Kiçik sığorta şirkətləri bazardan çıxır

Tarix: 30.09.2014 / 02:43
Bölmə: İqtisadiyyat

Azərbaycanda fəaliyyət göstərən bəzi sığorta şirkətlərinin yaxın tezlikdə bazarı tərk etməsi gözlənir və bunun konkret səbəbləri mövcuddur. Hazırda bu bazarda fəaliyyət göstərən şirkətlərin heç də hamısı lazımi həddə gəlir əldə edə bilmir və onların fəaliyyətini dayandırmaq məcburiyyətində qalması gözlənir. Məlumat üçün qeyd edək ki, cari ilin yanvar-avqust aylarının yekunlarına görə, Azərbaycanda bütün sığorta sinifləri üzrə toplanmış hər 100 manatın 36,6 manatı ödənişə yönəldilib.
Amma ayrı-ayrı siniflər üzrə ödəniş səviyyəsi fərqlidir. Rəqəmlərin təhlili sığorta ödənişlərinin miqdarının artdığını göstərir. Hazırda avtomobil sığortası üzrə şirkətlər daha çox ödəniş etməyə başlayıb ki, bu da onların maliyyə maraqlarına cavab vermir. Cari ilin 8 ayının nəticələrinə əsasən, ölkədə ən zərərli sığorta növü avtomobillərin könüllü sığortasıdır. Sığorta şirkətləri bu sahədən topladıqları hər 100 manatın 73 manatını, yəni 73%-ni müştərilərinə geri qaytarıb. Ötən il isə bu nisbət 46% olub. Zərərliliyin artması bu ilin əvvəlindən ölkədə avtomobil satışının və kasko sığortasından daxilolmaların azalması ilə bağlıdır. Zərərliliyin səviyyəsinə görə sonrakı yeri avtomobil sahiblərinin mülki məsuliyyətinin könüllü sığortası tutur. Bu sığorta növü üzrə toplanan hər 100 manat sığorta haqqının 64 manatı ödəniş edilib. Halbuki, ötən il bu göstərici 16% idi.
Təxmini hesablamalara görə, bu gedişlə avtomobil kreditlərinin dayandırılması nəticəsində sığorta bazarı həcmini 10 faiz itirə, öz portfelini diversifikasiya edə bilməyən sığorta şirkətləri isə bağlana bilər. Çünki araşdırmalar göstərir ki, ölkədə hər üç yeni maşının ikisi kreditlə satılırdı. Ona görə, banklardan da çox, avtomobil satışı üzrə ixtisaslaşan şirkətlər, eyni zamanda sığorta şirkətləri kredit şərtlərinin sərtləşməsindən sonra ciddi zərbə almaqdadır. Qeyd edək ki, bu ilin yanvar-iyun aylarında Azərbaycandakı bankların verdiyi avtomobil kreditlərinin sayı əhəmiyyətli dərəcədə azalıb. Belə ki, bu ilin 6 ayında 12 bankda avtokreditlərin həcmi kəskin azalıb. Təqdim olunan məlumatlara əsasən, 2013-cü ilin II rübü ilə müqayisədə hesabat dövrü ərzində avtokreditlərin faiz üzrə ən çox azalması "Günaybank"da müşahidə olunub. Belə ki, 1 il ərzində bu bankın verdiyi avtokreditlərdə 96,07%-lik azalma olub. 2013-cü ilin 6 ayı ilə müqayisədə məbləğ olaraq avtokreditlər üzrə ən çox azalma "Dəmirbank"da qeydə alınıb. Belə ki, bu bankda son 1 ildə avtokreditlər üzrə 8 milyon 369 min manatlıq azalma var. Yəni 2013-cü ilin II rübündə "Dəmirbank" 17 milyon 546 min manatlıq avtokredit veribsə, bu ilin müvafiq dövründə bu göstərici 9 milyon 177 min manata qədər azalıb. Bu və digər banklarda avtokredit verilişinin azalması sığorta şirkətləri üçün də təsirsiz ötüşmür. Sığorta şirkətləri də etiraf edir ki, bankların avtomobil kreditlərini dayandırması bank sektorundan sonra sığorta bazarına da mənfi təsir etməyə başlayıb. Bazar iştirakçılarının sözlərinə görə, hazırda avtomobillərin könüllü sığorta bazarının böyük hissəsi kreditlə alınan avtomobillərin payına düşür. Orta hesabla, sığortalanan avtomobillərin 70%-dən çoxu kreditlə alınanlardır. Bəzi şirkətlərdə isə kasko sığortanın 90%-ə qədər hissəsi kreditlə alınan avtomobillərin payına düşür. Lakin indi vəziyyət dəyişib. Belə şirkətlər yeni sığorta məhsulları tapa bilməsə, daha böyük maliyyə problemi və beləliklə, bağlanmaq təhlükəsi ilə üzləşməli olacaq.
Ekspertlərin fikrincə, bu vəziyyətdən ən çox iri maliyyə qruplarına və holdinqlərə daxil olan, eləcə də tərəfdaş banklarla işləyən sığorta şirkətləri əziyyət çəkir. Bəzi bazar iştirakçıları avtomobil kreditlərində fasilə yaranmasının sığorta şirkətlərinin işi üçün ciddi təhlükə yarada biləcəyini düşünür. Onların fikrincə, sığorta biznesi davamlı olmalı, ona daim pul daxil olmalıdır ki, öhdəliklərini icra edə bilsin. Əks halda şirkətlərin işində və öhdəliklərinin icrasında problem yarana bilər. Yəni bu vəziyyət davam edərsə, şirkətlər üçün təhlükə yaranacaq. Elə şirkət var ki, araşdırmalara görə, yaranmış vəziyyətə yalnız ilin sonuna kimi dözə bilər. Məhz belə bir vaxtda
"AXA MBASK" sığorta şirkətinin İdarə Heyətinin sədri Yavuz Ölken Azərbaycanın sığorta bazarının növbəti 5 ili üçün proqnozlarında çox maraqlı fikirlər səsləndirib. Onun proqnozuna görə, sığorta bazarına xarici şirkətlər daxil olacaq: "Belə olan halda güclü şirkətlər kiçikləri aradan çıxaracaq. Kiçik şirkətlər rəqabətə dözməyəcək. İri şirkətlər müştərinin tələb etdiyi məhsulları təqdim edəcək. Sığorta bazarında vəziyyət çətinləşəcək. Yəni artıq müştəri nəinki qiymətlərə, o cümlədən sığorta şirkətinin nüfuzuna da baxacaq".
Yavuz Ölken "banker" portalına açıqlamasında qeyd edib ki, Azərbaycanda sığortanın ən böyük problemi əhalinin bu xidmətə marağının aşağı olmasıdır: "Vətəndaşlarda belə bir fikir formalaşıb: biz vaxtında sığorta ödənişi edəcəyik, amma sığorta hadisəsi zamanı sığorta şirkətləri bizə bir qəpik də ödəməyəcək. Sığorta şirkətləri çalışmalıdır ki, bu streotipləri dağıtsın. Bunun üçün vaxtında ödəniş edərək və digər yollarla müştəri məmnuniyyəti təmin edilməlidir. Bu şəkildə vətəndaşların inamını qazanmaq olar".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...