AFFA rəsmisi klubları tənqid etdi

Tarix: 18.07.2014 / 11:34
Bölmə: İdman

"İcraiyyə Komitəsi qərar vermişdi ki, klublar əmək haqqı ilə bağlı AFFA-ya məlumat versinlər. Ancaq bugünədək hesabat təqdim olunmayıb. Biz məlumatları agentlərdən, klublara yaxın adamlardan alırıq".
Fanat.az xəbər verir ki, bu sözləri AFFA-nın baş katibi Elxan Məmmədov deyib. Asossiasiya rəsmisi bildirib ki, klublar Müşahidə Şurasını yaratmayıb: "İcraiyyə Komitəsi klublarda Müşahidə Şurasının yaradılması haqqında qərar qəbul edib. Təəssüf ki, bu günədək bu məsələni həll etməyiblər. Şurada mətbuat nümayəndəsi, sponsorlardan 1 nəfər və s. olmalı idi. Lakin klubların AFFA-ya təqdim etdikləri siyahıda bəzən sponsorlardan 5-6 nəfərin, hətta baş məşqçinin adı yazılıb. Başa düşmək olmur, baş məşqçinin adı o siyahıya hansı məntiqlə salınıb? Biz bu məsələyə İcraiyyə Komitəsinin növbəti iclasında nöqtə qoyacağıq".
Məmmədov klublarda şəffaflığın olmamasından narazılığını ifadə edib: "Əksər xarici klubların büdcəsinin 65 faizi əməkhaqqına xərclənir. Bizdə isə bu rəqəm 25 faizdir. Bu da onu göstərir ki, şəffaflıq yoxdur. Belə olan halda AFFA da onların fəaliyyətini təhlil edə bilmir. Sponsor və tərəfdaşlar da belə klublara yaxın getmir. AFFA hər il hesabat verir, bütün rəqəmlər göstərilir. Klublarda isə belə şəffaflıq yoxdur".
Baş katib Premyer Liqa və I divizion klublarını çalışdıran baş məşqçilərdən heç kimin limitlə bağlı AFFA-ya etiraz etmədiyini deyib: "Yalnız "Rəvan"dan vitse-prezidenti Bəhruz Şirəliyev mənimlə əlaqə saxlayıb. O da dedi ki, bu qərar müsbət addımdı. Futbolçular, məşqçilər fərdi şəkildə mətbuat vasitəsilə etiraz edə bilərlər, lakin bizə rəsmi narazılıq edən yoxdur. Müraciət olarsa, məsələyə yenidən baxıla bilər".
Məmmədov azərbaycanlı və türkiyəli futbolçuların iki qardaş ölkədə legioner sayılmaması məsələsi ilə bağlı Türkiyə Futbol Federasiyası ilə danışıqların hansı vəziyyətdə olmasından danışıb: "Türkiyə Super Liqasında çıxış etmək istəyən futbolçumuzun olmaması fikri ilə razı deyiləm. Kamran Ağayev rahatca bu çempionatda oynaya bilər. Biz türkiyəli həmkarlarımızla legioner statusunun aradan qaldırılması barədə müzakirələr aparmışıq. Türklər buna razılıq versələr, bu, həqiqətən bütün türk dünyası üçün faydalı bir qərar olacaq".
Baş katib 2020-ci ildə keçiriləcək Avropa çempionatına Bakının ev sahibliyi etməsi üçün sifariş ərizəsini aprelin 23-də UEFA-ya təqdim etdiklərini bildirib: "Bakı 13 ölkədən biri olsa, o deməkdir ki, paytaxtımız dünyanın nəhəng şəhərləri sırasında olacaq. Ümid edirik ki, qalib gələ biləcəyik. Digər tərəfdən də bizim bölgəyə ən yaxın olan şəhər Sankt-Peterburqdur. Bölgəni yalnız Bakının təmsil etməsi bizim üçün fəxrdir. Üstəlik Gürcüstan və Türkiyə də bu məsələdə bizə dəstək verir".
Məmmədov deyib ki, 2015-ci ildə UEFA Superkubokunun Gürcüstanın paytaxtı Tiflisdə keçirilməsinin Azərbaycana da faydası dəyəcək. Belə ki, Superkubok iştirakçılarından biri oyunöncəsi Bakıda təlim-məşq toplanışı keçirəcək. O, Superkuboku qəbul edəcək ölkənin seçimində AFFA-nın Gürcüstanı dəstəklədiyini deyib.

DİGƏR XƏBƏRLƏR

Tarix: 23.06.2026 / 09:23

Fransa İraqı məğlub edib 1/16 finala yüksəldi...

Tarix: 22.06.2026 / 21:53

Türkiyə millisi niyə bu günə qaldı - ilk 64 saniyədə qol buraxdı, heç bir qol vurmadan yarışı tərk etdi...

Tarix: 21.06.2026 / 13:04

Azərbaycan boksçusu Dünya kubokunda qızıl medal qazanıb

Tarix: 18.06.2026 / 17:40

Azərbaycanın kamandan oxatma üzrə idmançısı IV Avropa Oyunlarında iştirak etmək üçün kvota qazanıb

Tarix: 18.06.2026 / 16:27

Azərbaycanda ilk dəfə paraüzgüçülük üzrə ölkə çempionatı keçirilib

Tarix: 15.06.2026 / 20:44

FIFA prezidentindən sensasiyalı təklif – Fələstin-İsrail matçı ilə açılış edilsin...

Tarix: 11.06.2026 / 09:43

Futbol üzrə dünya çempionatı başlayır - Meksika və CAR bu gün qarşılaşır...

Tarix: 10.06.2026 / 15:39

Milli Paralimpiya Komitəsinin rəhbərliyi medal qazanan parataekvondoçularla görüşüb

Tarix: 09.06.2026 / 20:52

Beynəlxalq media əfsanəvi 10 karateçinin sırasına azərbaycanlını da saldı - Rafael Ağayev

Tarix: 07.06.2026 / 22:39

Parataekvondoçularımız Prezident Kubokunda 1 qızıl və 2 bürünc medal qazanıblar

Tarix: 05.06.2026 / 00:02

Minifutbol millimiz Avropa Çempionu oldu!

Tarix: 04.06.2026 / 17:40

"Fənərbağça" prezidenti Sadettin Saran həbs edildi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 22.06.2026 / 20:53

Əliyev bütün dövlətin strategiyasını açdı - “...balansı mütləq dəyişdirməliyik”...

Tarix: 22.06.2026 / 19:33

Avropa Şurasının Bakı ofisinin rəhbəri XİN-ə çağırıldı...

Tarix: 18.06.2026 / 17:57

Müəllimlərin geyim forması ilə bağlı yeni standartlar bəzən yanlış başa düşülür...

Dövlət qulluğu statusu-dövlətçilikdə Azərbaycan brendi...