Üçtərəfli Əliyev-Putin-Ruhani razılaşmalarının dünya geosiyasətini dəyişmək gücü...

Tarix: 10.08.2016 / 01:10
Bölmə: Gündəm

Arzu Nağıyev: "Bu görüşün formatından istifadə edərək hər bir dövlət həm regional təhlükəsizlik məsələsini, eyni zamanda..."

"Hesab edirəm ki, deyilən istiqamətlərdə razılıqların əldə olunması dünyanın geopolitik mənzərəsinə yeniliklər vəd edir"

Bakıda Azərbaycan Prezidenti İlham Əliyev, Rusiya prezidenti Vladimir Putin və İran prezidenti Həsən Ruhaninin üçtərəfli görüşü keçirilib. Bu formatda görüşün keçirilməsi tamamilə aydındır.

Bu üç ölkə iqtisadiyyat, təhlükəsizlik və terrorizmlə mübarizə sahəsində bənzər problemlərlə üzləşir. Görüşün üç ölkə arasında münasibətlərin inkişafında mühüm mərhələ olacağı bildirilir. Qeyd edək ki, üçtərəfli Bakı sammitinin keçirilməsini cari ilin fevral ayında Putinlə telefon danışığı zamanı Azərbaycan Prezidenti İlham Əliyev təklif edib.

Üç prezident arasında müzakirə olunan məsələlər ətrafında tam razılıq əldə olunsa, bu, dünyanın siyasi mənzərəsini necə dəyişə bilər?

Təhlükəsizlik məsələləri üzrə ekspert Arzu Nağıyevin sözlərinə görə, Azərbaycan, Rusiya və İran prezidentlərinin Bakıda keçirilən üçtərəfli görüşü regional təhlükəsizlik baxımından çox mühüm əhəmiyyət kəsb edir və aparılan müzakirələrdə hər bir dövlətin öz maraqları var: "Rusiya-Azərbaycan, eyni zamanda, Azərbaycan-İran, Rusiya-İran münasibətləri kontekstindən baxdıqda əsas məsələ "Şimal-Cənub" beynəlxalq nəqliyyat dəhlizinin yaradılması və bundan hər bir dövlətin iqtisadi dividend götürməsidir. Məlumdur ki, həmin dəhliz Avropa ilə Hindistanı və Çini birləşdirir. İqtisadi baxımdan Rusiyaya qarşı tətbiq olunan sanksiyaların təsirindən çıxmaq üçün ən mühüm yollardan biri məhz budur. İrana qarşı tətbiq edilən sanksiyaların aradan qaldırılmasından sonra ölkədə bir sıra layihələr həyata keçirilir. Bu layihələrin həyata keçirilməsində "Şimal-Cənub" beynəlxalq nəqliyyat dəhlizinin əhəmiyyəti böyükdür. Azərbaycan isə bu dəhlizin vacib bir hissəsində yerləşir. Bir neçə dövlətin ərazisindən keçən bu dəhliz Azərbaycan üçün də bir tranzit ölkə kimi böyük dividendlər gətirə bilər".

A.Nağıyevin sözlərinə görə, Azərbaycan üçün mühüm əhəmiyyət kəsb edən Dağlıq Qarabağ münaqişəsinin həlli baxımından da bu görüşün əhəmiyyəti böyükdür: "İran böyük dövlətdir və bizim qonşumuzdur. İran öz iqtisadi maraqlarını həyata keçirmək üçün regional təhlükəsizliyin təmin olunmasında maraqlı olmalıdır. Regional təhlükəsizlik üçün də, ilk növbədə, Dağlıq Qarabağ münaqişəsi həll edilməlidir.

