18/09/2020 10:46
728 x 90

Azərbaycanda sosial layihələrə ən ali səviyyədə təminat – neft 35 dollara düşsə də...

Jalə Əliyeva: “Son illər Azərbaycan bütün sahələrdə olduğu kimi, iqtisadi sahədə də böyük uğurlara imza atıb”

img

“Azərbaycan dövləti istənilən böhrana hazırdır. Çünki biz elə bir möhkəm təməl yaratmışıq ki, istənilən böhranla əlaqədar öz düzgün addımlarımızı atırıq və neftin qiyməti hətta 35 dollar səviyyəsində olsa belə, Azərbaycan bütün sosial öhdəlikləri yerinə yetirəcək, ölkəmiz üçün lazım olan infrastruktur layihələrini icra edəcək, ölkəmizin hərbi potensialının möhkəmləndirilməsi üçün əlavə vəsaitin təşkil edilməsinə də çatacaqdır. Dürüstləşmə ilə əlaqədar, əlbəttə ki, ilk növbədə, sosial və digər layihələr nəzərdə tutulur”.

Bu sözləri Prezident İlham Əliyev avqustun 6-da Azərbaycanda koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirilən müşavirədə çıxışı zamanı deyib.

Prezident qeyd edib ki, neftin qiyməti 35 dollar olsa belə, bütün sosial öhdəliklər yerinə yetiriləcək.

  • “Neftin qiyməti 35 dollar səviyyəsində olsa da, Azərbaycan bütün sosial öhdəlikləri yerinə yetirəcək”

Millət vəkili Jalə Əliyeva bildirdi ki, Prezident İlham Əliyevin sədrliyi ilə keçirilən müşavirələr, iclaslar, etdiyi çıxışlar, söylədiyi nitqlər özü bir tarixdir, tarixə çevrilir, tarixə həkk olunur. Çünki hər birində xalqın, dövlətin, yerləşdiyimiz bölgənin, regionun, bütövlükdə, dünyanın taleyüklü məsələləri ilə bağlı dərin məzmunlu, geniş və əhatəli fikirlər səsləndirilir, mesajlar verilir. Hər biri də inkişafa, tərəqqiyə, sülhə, təhlükəsizliyə, insan sağlamlığının və rahatlığının təmin edilməsinə yönəlik fikirlər, mesajlar, bəyanatlardır.

Xanım millət vəkili qeyd etdi ki, son illər Azərbaycan bütün sahələrdə olduğu kimi, iqtisadi sahədə də böyük uğurlara imza atıb. Qlobal əhəmiyyətli layihələri icra edib: “Möhkəm təməl üzərində qurulan iqtisadiyyatımız imkan verir ki, istənilən böhranla əlaqədar düzgün addımlar ataq. Neftin qiyməti 35 dollar səviyyəsində olsa da, Azərbaycan bütün sosial öhdəlikləri yerinə yetirəcək, ölkəmiz üçün lazım olan infrastruktur layihələri icra ediləcək, ölkəmizin hərbi potensialı möhkəmləndiriləcək. Bəli, bu addımı yalnız Prezident İlham Əliyev kimi böyük cəsarətə, güclü iradəyə malik olan bir lider ata bilər”.

Günel CƏLİLOVA

Son xəbərlər