İran İslam İnqilabı Keşikçiləri Korpusu (SEPAH) Hörmüz boğazında Böyük Britaniyaya məxsus neft tankerini ələ keçirib.
Baki-xeber.com xarici mediaya istinadən xəbər verir ki, SEPAH tərəfindən saxlanan və limana aparılan gəmi sənədləri yoxlanana qədər burada qalacağı bildirilir.
SEPAH tərəfindən yayılan açıqlamada Britaniya bayraqlı “Stena Impero” neft tankeri Hörmüz boğazında müdaxilə edildiyi bildirilir: “Stena Impero” adlı Britaniya neft tankeri, qaydalarına əməl etmədiyi üçün İran İslam İnqilabı Keşikçiləri Korpusu Dəniz Qüvvələri tərəfindən dəniz dayandırılıb".
Müdaxilənin ardından tanker İran sahillərinə aparılıb.
Saxlanan tankerdə 23 nəfər olub
“Stena Bulk and Northern Marine Management” adlı şirkətin yaydığı açıqlamada deyilir: "19 iyulda İngiltərə bayraqlı “Stena Impero” tankerinə, Hormuz Boğazından keçdiyi beynəlxalq sularda hansı ölkəyə aid olduğu bilinməyən gəmi və helikopter yaxınlaşıb. Hazırda şimal istiqamətində İrana doğru hərəkət edən tankerlə əlaqə qura bilmirik”.
Açıqlamada bildirilir ki, tankerdə 23 ekipaj üzvü olub və şirkətdə onlardan xəsarət alanlarla bağlı hər hansı məlumat yoxdur.
COBRA-nın toplantısı çağırıldı
Britaniya Müdafiə Nazirliyi yazılı açıqlama yayıb. Açıqlamada deyilir: “Körfəzdəki hadisə ilə əlaqədar daha çox məlumat əldə etməyə çalışırıq və vəziyyəti qiymətləndiririk”.
Britaniya mətbuatı isə yazır ki, hökumət təhlükəsizlik qurumlarının yüksək rütbəli məmurların da yer aldığı fövqəladə komitə COBRA-nın toplantısını çağırıb.
Britaniya Baş Nazirliyi hadisələ əlaqədar açıqlama verməkdən imtina edib.
İran ikinci Britaniya tankerini də saxladı...
Britaniyanın xarici işlər naziri Ceremi Hunt, Britaniya şirkətinə məxsus Liberiya bayraqlı bir başqa bir neft tankerinin də İran tərəfindən saxlandığını açıqlayıb.
“İki gəmi donanmasının Hörmüz boğazında İran tərəfindən ələ keçirilməsindən son dərəcə narahatam” – nazir deyib.
Ancaq İran dövlət televiziyası Fars körfəzindəki hərbi qaynaqlara istinadən, Tehranın ikinci ingilis tankerinə müdaxilə etmədiyini bildirib. Hörmüz boğazında yalnız “Stena Impero” neft tankerinin saxlandığını, Liberiya bayraqlı “Mesdar” neft tankerinə isə heç bir müdaxilə olmadığı qeyd edilir.
Xəbərdə həmçinin, "Mesdar" adlı neft tankerinin Fars körfəzində silahlı qüvvələr tərəfindən yoxlandığı və sonradan tankerin yoluna davam etdiyi bildirilir.
