Artıq xəbər verdiyimiz kimi, bu gün səhər saatlarında İsrail hava qüvvələri tərəfindən İranın bir neçə şəhərinə zərbələr endirilib. Əməliyyatın Amerika Birləşmiş Ştatları ilə birgə başladıldığı xəbər verilir.
İsrail tərəfi bunu İrana hücum öncəsi preventiv zərbələr adlandırıb və əhalisinə İranın mümkün cavab zərbələri ilə bağlı xəbərdarlıq edib.
Bu olayda ən maraqlı məqam isə ABŞ-İsrail əməliyyatının “Kükrəyən aslan” adlandırılmasıdır. Analitiklər “kükrəyən aslan” təsvirinin Pəhləvi dövləti bağrağının elementi olduğuna diqqət çəkir. Bir qısım təhlilçi bunu əsas gətirərək, məqsədin molla rejimini devirərək, İran hakimiyyətinin başına şah varisi Pza Pəhləvinin gətirilməsi olduğunu düşünür. Lakin İran xalqının bu seçimə razı olub-olmayacağı hələ sual altındadır.
Ukraynalı bloqer Anatoli Şari isə bildirib ki, daha öncə İsrail İrana qarşı əməliyyatı Magen Yehuda ("Yəhuda Qalxanı") adlandırıb. "Bu Şənbə günü Tövratdan bir parça oxudular ki, hər bir yəhudi Misirdən çıxdığımız zaman Amalekin bizə nə etdiyini xatırlamağa borcludur - bizə Amalekə nifrət etmək əmr olunub", - deyə o, Ynet-dən sitat gətirib. Lakin sonradan ABŞ hökuməti əməliyyatın adını dəyişərək “Kükrəyən aslan” edib.
Bu arada ABŞ Prezidenti Donald Tramp videomesajla çıxış edərək iranlıları evlərindən çıxmamağa, rejimə sarsıdıcı zərbə vurulduqdan sonra isə küçələrə çıxaraq hökuməti devirib haqq etdikləri “azadlığa qovuşmağa” çağırıb. “Bəlkə də illərlə gözlədiyiniz son şans budur”- o deyib.
Analitiklər durumu bu rakursdan dəyərləndirərək, əsas məqsədin İrandakı molla rejimini devirmək olduğunu bildirir. O da qeyd edilir ki, Konqresin razılığı olmadan Trampın bu çağırışı etməsi mümkün deyil və belə görünür ki, artıq rejimin sonunun gəlməsi ilə bağlı qərar verilib.
SAMİRƏ
