Milli Elmlər Akademiyasının Fəlsəfə və Sosioligiya institutunda "23 mart- Pakistan günü "adlı dəyirmi masa tədbiri keçirildi. Dəyirmi masanı Fəlsəfə və Sosiologiya institutu təşkil edib. Masada institutun Elmi işlər üzrə direktor müavini, tarix elmləri doktoru Eynulla Mədətli "Azərbaycan və Pakistanın tarixi dövlətçilik ənənələri və qarşılıqlı münasibətlər" mövzusunda, Pakistanın Azərbaycandakı səfiri cənab Bilal Hayi " Pakistan- Azərbaycan : diplomatik əlaqələrdən dostluq və qardaşlıq münasibətlərinə " mövzusunda, Fəlsəfə elmləri doktoru Qabil Hüseynli "Pakistan - Azərbaycan siyasi- hərbi əlaqələri: hazırda və perspektivdə" mövzusunda məruzə ediblər.
Tədbiri institutun direktoru İlham Məmmədzadə açaraq səfirə xoş gəldiniz deyib, iki ölkə arasında münasibətlərin inkişafından danışıb . Sonra söz Eynulla Mədətliyə verildi. Eynulla Mədətli eradan əvvəl 1- ci minilliyin əvvəllərindən başlayaraq xalqlarımızın arasındakı əlaqələrdən, qədim sakların, Yunan Baktriya dövrü və Parfiya imperiyasının,Əhəmənilər və Sasani dövrünün maraqlı faktlarından danışdı, Qəznəvilər, Moğol imperiyası və Səfəvilər dövrünə dayanan əlaqələrə geniş ekskurs etdi və müasir münasibətlərin təhlilini verdi.
Səfir cənab Bilal Hayi Pakistan - Azərbaycan dövlətlərarası dostluğunun 90- cı illərdən başlanan böyük köklərindən , Dağlıq Qarabağ münaqişəsinin həllinə qardaş ölkənin dəstəyindən, Heydər Əliyevlə Pakistan rəhbərlərinin münasibətlərindən, prezident İlham Əliyevlə Pakistan rəhbərlərinin yüksək və səmimi münasibətlırindən, işgüzar əməkdaşlıqlardan , beynəlxalq təşkilatlarda ikitərəfli əməkdaşlıqdan, iki ölkənin bir- birinin ərazi bütövlüyünü bütün tarixi şəraitlərdə dəstəkləməsindən danışdı .Sonda hər bir Azərbaycan vətəndaşını Pakistana dost səfərinə , Pakistanı daha yaxşı tanımağa dəvət etdi və viza prosedurunun xeyli asanlaşdırıldığını bildirdi .
Professor Qabil Hüseynli isə iki ölkənin hərbi sahədə əməkdaşlığına dair maraqlı faktları və mülahizələrini bölüşdü. F.e.d. prof., siyasi-analitik Qabil Hüseynli "Azərbaycan-Pakistan siyasi-hərbi əlaqələri: hazırda və pesrpektivdə", f.e.d., prof. Rəbiyyət Aslanova, f.e.d., prof. Adil Əsədov, f.e.d., prof. Rəna Mirzəzadə Azərbaycan-Pakistan münasibətləri ilə bağlı çıxış edərək öz fikirlərini bölüşdülər.
Çıxış edənlər Azərbaycan və Pakistanın dost və qardaş olaraq daim yaşayacaq münasibətlər içində olduqlarını bir daha qürurla qeyd etdilər. Dəyirmi Masa sual və müzakirələrlə başa çatdı.
Namiq Quliyev
