat keyfiyyətinin yüksəldilməsinə nail olmaq sahibkarlığın inkişafı olmadan mümkün deyil. Bu səbəbdən sahibkarlığa yüksək diqqət var. Hökumət qəbul edir ki, biznes iqtisadi inkişafın əsas amillərindən biridir.
Sahibkarlar ölkənin tərəqqisinə böyük töhfələr verir
Hazırda belə yanaşma qəbul olunur ki, qiymətlərin liberallaşdırılması şəraitində daha çox kiçik biznesin inkişafı diqqət mərkəzində olmalıdır. Ticarət və xidmət sahəsində kooperativlər və kiçik müəssisələrin bazar iqtisadiyyatının subyektlərinə çevrilməsinə dəstək bundan sonra da davam etməlidir. İri müəssisələr istehsal etdikləri məhsulların satışı, təmiri, əsas və köməkçi istehsalın saxlanması üçün çoxsaylı ticarət strukturları yaratmaqda davam etməlidirlər.
Azərbaycan iqtisadiyyatının xüsusi sektoru kimi kiçik biznesin formalaşmasına hüquqi dəstək verilməsi də diqqətdə qalmaqda davam etməlidir. Yeni yaranan kiçik və orta biznesin dövlət dəstəyinə ehtiyacı nəzərə alınmalıdır. Sahibkarlığın xüsusi mülkiyyətin toxunulmazlığını və qorunmasını təmin edən, istehsalçıları stimullaşdıran qanunvericilik bazası davamlı olaraq təkmilləşdirilməlidir. Dövlət vergi sistemində islahatların aparılması və vergilərin sadələşdirilməsi istiqamətində konkret addımlar da davam etməlidir. Kiçik və orta sahibkarlığın inkişafı üçün dövlətin pul və fiskal siyasəti də mühüm rol oynayır. Kreditin əlçatanlığı sahibkarlıq subyektləri üçün çox önəmlidir. Sahibkarlığın dəstəklənməsi və müdafiəsində qeyri-hökumət təşkilatlarının rolunun gücləndirilməsini, istehsal sektorunun inkişaf etdirilməsini, sahibkarlıq fəaliyyətinin ayrı-ayrı aspektlərinin dövlət tənzimlənməsindən tədricən sənaye və interyer vasitəsilə özünütənzimləməyə keçidi də diqqət mərkəzində olmalıdır.Bu halda Azərbaycan sahibkarlığı öz potensialını daha sürətlə artırmağa başlayacaq. Dövlət biznesi dinləməyə, inkişaf etdirməyə və daha rahat şərait yaratmaq üçün tədbirlər görməyə bundan sonra da davam etməlidir. Elə Azərbaycan prezidenti İlham Əliyev bütün bunları diqqətdə saxlayır.Onunhəyata keçirdiyi düşünülmüş və məqsədyönlü siyasətlə ölkəmizin inkişafı, xalqımızın əmin-amanlıq şəraitində yaşamasının təmin edilməsi sahibkarlıq üçün də mühüm əhəmiyyət kəsb edir. Artıq sahibkarlığın inkişafı regional iqtisadi siyasətin ən mühüm elementlərindən birinə çevrilib. Belə ki, son illər regionların sosial-iqtisadi problemlərinin həllində özəl sektora üstünlük verilir. Ölkədə 2004-cü ildən uğurla icra olunan regionların sosial-iqtisadi inkişafına dair dövlət proqramları rayonların iqtisadi potensialının artmasına, infrastruktur təminatının, kommunal xidmətlərin keyfiyyətinin daha da yüksəlməsinə, biznes və investisiya mühitinin, əhalinin rifahının yaxşılaşmasına səbəb olur, bununla da ölkənin strateji inkişaf hədəflərinə, müəyyən edilmiş məqsədlərə nail olunmasına əhəmiyyətli töhfəsini verir. Sahibkarlığa dövlət dəstəyi tədbirləri nəticəsində sahibkarlıq subyektlərinin sayının artması nəticəsində özəl sektorda iş yerlərinin əsaslı şəkildə artması ölkənin tərəqqisinə əlavə töhfələr verir. Bu proses artıq dönməz xarakter alıb.
Ramil QULİYEVYazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
