Yaradıcılıq ittifaqları arasında «Bakı-2015» I Avropa Olimpiya Oyunlarına dəstək genişlənir

Tarix: 30.04.2015 / 02:48
Bölmə: Mədəniyyət

Xəyal Rza: «Şair və yazıçılar da bu Oyunlara dəstək məqsədilə yazılar yazacaq, bədii-publisistik örnəklər yaradacaqlar»

Fariz Çobanoğlu: «Bu tədbirin Azərbaycanda keçirilməsi həm də ona görə maraqlı və arzuediləndir ki...»

«Bakı-2015» Birinci Avropa Olimpiya Oyunlarının ilk ocağı, ilk ünvanı Azərbaycan torpağı, əsrarəngiz Bakı şəhəri olacaq. Dövlətimizin böyük dəstək verdiyi, vətəndaş cəmiyyətinin, insanların dəyərləndirdiyi Olimpiya Oyunlarının paytaxtımızda keçirilməsi böyük tarixi hadisədir.

Bu bir tərəfdən Azərbaycan tarixinin, mədəniyyətinin, idmanının, yaşam tərzinin, uğurlarının, inkişafının dünyada təbliği, tanıdılması, başqa bir tərəfdən, Azərbaycanın sülhpərvər, demokratik, tolerantlığın hökmran olduğu bir dövlət olduğunu bəyan etmək deməkdir. Keçən yazılarımızda da qeyd etmişik ki, Azərbaycan dövləti bu Oyunların Bakıda yüksək səviyyədə keçirilməsi üçün bütün lazımi tədbirləri görüb və idmançıları, turistləri, qonaqları qarşılamağa hazırdır.

Bilirik ki, artıq yaradıcı təşkilatlar, qurumlar, sənət adamları-bəstəkarlar, rəssamlar, şair və yazıçılar bu sahəyə öz töhfələrini verir, memarlar, mühəndislər tikinti-quruculuq işlərində yaxından iştirak edirlər. Bu da o anlama gəlir ki, Azərbaycan xalqı dövlətin yanındadır və onların söz-əməl birliyi mövcuddur.

Mövzu ilə əlaqədar keçən yazımızda Bəstəkarlar İttifaqının sədri, görkəmli musiqiçi Firəngiz xanım Əlizadənin fikirlərinə, bəstəkarların, musiqiçilərin, musiqişünasların «Bakı-2015» Birinci Avropa Oyunlarına verəcəyi töhfələrdən, onların bu sahədə gördüyü işlərdən danışmışdıq. Bu dəfə isə üz tutduq Azərbaycan Yazıçılar Birliyinə. Birliyin rəsmi münasibəti ilə yanaşı, Yazıçılar Birliyi olan qələm adamlarının da fikirlərini öyrəndik.

Azərbaycan Yazıçılar Birliyinin (AYB) mətbuat xidmətinin rəhbəri, şair Xəyal Rza «Bakı-Xəbər»ə bildirdi ki, «Bakı-2015» Birinci Avropa Olimpiya Oyunları ilə bağlı təbliğat-təşviqat kampaniyası başlayan gündən bu tarixi hadisəyə AYB olaraq dəstək göstəriblər: «AYB-nin bu barədə xüsusi layihəsi yoxdur. Amma dövlətin həyata keçirdiyi bu işə həmişə dəstək oluruq. Bizim saytda «Bakı-2015» Birinci Avropa Olimpiya Oyunlarının loqosu, emblemi və başqa atributları yerləşdirilib, o cümlədən də bu Oyunlarla bağlı yazılar burada yer alır. Saytımıza qoyuruq yazıları».

Birinci Avropa Olimpiya Oyunlarına yazıçı və şairlərin, ədəbiyyatşünasların dəstəyinə və onların yeni poetik nümunələr, publisistik məqalələr yaratmasına gəlincə, X.Rza bildirdi ki, bəli, dəstək yazıları çap olunacaq, bu sahədə bədii-publisistik yazılar nəşr ediləcək: «Azərbaycan Yazıçılar Birliyi bu Oyunları dəstəkləyir. Şair və yazıçılar da bu Oyunlara dəstək məqsədilə yazılar yazacaq, bədii-publisistik örnəklər yaradacaqlar. Artıq onlar çap olunmağa başlayacaq. Açığı, bizim özümüzün, yəni ədəbiyyat adamlarının Birinci Avropa Olimpiya Oyunları ilə bağlı bir dəstək layihəmiz var, ancaq hələ təsdiq edilmədiyi üçün geniş açıqlama verə bilmirəm. O layihəni həyata keçirə bilsək yaxşı olacaq».

