Qızılın ucuzlaşması yenə Azərbaycan bazarlarına təsirsiz ötüşür

Tarix: 24.09.2014 / 03:50
Bölmə: İqtisadiyyat

Dünya bazarlarında yenidən xüsusi diqqət cəlb edən məsələlərdən biri də qızılın qiyməti ilə bağlıdır. Artıq bu metalın qiymətində yaşanan sürətli ucuzlaşma Qərb ölkələrinin özündə də ciddi narahatlığa yol açır və bu da səbəbsiz deyil. Çünki Qərb ölkələri böyük qızıl ehtiyatına malikdir və ucuzlaşma onların ehtiyatının dəyərini azaldır.
Qeyd edək ki, qızıl ehtiyatı inkişaf etmiş Avropa dövlətlərinin və Birləşmiş Ştatların ümumi valyuta ehtiyatlarının 60-70%-ni təşkil edir. Dünyanın ən çox qızıl ehtiyatına sahib ölkəsi ABŞ hesab olunur. Dünya Qızıl Birliyinin açıqladığı son məlumata görə, ABŞ-ın qızıl ehtiyatlarının həcmi 8 min 133 tona bərabərdir. ABŞ-dan sonra dünyada qızıl ehtiyatına ən çox sahib olan ikinci ölkə Almaniya hesab olunur. Almaniyanın əlində 3 min 391 ton qızıl ehtiyatı var. Ehtiyatlarının həcminə görə 3-cü sırada olan İtaliyanın 2 min 451 ton qızılı var. 2 min 435,4 ton qızıl ehtiyatına sahib olan Fransa da qızılın ucuzlaşmasından zərərə düşür. Dünyanın ən çox qızıl ehtiyatına sahib ölkələrinin ilk onluğunu Çin, İsveçrə, Rusiya və Yaponiya tamamlayır.
Son məlumatlara görə isə, beynəlxalq bazarlarda qızılın unsiyasının qiyməti 1208 dollara düşərək son səkkiz ayda ən aşağı səviyyəyə çatıb. Qızıl yeni həftənin ilk əməliyyat gününə 1215 dollardan başlamışdı. Çinin maliyyə naziri Lou Jiveinin iqtisadi siyasətlərində sərt dəyişikliklər etməyəcəklərini söyləməsinin ardından qızıl 1210 dollardan da aşağı düşüb. Analitiklər qızılın unsiya qiymətinin bu gedişlə ilin sonuna kimi 1100 dollara düşə biləcəyini bəyan edir. Belə hesab olunur ki, hazırda qızılın qiymətinin aşağı düşməsi tələbatın azalması faktoru ilə bağlıdır. İnvestorların öz investisiyalarını qızıl bazarından çəkərək digər sektorlara yönəltməsi də burada müəyyən rol oynayır. Eyni zamanda, bir çox ölkələrin öz qızıl ehtiyatlarını pul əldə etmək üçün bazara çıxarması da qiymətlərə təsirsiz ötüşmür. O da vurğulanır ki, qızıl strateji məhsul olduğundan satışı da dollarla həyata keçirilir. Son günlər dolların məzənnəsi digər valyutalara nisbətən möhkəmlənməyə başlayıb. Bunu nəzərə alan ekspertlərə görə, qızılın qiymətinin düşməsi dolların məzənnəsinin möhkəmlənməsi ilə bağlıdır. Güman olunur ki, yaxın günlərdə də qızılın qiyməti azalmağa doğru davam edəcək. Məhz belə bir vaxtda məşhur "Societe Generale" bankının strateqləri qeyd edir ki, qiymətli metalın indiki dinamikası gələcək enişi üçün potensial yaradır. Bankda hesab edirlər ki, texniki baxımdan risqlərin balansı, cari və keçən ilin nəticələri qızıl üçün müsbət heç nə vəd etmir. O da vurğulanır ki, qızılın qiymətində çoxillik azalma çərçivəsində bir unsiya üzrə 1000 dollardan aşağı olan səviyyəyə doğru hərəkət edəcək. Qızılın ucuzlaşmasının başqa bir səbəbi isə, həmişəki kimi, qızıl bazarında spekulyativ oyunlardır. Qızıl bazarında investor aktivliyinin azalması qiymətli əşyanın dəyərinin aşağı düşməsi ilə nəticələnir.
Azərbaycanda hələlik qızılın qiymətində ciddi azalmalar müşahidə olunmur. Ölkəmizdə hazırda qızıl əvvəlki qiymətlərlə satılır. Burada söhbət qızıl mağazalarından gedir. Məsələnin maraqlı tərəflərindən biri odur ki, qızıl bahalaşdıqda bu, Azərbaycanda qızıl-zinət əşyalarının qiymətinin artması ilə müşayiət olunur. Lakin qızılın qiyməti aşağı düşdükdə analoji tendensiya müşahidə olunmur. Bu xüsusda belə iddialar səslənir ki, qızıl ticarəti ilə məşğul olan insanlar qızılın qiymətinin yüksək olduğu vaxt hansısa zinət əşyaları gətiriblər. İndi onlar onu müqayisəli qiymətlərlə aşağı sala bilməzlər. Lakin qeyd olunduğu kimi, ölkəyə ucuz qızıl gətiriləndə də qiymətlərdə ciddi dəyişiklik olmur.
Lakin qızıl mağazalarından fərqli olaraq, qiymətli metalın ucuzlaşması Dövlət Neft Fondunun gəlirlərinə təsirsiz ötüşmür. Xatırladaq ki, Dövlət Neft Fondu gəlirlərinin bir qismini qızılda saxlamağa qərar verib. Qərara görə, Neft Fondu 2012-2013-cü illər ərzində 30 ton qızıl alıb. Qiymətlərin düşməsi fonunda isə 30 ton qızılın alınması Neft Fondunun aktivlərinin müəyyən qədər azalmasına səbəb olub. Ucuzlaşma davam edərsə, zərərin miqyası daha çox ola bilər. Xatırladaq ki, 2008-ci ildə baş verən qlobal maliyyə böhranı zamanı Neft Fondu qızılın alınmasına başlamışdı. Çünki o zaman ekspertlər güman edirdilər ki, ucuzlaşan qızıla böhrandan sonra təlabat artacaq. Demək olar ki, həmin ərəfədə proqnozlar özünü doğrultdu, böhrandan sonra qızılın qiyməti 50 faiz bahalaşdı. Lakin son bir ildə qızılın qiymətində sürətli ucuzlaşma yaşanır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...