Avropa İttifaqı rəsmi olaraq Rusiyanın dondurulmuş aktivlərini qeyri-müəyyən müddətə bloklamaq qərarını rəsmən qəbul edib. Məlumatlara görə, Belçika, İtaliya, Malta və Bolqarıstan uzunmüddətli blokadanı dəstəkləyib, ancaq Aİ qurumları bu səsvermənin heç bir halda aktivlərin istifadəsi ilə bağlı son qərarı müəyyən etmədiyini vurğulayıblar.
Müddətsiz dondurma, hər altı aydan bir yenilənən sanksiya səsvermələrinə ehtiyacı aradan qaldırır və Moskvaya məxsus 210 milyard avroluq aktivlərin gələcəkdə dondurulmama risqini aradan qaldırır. Bu addım, xüsusilə Macarıstan və Slovakiyanın potensial etirazlarını aradan qaldıraraq, Brüsselin Rusiya vəsaitlərini Ukraynaya 2026-2027-ci illərdə veriləcək 165 milyard avroluq " təzminat krediti" planına daxil etməyi hədəfləyir.
Aİ-nin növbəti hədəfi Ukraynanın 2026-2027-ci illər üçün maliyyə ehtiyaclarını ödəmək üçün " təzminat krediti"nin təfərrüatlarını aydınlaşdırmaq olacaq. Liderlər yekun danışıqlar üçün 18 dekabrda yenidən bir araya gələcəklər.
Bu arada, Avropa Komissiyasının prezidenti Ursula fon der Leyenin üzv dövlətlərə göndərdiyi və Ukrayna üçün üç fərqli maliyyələşdirmə modelini əks etdirən məktub yenidən diqqət mərkəzinə gəlib. Komissiya bu modellərin birlikdə və ya ardıcıl olaraq tətbiq oluna biləcəyini müəyyənləşdirir və ən təsirli variantın Rusiyanın dondurulmuş aktivlərinə əsaslanan "təzminat krediti" olduğunu bildirir.
AB-nin təklifi Ukraynaya 165 milyard avro kredit verilməsi və bunun 140 milyard avrosunun Belçikadakı “Euroclear” şirkətinin hesabındakı Rusiya vəsaitlərindən qarşılanmasını nəzərdə tutur. Kiyevin krediti yalnız Moskvadan kompensasiya aldığı təqdirdə geri qaytarması nəzərdə tutulur. Məsələnin 15 dekabrda Berlində liderlər səviyyəsində müzakirə ediləcəyi gözlənilir. Lakin Moskva aktivlərin müsadirəsinin "ciddi nəticələrə" səbəb olacağı barədə xəbərdarlıq edir. Artıq Rusiya Mərkəzi Bankı “Euroclear”a qarşı məhkəmə iddiası qaldırıb. Avropa Komissiyası isə Ukraynanın maliyyələşdirilməsi üçün Rusiya aktivlərindən istifadənin qanuni olduğunu israr edir.
TAHİR