Azərbaycanla İran arasında həll edilməmiş bir sıra məsələlər də var. Xəzər dənizi məsələsi var. Eyni zamanda, əvvəllər razılaşdırılmış iki ölkə arasında körpünün tikintisi, dəmir yolunun çəkilişi, Xudafərin və Qız qalası su elektrik stansiyalarının tikintisi iqtisadi baxımdan çox mühüm məsələlərdir və yəqin ki, görüş zamanı bu məsələlərin həlli istiqamətində müəyyən razılaşmalar əldə olunub".

Rusiya-Azərbaycan münasibətlərinə gəldikdə isə, A.Nağıyev hesab edir ki, Rusiya Dağlıq Qarabağ məsələsinin həlli üçün Ermənistana təsir edə bilər və bu təsirin nəticəsində regional təhlükəsizliyə təhdid olan Dağlıq Qarabağ münaqişəsinin həllində müəyyən addımlar atmaq olar: "Yəni bu görüşün formatından istifadə edərək hər bir dövlət həm regional təhlükəsizlik məsələsini, eyni zamanda, özlərinin prioritet istiqamətləri olan iqtisadi və siyasi məsələləri həll edə bilər.

Bir sözlə, hər bir dövlət bu görüşdən özləri üçün mühüm dividendlər əldə edə bilər. Hesab edirəm ki, deyilən istiqamətlərdə razılıqların əldə olunması dünyanın geopolitik mənzərəsinə yeniliklər vəd edir".

Məhəmmədəli QƏRİBLİ

DİGƏR XƏBƏRLƏR

Tarix: 10.05.2026 / 11:58

Qeyri-adi yetənəyi ilə məşhurlar siyahısına düşən soydaşımız - Günay Həsənova

Tarix: 09.05.2026 / 06:39

Bu gün QƏLƏBƏ günüdür

Tarix: 09.05.2026 / 06:14

İran BMT-yə çağırış etdi - “ABŞ-ı qınayın”…

Tarix: 09.05.2026 / 06:04

Trampı tabutda təsvir etdi, altına “kaş ki…” yazdı - Ağ Ev şokda…

Tarix: 06.05.2026 / 14:30

Türk Dünyasında İnteqrasiya və Texnoloji dönüş: Bakıda strategiya və qardaşlıq vurğusu

Tarix: 06.05.2026 / 08:39

Meloni “deepfake”i “təhlükəli silah” adlandırdı - zarafatından da qalmadı

Tarix: 06.05.2026 / 08:29

Pentaqonun delfin-kamikadzeləri? - Hegseth inkar etmədi…

Tarix: 06.05.2026 / 08:09

Moskva Qələbəni “İD məğlubiyyəti” ilə keçirəcək - İnternetsiz…

Tarix: 06.05.2026 / 07:56

ABŞ müharibəyə “qaldığı yerdən” davam edəcək - İranla danışıqlar uğursuz olarsa…

Tarix: 06.05.2026 / 07:41

İran BƏƏ-yə hücum iddialarını rədd edir - "dağıdıcı və təəssüf doğuran cavab" gündəmdə…

Tarix: 05.05.2026 / 21:37

Arxiyepiskop tərəfdarları səsini Makrona çatdıra bilmədi - Gümrüdə…

Tarix: 04.05.2026 / 17:22

Tenderlərin MMC-lər arasında şübhəli "ötür-ötürü" ölkəni bürüyüb - Bakı İH nümunəsi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.05.2026 / 17:38

Prezident İlham Əliyev və Mehriban Əliyeva Şükürbəyli kəndinə köçən sakinlərlə görüşdü - FOTO/YENİLƏNDİ

Tarix: 07.05.2026 / 22:18

Gürcüstanla Rusiya Zəngəzur dəhlizinə alternativ hazırlayır - qonşumuzdan yeni davranış...

Tarix: 07.05.2026 / 17:18

Azərbaycandan keçən yollar Avrasiyada müharibələrdən təsirlənməyən yeganə marşrut oldu...

“Böyük qayıdış” müasir şəhərsalma mədəniyyətinə böyük töhfələr verir...