Investing.com bildirir ki, ABŞ Prezidenti Donald Tramp "Nvidia" şirkətinin baş direktoru Censen Huanqı ölkəyə verdiyi töhfələrə görə tərifləyib. O, həmçinin bildirib ki, Çin casusu olduğu iddia edilən şəxslə bağlı məsələni Huanqla müzakirə etməyib.
Florida ştatının Palm-Biç şəhərində jurnalistlərə açıqlama verən Tramp, Huanqı "ləyaqətli insan" adlandırıb və onun "ölkə üçün çox böyük işlər gördüyünü" qeyd edib.
Tramp, "Mən onunla bu barədə danışmamışam", - deyə bildirib.
“Nvidia” "Financial Times" qəzetinin dərc etdiyi və Huanqın Pekinə məlumat ötürən çinli bir iş qadını ilə yaxın münasibətdə olduğunu iddia edən xəbərlə bağlı araşdırma apardığını açıqladı.
“Nvidia” əməkdaşlarına göndərdiyi daxili məktubda Huanq sözügedən münasibəti təsdiqlədi və araşdırma müddətində Direktorlar Şurası ilə tam əməkdaşlıq edəcəyini bildirdi.
Son iki il ərzində “Nvidia” rəhbəri Trampla yaxın münasibətlər qurub; prezident dəfələrlə Huanqın süni intellekt sənayesinin inkişafındakı nailiyyətlərini xüsusi vurğulayıb.
Huanq mütəmadi olaraq Trampı dövlət səfərlərində müşayiət edib; bura bu ilin əvvəlində Çinə, 2025-ci ildə isə Böyük Britaniyaya edilən səfərlər də daxildir.
Gələn həftə Asiyaya səfəri zamanı Huanqı da özü ilə aparıb-aparmayacağı soruşulduqda, Tramp: "Bilmirəm, amma onu mütləq özümlə aparardım", – deyə cavab verdi.
İRADƏ
