Türk dünyasının vahid televiziyası...

Tarix: 25.08.2016 / 02:16
Bölmə: Gündəm

Həbib Ələkbərsoy: "Ortaq televiziyanın yaranması bu ölkələri bir-birinə daha da mehriban edəcək"

"Belə bir telekanalın fəaliyyətə başlaması bizim hamımızı sevindirər"

Türk Şurasının baş katibi Ramil Həsənov rəhbərlik etdiyi təşkilatın fəaliyyətindən danışıb. O bildirib ki, Türkdilli Ölkələrin Əməkdaşlıq Şurası (Türk Şurası) üç ildir Birləşmiş Millətlər Təşkilatı (BMT) yanında müşahidəçi statusunu almaq üçün müraciət edib.

Təəssüf ki, bir neçə ölkə altıncı komitədə Türk Şurasının üzvlüyünə etiraz etdiyi üçün bu baş tutmayıb.

Türkdilli ölkələrin dövlət başçılarının altıncı zirvə görüşünün bu il Qırğızıstanın paytaxtı Bişkekdə təşkil olunacağını bildirən R.Həsənov yeddinci sammitin 2017-ci ildə Bakıda keçiriləcəyini diqqətə çatdırıb.

Ermənistan-Azərbaycan, Dağlıq Qarabağ probleminə toxunan R.Həsənov bildirib ki, Türk Şurasına üzv ölkələr bu münaqişə ilə bağlı Azərbaycanın haqlı mövqeyini dəstəkləyir. Azərbaycanın mövqeyi beynəlxalq hüququn prinsiplərinə əsaslanır və münaqişə Helsinki Yekun Aktında göstərilən müddəalar əsasında həllini tapmalıdır.

R.Həsənov türkdilli ölkələrin tarixinə dair ümumi dərslik üzərində işin başa çatdırıldığını bildirərək deyib: "Oktyabrda təhsil nazirlərinin görüşündə bu dərslik təsdiqlənsə, Bişkek sammitində prezidentlərə təqdim olunacaq".

Türkdilli ölkələrin ortaq televiziyasının yaradılması istiqamətində işlərin davam etdiyini bildirən R.Həsənov bu televiziyanın "İnternational Turkish News Channel" adlandırılacağını deyib. O qeyd edib ki, televiziyanın verilişləri altı dildə yayımlanacaq. Telekanalın mərkəzi ofisi Azərbaycan, Türkiyə və ya Qazaxıstanda yerləşə bilər.

Altı ölkəni əhatə edəcək televiziyanın fəaliyyətə başlaması perspektiv üçün nə vəd edir?

Türk Hərəkatı İctimai Birliyinin rəhbəri Həbib Ələkbərsoy qəzetimizə açıqlamasında bildirdi ki, türkdilli ölkələrin inteqrasiyası ilə bağlı bir çox layihələr nəzərdə tutulur: "Təəssüflər olsun ki, onların çoxu elə kağız üzərində qalır. Televiziyanın açılması çox böyük töhfə olar. Verilən açıqlamadan gördük ki, bəzi ortaq layihələr maliyyə çatışmazlığı ucbatından yarımçıq qalıb. Doğrudan da təəssüfedici mənzərədir. Allah türkdilli ölkələrə bütün nemətləri bəxş edib. Barəsində söhbət gedən 6 ölkənin hər biri zəngin təbii ehtiyatlara malikdir. Yəni bu o anlama gəlir ki, hansısa layihəni maliyyələşdirmək onlar üçün problem olmamalıdır. Ortaq televiziyanın yaranması bu ölkələri bir-birinə daha da mehriban edəcək. Bilirsiniz ki, hazırda informasiya əsridir. Bu baxımdan da fəaliyyət göstərəcək televiziya bizim ölkələrimiz barədə bütün həqiqətləri dünyaya çatdırmaq imkanını əldə edəcək. Həm də ölkələr arasındakı təbliğatı stimullaşdıracaq. Hesab edirəm ki, belə bir telekanalın fəaliyyətə başlaması bizim hamımızı sevindirər".

Məhəmmədəli QƏRİBLİ

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...