ABŞ Venesuela Daxili işlər nazirini "Maduronun taleyi" ilə hədələyib. Tramp administrasiyası Kabellonun onların planlarına mane ola biləcəyindən narahatdır.
Administrasiya xəbərdarlıq edib ki, Daxili işlər naziri Diosdado Kabello müvəqqəti Venesuela Prezidenti Delsi Rodrigezin ABŞ-ın tələblərini yerinə yetirməsinə və ölkədə asayişi qorumasına kömək etməsə, ABŞ-ın hədəfinə çevriləcək.
Bu barədə vəziyyətlə tanış olan üç mənbə Reuters agentliyinə bildirib. Mənbələrdən biri əlavə edib ki, Kabello Trampın keçid dövründə Venesuelanın müvəqqəti hökuməti kimi etibar etməyə qərar verdiyi Maduro tərəfdarlarından biridir.
ABŞ rəsmiləri Kabellonun Rodrigeslə rəqabət aparmasından və ABŞ planlarına mane ola biləcəyindən narahatdır. Mənbələr bildiriblər ki, onlar onu əməkdaşlığa məcbur etməyə çalışırlar, eyni zamanda Daxili işlər nazirini hakimiyyətdən uzaqlaşdırmaq və sürgünə göndərmək üçün yollar axtarırlar.
Agentliyin mənbələri həmçinin bildirib ki, ABŞ administrasiyası Kabelloya, əgər belə davam edərsə, Maduro ilə eyni aqibəti yaşayacağı və ya həyatının təhlükədə olacağı barədə xəbərdarlıq edib.
İki mənbəyə görə, potensial hədəflər siyahısına Kabello kimi ABŞ-da narkotik qaçaqmalçılığında ittiham olunan və başına milyonlarla dollar mükafat qoyulan ölkənin müdafiə naziri Vladimir Padrino da daxildir. Tramp administrasiyasının yüksək vəzifəli rəsmisi Reuters agentliyinə bildirib ki, ABŞ Prezidenti onları Venesuelada qalan qüvvələrə maksimum təzyiq göstərmək, qanunsuz miqrasiyanın qarşısını almaq, narkotik qaçaqmalçılığı, neft infrastrukturunun yenidən qurulması və “Venesuela xalqı üçün doğru olanı” etməkdə ABŞ ilə əməkdaşlığa çağırır.
Qeyd edək ki, ABŞ Kabellonu narkotik qaçaqmalçılığında iştirak etməkdə şübhəli bilir. Hələ 2025-ci ilin iyul ayında ABŞ hakimiyyəti onun həbsinə səbəb olacaq xəbərə görə 25 milyon dollar mükafat elan edib.
Venesuelanın müvəqqəti prezidenti Delsi Rodrigez 4 yanvarda Venesuela Ali Məhkəməsinin Konstitusiya Palatasının qərarı ilə vəzifəyə başlayarkən vurğulayıb ki, Venesuela müstəmləkəçiliyə təslim olmayacaq. Bununla belə, Mərkəzi Kəşfiyyat İdarəsi onu Maduronun tərəfdarları arasından bu vəzifəyə ən uyğun namizəd kimi seçib.
Xatırladaq ki, 2020-ci ildə, - Trampın birinci prezidentlik dönəmində ABŞ Maduronu narkoterrorizm və kokain idxalı üzrə işbirliyində ittiham etmişdi. Daha sonra Venesuela prezidentini ədalət qarşısına çıxaracaq məlumat üçün 15 milyon dollar vəd etdilər. Sonra bu məbləğ 25 milyon dollara, 2025-ci ilin avqustunda isə yenidən ikiqat artırılaraq 50 milyon dollara çatdırıldı.
Və acı son…
SAMİRƏ
