"Ötən həftə Bakı şəhərinin şahidi olduğu bu böyük siyasi hadisə region ölkələrinin münasibətləri tarixində dönüş nöqtəsinə çevrildi və regional münasibətlərdə pozitiv perspektivlərə doğru atılmış bir addım oldu”.
Baki-xeber.com İran səfirliyinin mətbuat xidmətinə istinadən xəbər verir ki, bunu Azərbaycan Respublikasında təhsil alan İranlı Tələbələr minnətdarlıq bəyanatında deyiblər. Qeyd ediblər ki, İran İslam Respublikası Prezidentinin Bakıya səfəri və burada üçtərəfli görüşün keçirilməsi iki qonşu ölkənin münasibətlərinin iqtisadiyyatın müxtəlif sahələrində daha da qüvvətləndirilməsinə və inkişaf etdirilməsinə imkan yaratmaqla yanaşı, terrorizm təhlükəsi ilə mübarizədə, siyasi münasibətlərin daha da yaxşılaşdırılması və əlaqələrin genişləndirilməsi, habelə enerji mübadiləsində əməkdaşlığa münbit şərait yaradacaq.
Bildirilib ki, bu üçtərəfli görüşdə qonşu ölkələrin dövlət başçıları regionun və dünyanın ən mühüm siyasi məsələlərini də müzakirə ediblər. Şübhəsizdir ki, region ölkələrinin əmin-amanlığı, rifahı, qüdrəti və onların daha da inkişafı bu görüşün ən əsas hədəfidir və bu baxımdan qeyd olunan görüş böyük ümidlər doğurur. Təbiidir ki, regional əməkdaşlığa nail olmadan, müştərək mənafelər və strateji mövqelər naminə qüvvələri birləşdirmədən bu hədəflərə yetişmək mümkün deyil. İran İslam Respublikası regionun ən sabit bir ölkəsi kimi ağıllı şəkildə və vaxtında ölkənin ən ali icra strukturunun iştirakı ilə müvafiq istiqamətdə çox təsirli bir addım atıb. Bu cür bir neçə tərəfli əməkdaşlıqlar iqtisadi, ictimai və siyasi münasibətləri daha da möhkəmləndirir və region ölkələri, eləcə də dövlətlərinin milli qüdrətini artırmaqla yanaşı, müəyyən mənafelər güdən transregional qüvvələrin bu məntəqənin daxili işlərinə qarışmasının qarşısını alır.
Qeyd edilib ki, Azərbaycan Respublikası İranla coğrafi baxımdan qonşu olduğundan, həmçinin bu ölkə ilə qədim tarixi və mədəni əlaqələrə malik olduğundan iqtisadi və mədəni mübadilələrdə yüksək hazırlığı ilə seçilir. İran İslam Respublikasının və Azərbaycan Respublikasının möhtərəm prezidentlərinin görüşü və onlar tərəfindən müştərək mövqenin irəli sürülməsi, habelə əməkdaşlığın genişləndirilməsi ilə bağlı fikirləri hər iki tərəfin belə bir strateji əməkdaşlığa xüsusi diqqətinin göstəricisidir. Şübhəsizdir ki, Orta Şərq regionunda yaranmış hərc-mərcliyi nəzərə aldıqda bu kimi münasibətlərin rolu daha böyük əhəmiyyət kəsb edir.
Vurğulanıb ki, Azərbaycan Respublikasında təhsil alan İranlı Tələbələrin Elmi, Mədəni və İdman Birliyi üzvləri İran İslam Respublikası Prezidentinin Bakıya səfərini alqışlayaraq regional əməkdaşlığın genişləndirilməsi sahəsində getdikcə artmaqda olan uğurlarla əlaqədar olaraq möhtərəm dövlət rəhbərlərini təbrik edirlər.
Eyni zamanda möhtərəm səfirə və əməkdaşlarına iki müsəlman xalqı arasında müştərək əməkdaşlığın, möhkəm dostluq və qardaşlıq münasibətlərinin yaradılması və davam etdirilməsi üçün öz təşəkkürümüzü çatdırmaq istəyirik: "Biz - Azərbaycan Respublikasında təhsil alan iranlı tələbələr iki qonşu ölkə arasındakı regional əməkdaşlığın daha da genişləndirilməsi, tərəflər arasındakı dostluq və qardaşlıq münasibətlərinin daha da möhkəmləndirilməsi və bu əlaqələrin səviyyəsinin daha da yüksəldilməsi arzusu ilə qeyd olunan hədəflər naminə öz elmi-mədəni imkanlarımızdan istifadə etməyə hazır olduğumuzu da bəyan edirik.
