“Burada məhkəməyə hədə-qorxu gəlmək cəhdləri də istisna deyil”
Ermənilər dünyanın hansı nöqtəsində olurlarsa-olsunlar, onlar mütləq cinayətkar qruplaşmalar yaradır, yaşadıqları dövlətə zərər vururlar. Müxtəlif ölkələrdə ermənilərin həyata keçirdikləri cinayətlərin üstü açılır, onların bu əməlləri ifşa olunur. Bu günlərdə Almaniyada Ermənistan hökumətindən dəstək alan erməni mafiyasının, cinayətkarlarının ifşa edilməsi dünyada böyük əks-səda yaratdı. Hətta məlumat yayıldı ki, Almaniyada erməni mafiyasının mövcudluğu və Ermənistanın bu ölkədəki səfiri Aşot Smbatyanın erməni cinayətkar qruplaşmalarla əlaqələrinə dair 07.11.2018-ci tarixində MDR televiziyasında “Almaniyada xaç ataları: erməni mafiyası və qanuni oğrular” başlıqlı sənədli film efirə veriləcək, lakin efirə verilməli olan sözügedən filmin nümayişi Ermənistan səfirinin iddiası əsasında Berlin məhkəməsi tərəfindən müvəqqəti olaraq təxirə salınıb. Almaniya məhkəməsinin qərarına əsasən “Almaniyada xaç ataları: erməni mafiyası və qanuni oğrular” başlıqlı sənədli filmin nümayişinin təxirə salınması təəccüblə yanaşı, bir sıra suallar da meydana çıxarır.
Ermənilərin iç üzünü açan, onların cinayətkar əməllərini bütün dünyada faş edən bu filmin nümayişinin hələlik dayandırılması erməni lobbisinin Almaniya məhkəmələrinə təsir göstərmək imkanı ilə bağlı ola bilərmi? Ermənilər bu işə hansı yolla nail ola bilərlər?
Azərbaycan Milli Elmlər Akademiyasının (AMEA) Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev hesab edir ki, filmin nümayişinin müvəqqəti dayandırılmasının səbəbi ermənilərin Almaniya məhkəməsini pulla ələ almasından daha çox, erməni lobbisinin həmin ölkənin məhkəmə sisteminə təsir etmək gücünə malik olması ilə bağlı ola bilər. “Ermənilərin cinayətkar əməlləri bütün dünyada faş olmalıdır ki, onların həqiqi kimliyindən, məqsədlərindən, cinayətkar ünsürlər olmasından bütün Yer kürəsi xəbərdar olsun. Bilirsiniz, Almaniyada ermənilərin cinayətkar əməllərinin üzə çıxarılması, onların ifşa edilməsi, hətta bu cinayətlərdə Ermənistanın bu ölkədəki səfirinin iştirakının olması çox ciddi mətləblərdən xəbər verir. “Almaniyada xaç ataları: erməni mafiyası və qanuni oğrular” başlıqlı sənədli filmin nümayişi gözləndiyi bir vaxtda onun təqdim edilməsi dayandırıldı. Özü də məhkəmənin qərarı ilə. Ermənilər yalnız Fransa, Amerika və digər ölkələrdə deyil, Almaniyanın özündə də cox güclü lobbiyə malikdirlər. Oradakı erməni lobbisi güclüdür. Almaniyada fəaliyyətlərini elə qurublar ki, hər yerdə ermənipərəst qüvvələr formalaşdırıblar. Onlar da belə məqamlarda ermənilərin dəyirmanına su tökürlər. İnanmıram ki, ermənilər Almaniya məhkəmələrini pulla ələ ala bilsinlər, çünki orada rüşvət faktları, demək olar, yoxdur. Hesab edirəm ki, ermənilər filmin yayımının müvəqqəti dayandırılmasına iki yolla nail olublar. Erməni lobbisi Almaniyadakı nüfuzundan, gücündən istifadə edərək, öz havadarlarının dəstəyi ilə məhkəməyə təsir göstərib və nəticədə də filmin yayımı hələlik dayandırılıb. Burada məhkəməyə hədə-qorxu gəlmək cəhdləri də istisna deyil. Nəzərə alsaq ki, erməni mafiyası Almaniyada özünə artıq yer tapıb, onların bu yola da əl atması mümkündür. Ermənilər müxtəlif vasitələrdən istifadə edərək Almaniya məhkəməsini hələlik ələ alıblar. Amma hesab edirəm ki, bu uzun sürməyəcək və Almaniya hökuməti bunun qarşısını alacaq. Çünki bu belə gedə bilməz. Ermənilərin iç üzü yavaş-yavaş açıldıqca, bütün məsələlər qaydasına düşəcək” - deyə Q.Hacıyev bildirdi.
Q.Hacıyev, həmçinin, onu da dedi ki, hansı ölkələr ki, bizi sevmir, həmin ölkələrdə erməni lobbisinin fəaliyyətinə geniş imkanlar yaradılır. O hesab edir ki, ermənilərin bütün dünya üçün təhlükəli olan cinayətkar əməllərinə mövcud Ermənistan hökumətinin dəstək verməsi olduqca qorxulu tendensiyadır.
İradə SARIYEVA
