08/08/2020 09:44
728 x 90

Pandemiyadan ziyan görmüş sahibkarların kreditlərinə dövlət zaminliyi – girov tələb olunmayacaq, lakin…

Vüqar Bayramov: “Güzəştli kreditlərdə həm aqrar sektor, həm də digər sahələr üzrə kreditlərin təklif edilməsi nəzərdə tutulur”

img

Ümumdünya Səhiyyə Təşkilatı tərəfindən Koronavirus pandemiyasının başlandığı elan olunduğu vaxtdan dünya iqtisadiyyatının və beynəlxalq maliyyə bazarlarının itkiləri sürətlə artmağa başlayıb. Müasir dünya iqtisadiyyatı elə bir səviyyədə qloballaşıb ki, ayrılıqda götürülmüş bir ölkənin qlobal iqtisadiyyatın məruz qaldığı təsirlərdən kənarda qalması praktik olaraq mümkün deyil. Koronavirus Pandemiyası demək olar ki, bütün ölkələrin iqtisadiyyatına bu və ya digər səviyyədə təsir edib və nə qədər arzuedilən olmasa da, bu prosses bu gün də davam etməkdədir.

Ölkəmizdə sahibkarlıqla məşğul olan şəxslərə dövlət tərəfindən dəstək göstərilir.

Məlumat üçün bildirək ki, bu günlərdə Nazirlər Kabineti “Koronavirus (COVID-19) pandemiyasından zərər çəkmiş sahələrdə fəaliyyət göstərən sahibkarlıq subyektlərinə veriləcək bank kreditləri üzrə dövlət zəmanətinin verilməsi və kredit faizlərinin subsidiyalaşdırılması Qaydası” təsdiq edib.

Pandemiyadan zərər çəkən sahibkarlara dövlət dəstəyinin göstərilməsinin əhəmiyyəyi haqqında danışan millət vəkili Vüqar Bayramov bildirdi ki, kreditlərin verilməsi zamanı iki mühüm məqam var: “Birincisi, elektron kredit portalı ilə müraciət zamanı daha qısa zamanda müraciətlərə baxılması və kreditlərin verilməsi həyata keçiriləcək. Nəzərə alsaq ki, sürətli, yəni məbləği 200 min manata kimi keriditlərin müddəti 7 günə kimi olacaq və nəticə etibari ilə buna imkan verəcək ki, sahibkar bir həftə ərzində məhz bu kreditlərdən faydalana bilsin. Daha nisbətən böyük məbləğli kreditlər üçün bu müddət 10 günü əhatə edəcək. Proses elektron olduğundan şəfaflığı qorumaq mümkün olacaq. Eyni zamanda bu imkan verəcək ki, müraciətlərə müraciət tarixinə uyğun olaraq baxılsın və nəticə etibari ilə bu da daha qısa müddətdə müraciətlərə baxılıb cavablandırılmasına imkan verəcək".

Həmsöhbətimiz onu da əlavə etdi ki. yeni qaydalar 500 milyon manatlıq güzəştli kredit potfelinin təqdim edilməsinə imkan verəcək. Bunun da 300 milyon manatı məhz dövlət tərəfindən zəmanət verilən kreditlər olacaq. Güzəştli kreditlərdə həm aqrar sektor, həm də digər sahələr üzrə kreditlərin təklif edilməsi nəzərdə tutulur. Əvvala texnologiyanın alınması ilə bağlı güzəştli kreditlərin təklif edilməsi də nəzərdə tutulur. Bu zaman əsas məqam ondan ibarətdir ki, həmin kreditlərə müraciət edən zaman sahibkardan girov tələb olunmayacaq: “Bu, çox vacib məqamdır. Çünki rayonlarda yaşayan sahibkarların girov tədim etməkdə çətinlikləri var. Nəzərə alsaq ki, banklar girovu, əmlakı Bakıdan istəyir. Rayonda yaşayan sahibkarların  girov təklif etmək imkanları məhdud olduğuna görə, onların kreditlərə çıxış imkanları məhdud olurdu. Amma yeni qaydalara əsasən, məhsulun özü, yəni sahibkarın aldığı texnologiya və avadanlığın özü girov kimi çıxış edəcək və artıq sahibkara digər əmlakı girov olaraq tədim etməyə  ehtiyac olmayacaq".

Bildirək ki, paketin üstünlükləri post-pandemiya dövründə aktivliyi qısa zamanda bərpa etməkdən ibarətdir. Çünki sahibkarların kreditə ehtiyacı var. Onların maliyyə resurslarının artırılması çox vacibdir.

Günel CƏLİLOVA

Son xəbərlər