İlham Əliyev çoxdan unudulmuş "Şimal-Cənub" layihəsinə yenidən təkan verdi...

Tarix: 20.10.2015 / 03:26
Bölmə: Gündəm

Tofiq Əsgərov: "Şimal-Cənub" dəhlizinin işə düşməsinin Azərbaycana həm iqtisadi, həm də..."

"Rusiya ilə İranın yenidən bu məsələdə Azərbaycana stavka etməsinin bir neçə səbəbi var"

Uzun illərdir müzakirə olunan, lakin reallaşması qeyri-müəyyən səbəblərdən yubadılan "Şimal-Cənub" nəqliyyat dəhlizi ətrafında müzakirələr yenidən intensiv xarakter almağa başlayıb.

Layihə ilə bağlı yayılan məlumatlar göstərir ki, Rusiya ilə cənub ölkələrini birləşdirəcək dəmir yolunun işə salınması yaxın vaxtlarda reallığa çevrilə bilər və Azərbaycan bu layihədə açar tranzit ölkə rolunu oynayacaq. Oktyabrın 16-da Qazaxıstan Respublikasının Akmola vilayətinin Burabay qəsəbəsində Müstəqil Dövlətlər Birliyi Dövlət Başçıları Şurasının növbəti iclası keçirilib. İclasda çıxış edən Prezident İlham Əliyev sözügedən məsələyə xüsusi olaraq toxunub. Dövlət başçısı qeyd edib ki, Azərbaycan "Şimal-Cənub" dəhlizinin layihəsi üzərində ilk növbədə Rusiya Federasiyası və İranla fəal işləyir: "Artıq ciddi razılaşmalar əldə olunub, bizim dəmir yolu magistrallarının birləşdirilməsi prosesinin sürətləndirilməsinə dair konkret qərarlar qəbul edilib. Bu layihə böyük maliyyə gəlirləri vəd edir. Bu magistral Çinin, Hindistanın, İranın, Azərbaycanın, Rusiyanın və Avropanın nəhəng bazarlarını birləşdirən ən rahat və ən qısa yoldur. Həmçinin sizə bu barədə məlumat vermək və tərəfdaş ölkələrimizi bu layihəyə qoşulmağa dəvət etmək istərdim. Bu iştirak müxtəlif formada ola bilər - sərmayə qoyuluşu, yüklərin təminatı ilə bağlı məsələlər. Düşünürəm ki, biz bu istiqamətdə birlikdə işləyə bilərik. Əgər sərmayələrlə bağlı istək olarsa, biz bunu yalnız alqışlayacağıq. Əgər belə arzu yoxdursa, bu magistralın yaxın iki il ərzində tam işə düşməsi üçün mümkün yeni yüklərin səfərbər edilməsi sahəsində birgə işləyə bilərik".

Prezidentin MDB-nin son tədbirində bu məsələyə toxunması sözügedən layihənin aktuallığını bir daha artırıb.

"Şimal-Cənub" dəhlizi ilə bağlı məsələni dəyərləndirən ekspert Tofiq Əsgərovun fikrincə, son dövrlər bununla bağlı müzakirələrin artması təsadüfi deyil: "Bundan əvvəl Prezident İlham Əliyevin Nazirlər Kabinetinin son toplantısındakı çıxışı zamanı bu məsələyə xüsusilə toxunması və "Şimal-Cənub" dəhlizinin işə düşməsinin Azərbaycana həm iqtisadi, həm də siyasi dividendlər qazandıracağını bildirməsi təsadüfi deyil. Artıq İran tərəfindən də bununla bağlı müsbət bəyanatlar səslənir və layihənin reallaşdırılması ilə bağlı hər iki ölkənin müvafiq qurumları arasında təmaslar intensivləşib. Məsələ ilə bağlı son görüş oktyabrın 9-da Azərbaycanın Astara şəhərində baş tutub. İranın rabitə və informasiya texnologiyaları naziri Mahmud Vaezi qeyd edib ki, Şimal-Cənub beynəlxalq nəqliyyat dəhlizi iki ölkənin tranzit xətlərini birləşdirməklə bərabər, Hindistandan tutmuş Avropayadək yük daşımalarının daha tez və daha sərfəli şəkildə həyata keçirilməsi üçün şərait yaradacaq. 2000-ci ildə Rusiya, İran, Azərbaycan və Hindistan arasında qeyd olunan layihənin reallaşması ilə bağlı müvafiq dövlətlərarası sənədlər imzalansa və 2005-ci ilə qədər bu istiqamətdə müəyyən işlər görülsə də, sonradan layihə ətrafında müzakirələr səngiməyə başladı. Rusiya ilə İranın yenidən bu məsələdə Azərbaycana stavka etməsinin bir neçə səbəbi var. Rusiyanın Qərblə iqtisadi münasibətlərinin kəsilməsi səbəbindən yaranmış iqtisadi böhran Moskvanı Şərqlə tərəfdaşlığa sövq etdi. Moskva böhrandan çıxmaq üçün yeni iqtisadi tərəfdaşlıq modelləri axtarır. "Şimal-Cənub" layihəsinin reallaşmasında İranın mövqeyinin xüsusi təsirinin olduğu da vurğulanmalıdır. Çünki bu layihə İran mallarının nəinki Rusiya bazarına daşınmasını, eyni zamanda Gürcüstan, Qara dəniz və Türkiyəyə çıxarılmasını təmin edir".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Turizm regionlarımızın inkişaf mənbələrindən birinə çevrilir...