Ermənistanın şikayəti əsasında BMT Təhlükəsizlik Şurası Laçın yolu ətrafında vəziyyəti müzakirə edib. Ancaq Azərbaycanın BMT-dəki daimi nümayəndəsi Yaşar Əliyev buna imkan verməyib.
O deyib ki, Ermənistan Azərbaycanın tarixi torpaqlarında olan təbii sərvətlərinin qeyri-qanuni istismarı ilə yanaşı, bölgədə ekoloji terror törədib: “Ermənistan Laçın yolundan istifadə edərək Azərbaycan ərazisində olan faydalı qazıntı yataqlarını talan edir. Beynəlxalq hüquq normalarını kobud şəkildə pozaraq, Azərbaycanın əvvəllər işğal olunmuş ərazisində onların genişmiqyaslı qanunsuz iqtisadi fəaliyyətin həyata keçirilməsinə dair təkzibedilməz, yaxşı sənədləşdirilmiş sübutlar dəfələrlə beynəlxalq ictimaiyyətin diqqətinə çatdırılıb. Bu torpaqlarda işğala qədər müəyyən edilmiş 151 faydalı qazıntı yatağından 52-si ilk dəfə 1993-2020-ci illərdə istismar edilib. Suveren dövlətin təbii sərvətlərinin qeyri-qanuni istismarı ilə yanaşı, mədən və karxana əməliyyatları kifayət qədər ekoloji nəzarət olmadan, tullantı sularının təmizlənməsi və ərazinin rekultivasiyası, ekoloji texniki standartlara əməl edilmədən aparılmışdır".
Azərbaycanın regional sülhə, sabitliyə və inkişafa sadiq olduğunu deyən Y.Əliyev əlavə edib ki, Ermənistanla Azərbaycan arasında mehriban qonşuluq münasibətlərinin yaradılması tamhüquqlu regional normallaşma yolu ilə təhlükəsiz, sabit və firavan Cənubi Qafqazın qurulmasının açarıdır: “Azərbaycanın bununla bağlı mövqeyi aydın, prinsipial və ardıcıldır, beynəlxalq hüquqa və beynəlxalq təcrübəyə əsaslanır. Məhz Azərbaycan münaqişənin başa çatmasından dərhal sonra Ermənistanla dövlətlərarası münasibətlərin beynəlxalq səviyyədə tanınmış sərhədləri daxilində bir-birinin suverenliyi və ərazi bütövlüyünə qarşılıqlı tanınması və hörməti əsasında, o cümlədən sülh müqaviləsinin imzalanması yolu ilə normallaşdırılması prosesinə başlayıb”.
Yenə BMT qərəz göstərir. Bundan da ciddi məsələlər var ki, ona diqqət etmir. Bəyəm yolda nə olub ki, onu bu səviyyədə müzakirəyə çıxarıblar?
Siyasi şərhçi Sahil Kərimli “Bakı-Xəbər”ə bildirdi ki, Ermənistanın BMT-dəki nümayəndəsinin Azərbaycana qarşı irəli sürdüyü sərsəm iddiaların heç bir əsası yoxdur: “Azərbaycan bu əsassız iddiaları rədd edir, dünya ictimaiyyətini çaşdırmaq üçün atılan bu addımları pisləyir. BMT-nin də də belə məsuliyyətsiz çağırışlara məhəl qoyması təəssüf doğurur. Əvvəla, Laçın yolunda keçirilən dinc etiraz aksiyaları bölgədə sülh, sabitlik və təhlükəsizlik məqsədi daşıyır. Azərbaycan ictimaiyyəti Qarabağda fəaliyyət göstərən qanunsuz silahlı dəstələrin ləğvini istəyir. Digər tərəfdən biz öz ekologiyamıza, təbii sərvətlərimizə sahib çıxmaq istəyirik. Qarabağdakı separatçı qüvvələrin ekoterrora son qoymasını tələb edirik. Göründüyü kimi, bu aksiyalar heç də hansısa ərazini və ya əhalini blokadada saxlamaq məqsədi güdmür. Bütün dünya görür ki, aksiyaçılar Laçın yolundan keçmək isyətən mülki dinc vətəndaşalara, təminat maşınlarına, təcili tibbi yardım xdimətinə, humanitar yardım kalonlarına heç bir maneə törətmir”.
Sahil Kərimli hesab edir ki, Laçın yolunu dinc aksiyaçıların deyil, sülhməramlıların barrikada quraraq bağladığı göz önündədir: “Sevindirici haldır ki, artıq dünəndən bu maneələr də aradan qaldırılıb. BMT-yə gəldikdə isə, yaxşı oalr ki, bu qurum dünyada baş verən daha önəmli hadisələrə öz sərt mövqeyini bildirsin. BMT Azərbaycanın ayrılmaz hissəsi olan Naxçıvanın 30 ilə yaxındır ki, Ermənistan tərəfindən blokadada saxlanılması məsələsini müzakirəyə çıxarsın, İrəvana təzyiqlər etsin. Ermənistan Zəngəzur dəhlizinin açılmasına ciddi cəhdlə mane olmaqla Naxçıvanı hələ də blokadada saxlayır. Bölgədə sülhün, təhlükəsziliyin, iqtisadi inkişafın yaranmasına əngəl törədir. Hazırda bölgəmiz üçün əsas problem məhz budur. Ermənistan Azərbaycana qarşı lüzumsuz ittihamlar irəli ürməklə əsl problemi arxa plana keçirmık istəyir. Bütün bunlar, həmişə olduğu kimi, İrəvanın növbəti məkrli planı, proseslər ətafında yaratdığı uğursuz manipulyasiyalardır”.
Məhəmmədəli QƏRİBLİ
