11/08/2020 22:20
728 x 90

Sığorta şirkətləri 2-dən aztutumlu avtomobillərin sığortasından niyə imtina edir...

img

Azərbaycanın sığorta şirkətləri kiçik mühərrikli avtomobillərin sığortalanmasından imtina etməyə çalışırlar. Son aylar bazarda ayrı-ayrı sığorta şirkətləri tərəfindən tətbiq edilən qaydalar bunu deməyə əsas verir. Belə ki, sığorta şirkətləri mühərrikin həcmi 2 litrdən aşağı olan avtomobillərə görə sığorta agentlərinə komissiya haqqı verməkdən imtina edirlər. Bəzi şirkətlər hətta 2,5 litrdən aşağı mühərriklərə də komissiya ödəmirlər. Məlumat üçün bildirək ki, adətən, agent komissiyasının həcmi sığorta haqqının 15 faizi ətrafında olur.

Qeyd edək ki, bu ilin yanvar-may aylarında avtomobillərin icbari sığortasında zərərlilik 70 faiz ətrafındadır. Bakıda isə bu göstərici 120-130 faizi keçir. Onu da bildirək ki, hazırda Bakıda avtomobil bazarının 60-70 faizi mühərrikinin həcmi 2 litrə qədər olan avtomobillər olduğuna görə tətbiq edilən məhdudiyyətlər onların fəaliyyətini çətinləşdirib və gəlirlərini kəskin azaldıb.

Maraqlıdır, sığorta şirkətləri kiçik mühərrikli avtomobilləri nə səbəbdən sığorta etmək istəmirlər? Bunun səbəbini aydınlaşdırmaq məqsədilə sığorta şirkətləri ilə əlaqə saxladıq.

  • “Paşa Sığorta” şirkəti: “Hətta şirkət sığorta agentlərinə mühərriki 2 litrdən aşağı olan avtomobillər üzrə müqavilə gətirəcəkləri təqdirdə...”

 “Paşa Sığorta” şirkətindən bildirildi ki, bu qayda artıq bir neçə aydır tətbiq edilir. Hətta şirkət sığorta agentlərinə mühərriki 2 litrdən aşağı olan avtomobillər üzrə müqavilə gətirəcəkləri təqdirdə onlarla əməkdaşlığı dayandıracağını da elan edib.

  • “Atəşgah” sığorta şirkəti: “Bu tip avtomobillərə görə cəmi 5 faiz agent komissiyası...
“Atəşgah” sığorta şirkətindən isə qeyd olundu ki, bu tip avtomobillərə görə cəmi 5 faiz agent komissiyası ödənilir: “Şirkətlər bu qərarlarını sığorta bazarında zərərliyin artması ilə izah edirlər. Qəzaların sayının çoxalması, hadisələrin artması və ehtiyat hissələrinin bahalaşması nəticəsində icbari sığorta növü şirkətlər üçün əsl başağrısına çevrilib.

Günel CƏLİLOVA

Son xəbərlər