AYB üzvü, tanınmış şair-publisist Fariz Çobanoğlu bizimlə söhbətində bildirdi ki, bütün şair və yazıçılar «Bakı-2015» Birinci Avropa Olimpiya Oyunlarına dəstək verməlidir. Onun sözlərinə görə, bu Oyunların keçirilməsi üçün Azərbaycanın, paytaxtımız Bakının seçilməsi bütün mənalarda böyük hadisədir: «Bir qələm adamı kimi Olimpiya Oyunlarının Bakıda keçirilməsini dəstəkləyirəm. Dünyada belə bir Oyunlar, yarış ilk dəfə keçirilir və ona da Azərbaycan ev sahibliyi edir. Bu böyük tarixi əhəmiyyətə malik olan hadisədir. Burada təkcə Azərbaycan idmanla deyil, eyni zamanda mədəniyyəti, ədəbiyyatı, kitabı-kitabxanası, xalq sənəti, mətbəxi və başqa dəyərləri ilə təmsil olunacaq. Bu bizim özümüzü dünyaya bir daha təqdim etməyimizə şərait yaradacaq. Bir məsələyə də diqqətinizi çəkmək istəyirəm. Azərbaycan güclü dövlətdir, iqtisadiyyatı güclü şəkildə inkişaf edib ki, belə bir Oyunlar bizim ölkəmizdə keçirilir. Dövlətimizin gücü var ki, bu baş tutur. Fikrimcə, Azərbaycan şair və yazıçıları, publisistləri, ədəbiyyatşünasları bu işə töhfələrini verməlidir, bədii nümunələr, şeirlər yaratmalıdır. Bu mövzuda məzmunlu bədii-publisistik yazılar, məqalələr yazılıb çap olunmalıdır».

F.Çobanoğlu hesab edir ki, Olimpiya Oyunları zamanı kitab sərgiləri, rəsm əsərlərinin nümayişi təşkil olunacaq, Azərbaycan xalçaları, musiqisi, mədəniyyəti qonaqlara təqdim ediləcək. Onun sözlərinə görə, hazırda bu sahədə ciddi hazırlıq işləri həyata keçirilir və Azərbaycan dövləti, ictimaiyyəti, yaradıcı insanları, mediası, vətəndaş cəmiyyəti Birinci Avropa Olimpiya Oyunlarının yüksək səviyyədə keçirilməsi üçün səfərbər olunub: «Bu gün bütün qüvvələrimiz, səylərimiz birləşib. Xalq dövlətin, dövlət də xalqın yanındadır. Onlar bir-birindən enerji almasa, bir-birinə dayaq olmasa, müsbət nəticə əldə olunmaz. Azərbaycan dövləti, hökuməti və xalqı arasında böyük harmoniya, bağlılıq var. Bu tədbirin Azərbaycanda keçirilməsi həm də ona görə maraqlı və arzuediləndir ki, biz burada Qarabağ həqiqətlərini də dünyaya çatdıra bilərik. Turistlər, idmançılar bu Oyunlar zamanı şəhərimizlə, şəhərimizdəki mədəniyyət ocaqları, orada açılan sərgilərdəki Qarabağla bağlı kitablar, materiallar, rəsm əsərləri ilə tanış olacaqlar. Bizim dünyaya deyəcək çox sözümüz var. O sözü deyəcəyik».

DİGƏR XƏBƏRLƏR

Tarix: 10.10.2026 / 17:17

Mollanəsrəddin lətifələrində memarlıq cizgiləri...

Tarix: 10.10.2026 / 11:07

Yazıçılar Birliyi üzvlük haqqını ödəməyənlərə növbəti dəfə xəbərdarlıq etdi - məsuliyyətli davransınlar...

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...