Rusiyanın xarici işlər naziri Sergey Lavrov Ermənistanın Avropa İttifaqına yaxınlaşmaq cəhdlərinə sərt reaksiya verib.
Lavrov xəbərdarlıq edərək bildirib ki, əgər ölkə AB standartlarını qəbul etmək istəyirsə, Rusiyanın rəhbərlik etdiyi Avrasiya İqtisadi Birliyindən çıxmalıdır.
Lavrov bildirib ki, Ermənistanın həm AİB-in üzvü kimi qalması, eyni zamanda Avropa İttifaqı normalarını qəbul etməsinin texniki cəhətdən mümkünsüz olduğunu deyib. İki inteqrasiya modelinin gömrük rejimləri, texniki qaydalarla sənaye və kənd təsərrüfatı siyasəti baxımından uyğunsuz olduğunu vurğulayıb.
Moskvanın bu mövqeyinin strateji tərəfdaşlarının Qərbə doğru yönəlməsinə qarşı tolerantlığının həddini açıq şəkildə göstərdiyini deyən Lavrov, Rusiya Baş nazirinin müavini Aleksey Overçukun bunu dəfələrlə erməni həmkarlarına çatdırdığını xatırladıb.
Moskvanın açıq mesajı budur ki, Ermənistan "eyni vaxtda iki stulda otura bilməz". Belə görünür ki Paşinyan administrasiyası isə Qərbdən konkret təhlükəsizlik zəmanətləri və iqtisadi alternativlər olmadan Rusiyanın himayəsindən imtina etmək istəmir.
TAHİR
