Dekabrın 20-də saat 18:00 radələrində Nəsimi rayonunun 3-cü Alatava küçəsindən Yevlax rayon sakini Ramil Salmanova məxsus “VAZ-2101” markalı avtomobilin qaçırılması barədə DİN-in “102” Zəng Mərkəzi Xidmətinə müraciət daxil olub.
Dərhal başlanan əməliyyat-axtarış tədbirləri nəticəsində avtomobil Xırdalan şəhərinin ərazisində Əlahiddə Çevik Polis Alayı və Abşeron Rayon Polis İdarəsinin əməkdaşları tərəfindən tapılıb, onu qaçırmaqda şübhəli bilinən şəxs saxlanaraq avtomobillə birgə Nəsimi Rayon Polis İdarəsinə təhvil verilib.
Araşdırmalarla həmin şəxsin Yunis İmanov olduğu müəyyən edilib.
Nəsimi RPİ tərəfindən araşdırma aparılır.
Natiq CAVADOV DİN Mətbuat Xidmətinin əməkdaşı
