"Bakı Xəbər" qəzetinin Baş redaktoru, politoloq Aydın Quliyev öz Facebook səhifəsində Ərəb ölkələri Liqasının fəaliyyəti, Qəzzada baş verənlərlə bağlı son qərarlarına dair paylaşım edib. A.Quliyev yazır: "Qəzza müharibəsi ilə bağlı Şuşada xarici jurnalistin sualına cavabında prezident İlham Əliyev belə fikir işlətdi- Ərəb ölkələri Liqası öz fəallığını artırmalıdır...
Ərəb Ölkələri Liqasının hazırki fəaliyyəti və siyasəti doğrudan da dünyanın qanlar axan bu regionunda sülh tələblərinə cavab vermir ." Fəallığın artırılması" deyəndə bir sıra fundamental məqamlar nəzərdə tutulur. Belə ki, hazırda Ərəb ölkələrinin İsrail- Qəzza müharibəsinə münasibətlərini sistemsizlik, pərakəndəlik , taktikasızlıq və strategiyasızlıq kimi xarakterizə etmək olar. Vahid xətt və hamılıqla qəbul olunmuş baxış xətti yoxdur. Onlar sanki bir Ərəb dilində yox, 22 müxtəlif dillərdə danışıb ünsiyyətə girirlər. Bu şərtlər çərçivəsində ortaya qoyulan fəaliyyət isə heç cür "fəallıq" hesab edilə bilməz. Fəalllq sıfır nöqtədədir.
Ötən il oktyabrın 7- dən başlanmış müharibə dövründə Ərəb dövlətlərinin fəaliyyəti və reaksiyası ilə bağlı bir neçə fakta baxaq. Faktların hamısını sadalamaq təbii ki, mümkün deyil və onlara seçmə qaydada baxacağıq.
1.Oktyabrın ortalarında Qəzza müharibəsi ilə bağlı Ciddə şəhərində İƏT ölkələrinin XİN başçılarının görüşünə cəmi 14- 15 müsəlman ölkənin nazirləri gəlmişdi ki, onların çox az bir qismini Ərəb ölkələri təşkil edirdi.Təbii ki, ortada İsraildən qorxu və müstəqil xarici siyasət aparmaq iradəsinin yoxluğu faktoru var idi. Azərbaycan təbii ki, iclasda nazir səviyyəsində iştirak etdi və sözünü də dedi.
2. Cənubi Afrika Respublikası İsraili genosid ittihamı ilə Beynəlxalq məhkəməyə verdi.Ərəb ölkələri hamılıqla,heç olmasa əksəriyyətlə vahid dəstək mövqeyi göstərə bilmədi.
3. Rusiyanın atəşkəslə bağlı BMT TŞ- yə təqdim etdiyi layihəyə ABŞ, Amerikanın layihəsinə isə Rusiya veto qoydu. Ərəb ölkələrinin səsi çıxmadı və biri demədi ki, bizim taleyimiz nə vaxtadək bu 2 "supdövlətin qabağında futbol topu" olacaq?!..
4. Əlcəzair atəşkəsə bağlı Təhlükəsizlik Şurasına qətnamə layihəsi təqdim edəndə də Ərəb ölkələrinin hamılıqla dəstəyini görmədik.
5 . Hazırda Misirin, Qatarın və ABŞ- ın vasitəçiliyi ilə aparılan İsrail- hƏMAS danışıqlarında da Ərəb dövlətlərindən vahid mövqe nümayişi görünmür . Heç kim deyə bilməz ki, Ərəb ölkələrinin həmrəyliyi nəyi dəyişə bilər ?
Əvvəlcə fəallıq və həmrəylik göstərilsin, nəticəni hamı görə bilər. Mən inanıram ki, İlham Əliyev Ərəb dövlətlərinə şəraitin ən foğru yolunu göstərir.
Lakin Ərəb dövlətlərinin doğru yol üstündə qırarlaşa biləcəkləri az ehtimal olunur....Təəssüf..."
Mətləb
