Soyuqların gətirdiyi yeni qrip nədir?

Tarix: 09.01.2015 / 02:07
Bölmə: Sosial

Nəsib Quliyev: "Artıq məktəblərdə tibb xidmətini həyata keçirən həkim və tibb bacıları tərəfindən maarifləndirmə işləri aparılır"

Adil Qeybulla: "Qış aylarında qrip virusu daha çox yayılır"

"Hazırda ölkə üzrə qrip virusuna yoluxma hallarında artım qeydə alınıb". Bu sözləri Səhiyyə Nazirliyinin Elmi-Tədqiqat Tibbi Profilaktika İnstitutunun direktoru, respublikanın baş infeksionisti Namiq Əliyev mətbuata açıqlamasında bildirib. N.Əliyev deyib ki, qış mövsümündə insanlar arasında mövsümi qrip yayılıb. Onun sözlərinə görə, ötən dövrlərlə müqayisədə kəskin respirator virus 1-2 faiz artıb.
Baş infeksionist qeyd edib ki, ümumilikdə hazırda qriplə bağlı vəziyyət təhlükəli deyil: "Hazırda insanlar arasında müşahidə olunan virus A qrupuna daxil olan virusdur. Bu da qripin adi formasıdır və boğaz ağrısı, öskürmə, hərarətlə özünü büruzə verir. Bu qrip 7-8 gün davam edə bilər".
N.Əliyev qripdən qorunmaqla bağlı müraciət edib. O qeyd edib ki, qrip vaxtında müalicə olunmazsa, xroniki bronxit, ağ ciyərin ikitərəfli iltihabı, nadir hallarda pnevmoniya və bu kimi digər xəstəliklərə səbəb ola bilər. Buna görə də immuniteti zəif olan, özlərində narahatlıq hiss edən insanlar vaxtında həkimə müraciət etməlidir ki, nəticəsi pis olmasın.

Baş pediatr Nəsib Quliyevin sözlərinə görə, uşaqların xəstəliklərdən qorunması üçün ilk növbədə yay-yaz fəslində onların immuniteti möhkəmləndirilməlidir: "Həmçinin körpələr ana südü ilə qidalanaraq xəstəlikdən qoruna bilər. Daha bir üsul peyvənddir, lakin viruslar sayca çox olduğuna görə onların hər biri üçün peyvənd hazırlamaq çətindir. Respirator xəstəlikləri törədən virusların hüceyrəsinin gen strukturu dəyişir. Ona görə də bu il hazırlanmış peyvənd gələn il effektli olmaya bilər. Bu viruslarla bağlı daimi immunitet yaratmaq mümkün deyil. Klassik qrip viruslarına qarşı vaksinlər var, lakin bu da xəstəliyin qarşısını həmişə ala bilmir. Çünki bu il hansı növ qripin yayılacağını əvvəldən müəyyən etmək mümkün olmur. Artıq məktəblərdə tibb xidmətini həyata keçirən həkim və tibb bacıları tərəfindən maarifləndirmə işləri aparılır. Ötən il ərzində bütün uşaqlar kütləvi şəkildə müayinədən keçirildi. Xəstəlik aşkarlandığı halda valideynlərə xəbərdarlıq edilib, fəsadlaşmış halda dispanser qeydiyyatına götürülüb".
Professor, tibbi ekspert Adil Qeybullanın sözlərinə görə, havaların tez-tez dəyişməsi ilə bərabər insanın səhhətində də müəyyən problemlər yaranır, xüsusən də soyuq aylarda: "Bir balaca hava soyuyan kimi çoxları asqırmağa və öskürməyə başlayır. Payızın gəlişi qrip mövsümünün başlanğıcını qoyur.
Qrip qrip virusu tərəfindən yaranan bir xəstəlikdir. Baş ağrısı, titrəmə və öskürək qripin ilk əlamətlərindəndir. Çox qısa müddətdə isə qızdırma, iştahsızlıq, əzələ ağrıları və yorğunluq bu əlamətlərə əlavə oluna bilər. Bəzən xüsusilə uşaqlarda ürək bulanması, qusma və ishalla müşahidə olunur. Xəstəliyin ömrü böyüklərdə 3-5, uşaqlarda 7 günədək olur.
Qrip virusunun ömrü az olduğu üçün xəstəlik 3-5 gündən çox çəkmir. Əgər orqanizmdə qripdən başqa digər xəstəlik varsa, bu zaman həmin xəstəliyin kəskinləşməsi baş verə bilər. Ona görə də qripə bütün "xəstəliklərin açarı" deyirlər.
Qrip mövsümü payızın ilk aylarında başlayıb, noyabr-dekabrda artar, aprel-maya qədər davam edər. Əslində qripin mövsümü bəlli deyil. Amma qış aylarında daha çox yayılır. Səbəbi də insanların daha çox qapalı və sıx məkanlarda toplu halda cəmləşməsidir. İçəridəki havanın quru olmasının virusların uzun müddət ya:::şamasına gətirib çıxarması əsas təsiredici faktorlardan biridir.
Qrip virusu insandan insana çox asanlıqla tüpürcək damlacıqları, öskürək və asqıraq yolu ilə keçir. Xüsusilə qapalı mühitlər infeksiyanın yayılması üçün uyğun məkanlardır.
Ayrıca, qrip olan adamın tutduğu qapı dəstəyi, telefon dəstəyi ilə də keçə bilər. Təyyarə səfərləri ilə də virus bir ölkədən digərinə asanlıqla ötürülməkdədir".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...