İrimiqyaslı hərbi təlimlərlə bağlı Azərbaycan səfirliklərinin xaricdə ümdə vəzifələri...

Tarix: 09.09.2015 / 04:20
Bölmə: Gündəm

"Şübhəsiz ki, bu sahədə olan informasiyalar hərbi attaşelər tərəfindən həmin ölkələrin..."

Aydın Mirzəzadə: "Hesab edirəm ki, bu istiqamətdə diplomatik korpuslar daha fəal olmalıdır"

Məlum olduğu kimi, Prezident İlham Əliyevin təsdiq etdiyi plana əsasən, müdafiə nazirinin rəhbərliyi altında sentyabrın 6-dan 13-dək Silahlı Qüvvələrin bütün qoşun növlərinin döyüşə hazırolma və döyüş qabiliyyətinin yoxlanılması məqsədilə Komanda Qərargah Hərbi Oyunları keçirilir. Təlimlərə 65 000 nəfərədək şəxsi heyət, 700-dək zirehli texnika, 500-dən çox raket və artilleriya qoşunlarının qurğusu, Hərbi Hava Qüvvələrinin 40-dək təyyarəsi və 50-dək helikopteri, Hərbi Dəniz Qüvvələrinin 20-dək gəmi və kateri, eləcə də xüsusi təyinatlı qüvvələrin və qruplaşmaların havadan mühafizəsi məqsədilə qoşunların hava hücumundan müdafiə bölmələri və müasir hava hücumundan müdafiə kompleksləri ilə silahlanmış zenit-raket birləşmələri cəlb edilib.

Təlimlərdə hava kəşfiyyatının aparılması məqsədilə pilotsuz uçan aparatlardan istifadə olunacaq. Komanda Qərargah Hərbi Oyunlarında qoşunların döyüşə tam hazırolma vəziyyətinə gətirilməsi və yenidən qruplaşması, müdafiənin aparılması, əks hücum əməliyyatının hazırlanması və keçirilməsi, eləcə də düşmənin mühasirəyə alınması və darmadağın edilməsi üzrə tapşırıqlar icra olunacaq. Ali Baş Komandanın göstərişinə əsasən, təlimlər zamanı birləşmə və hissələrin səfərbərlik tapşırıqlarının yerinə yetirilməsi səviyyəsinin yoxlanılması məqsədilə ehtiyatda olan 6000 nəfərdən artıq hərbi vəzifəli təlim toplanışına cəlb ediləcək.

O da məlumdur ki, Azərbaycan həm iqtisadi, həm də hərbi gücünə görə Cənubi Qafqazın ən güclü dövlətidir. O baxımdan ölkədə gedən proseslər, əldə olunan nailiyyətlər beynəlxalq aləmdə də diqqətlə izlənir. Azərbaycanın 20 faiz ərazisinin işğal altında olduğunu nəzərə alsaq, torpaqların azad edilməsi naminə ordunun daha da gücləndirilməsi vacibdir. Heç şübhəsiz ki, bütün bunların fonunda bir sıra dünya dövlətləri də keçirilən hərbi təlimləri diqqətlə izləyir. O baxımdan Azərbaycanın xarici ölkələrdəki səfirlikləri, hərbi attaşeləri, diplomatik korpusları nə səpkidə iş aparmalıdır?

Məsələyə münasibət bildirən millət vəkili Aydın Mirzəzadənin sözlərinə görə, ilk dəfədir ki, Azərbaycan bu cür genişmiqyaslı hərbi təlimlər keçirir: "Faktiki olaraq bu, Ermənistan ordusunda olan şəxsi heyətin sayına bərabərdir. Ona görə də Azərbaycanda keçirilən hərbi təlimlər böyük diqqətə səbəb oldu. Azərbaycanın xaricdəki hərbi attaşeləri akkreditasiya olduğu ölkədə hərbi və hərbi-texniki əməkdaşlığın genişlənməsinə öz töhfələrini verirlər. Eyni zamanda, Azərbaycanda hərbi sahədə əldə olunan yeniliklərlə xarici ölkənin müvafiq orqanlarını və ictimaiyyəti tanış edirlər. Şübhəsiz ki, bu sahədə olan informasiyalar hərbi attaşelər tərəfindən həmin ölkələrin müdafiə nazirliklərinə, hərbi analiz mərkəzlərinə çatdırılacaq. Azərbaycanın hərbi quruculuq sahəsində əldə etdiyi nailiyyətlər barəsində məlumat veriləcək. Belədə tək bizim xaricdəki attaşelər deyil, digər qurumlar də müvafiq məlumat verirlər. Bu günlərdə Müdafiə Nazirliyi xarici ölkələrin Azərbaycandakı hərbi attaşelərini təlimlər barəsində geniş məlumatlandırdı. Ümumən götürdükdə təlimlər barəsində informasiya tək Azərbaycanda deyil, ölkədən kənarda da çox geniş yayılacaq. Hesab edirəm ki, bu istiqamətdə diplomatik korpuslar daha fəal olmalıdır".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 02.11.2026 / 23:02

Bunu səfir Birol Akgünə açıq məktubum kimi də oxuya bilərsiniz - Aydın QULİYEV yazır...

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...