Amerikalı maliyyəçi Ceffri Epşteyn və ailəsi ilə birlikdə tayqada yoxa çıxan rusiyalı iş adamı Sergey Usoltsev arasında əlaqələrin mövcud olduğu ortaya çıxıb.
Dolaşan xəbərlərə görə, qalmaqallı maliyyəçi Ceffri Epşteynin Sergey Usoltsevlə əlaqəsi Nüvə Şəhərləri Təşəbbüsü proqramı vasitəsilə yaranıb.
Belə ki, 1998-ci ildə Epşteyn ABŞ-dan investisiya cəlb etməklə keçmiş nüvə sənayesi işçiləri üçün iş yerləri yaratmaq məqsədi daşıyan bir proqram çərçivəsində Rusiya nüvə sənayesinin mərkəzi olan Mordoviyanın Sarov şəhərinə səfər edib. Həmin dövrdə iş adamı Usoltsev Krasnoyarsk diyarının Jeleznoqorsk şəhərində oxşar layihəni icra edirmiş. Həmçinin onun 1999-cu ildə təsis etdiyi Beynəlxalq İnkişaf Mərkəzi–Jeleznoqorsk firması şəhər üçün bir neçə milyon dollarlıq Amerika investisiyasının cəlb edilməsində iştirak edirmiş.
Qeyd edək ki, Usoltsev və ailəsi ötən ilin payızında tayqada müəmmalı şəkildə yoxa çıxıb. Ailənin 1990-cı illərlə bağlı iş adamında olan dövlət sirləri səbəbindən gizli şəkildə xaricə qaçdığı ehtimal edilsə də, onların izi hələ tapılmayıb.
"Vzglyad" qəzetinin məlumatına görə, Sergey Usoltsev əvvəllər maliyyə və vergi pozuntularına görə məsuliyyətə cəlb olunub, 1990-cı illərdə isə Amerika proqramında iştirak edib.
SAMİRƏ
