İŞİD-ə qarşı koalisiyada Türkiyə və Azərbaycan da ola bilər

Tarix: 23.09.2014 / 07:52
Bölmə: İqtisadiyyat

Fəaliyyətini hələ də geniş miqyasda davam etdirən İŞİD terror təşkilatı bu dəfə Suriyada yaşayış məntəqələrini ələ keçirməkdədir. Son məlumatlara görə, terrorçu qruplaşması Suriyanın şimalında, Türkiyə ilə sərhəddə 60-dan çox kəndi ələ keçirib. Zəbt edilən kəndlərin əksəriyyətində kürdlər yaşayır. Minlərlə dinc sakin terrorçuların hücumu nəticəsində öz evlərini tərk edib. Məlumatlara görə, kürd silahlıları da ərazini tərk ediblər.
Türkiyə qaçqınların Suriyadan çıxması üçün sərhədləri açıb.
Hazırda Qərb ölkələri İŞİD-i məhv etmək üçün koalisiya formalaşdırmaqda və qruplaşmaya aviazərbələr endirməkdədir. Böyük Britaniyanın keçmiş baş naziri Toni Bleyer isə terror təşkilatı ilə mübarizədə beynəlxalq koalisiyanın təkcə aviasiya qüvvələrindən deyil, həmçinin quru qoşunlarından istifadəsinin vacib olduğunu hesab edir: "Aviasiya qüvvələri İŞİD-lə mübarizənin əsas komponentidir, lakin bu mübarizə üçün kifayət deyil. Onun vasitəsilə İŞİD silahlılarını əhatəyə almaq, narahatlıq yaratmaq, onlar tərəfindən olan təhlükənin qarşısını müəyyən qədər almaq olar. Lakin aviasiya qüvvələri ilə onlara qalib gəlmək mümkün deyil". Sabiq britaniyalı hökumət başçısının fikrincə, İŞİD-ə qarşı qurulmuş koalisiya yerlərdə quru qüvvələri, əsasən də xüsusi təyinatlı qoşunlarından istifadə imkanlarını nəzərdən keçirməlidir. Bu fonda isə Qərbi maraqlandıran əsas məsələ İŞİD-ə qarşı koalisiyada Türkiyənin yer almasıdır. Məhz belə bir vaxtda Pentaqon sözçüsü Türkiyənin koalisiyaya qoşulmaq məcburiyyətində olduğunu bildirib.
İŞİD-lə bağlı məsələlərin müzakirə olunacağı BMT toplantısı başlamazdan öncə Pentaqon spikeri Con Kirbi son günlərdə cərəyan edən hadisələri şərh edib. 49 nəfər türk girovun ölkəsinə qaytarılmasından sonra Türkiyənin İŞİD-ə qarşı yaradılan koalisiyaya hansı ölçüdə qatılacağı sualına cavabında Kirbi bildirib: "Sırf coğrafi hal üzündən Türkiyə bu addımda ortaqdır, ortaq olacaq və ortaq olmaq məcburiyyətindədir". Lakin İŞİD tamam fərqli düşünür. Belə ki, terror qruplaşması türk girovların sərbəst buraxılması barədə açıqlama verib. Təşkilata yaxınlığı ilə seçilən "Takvahaber" saytı İŞİD-in bu xüsusda açıqlamasını yayıb. Açıqlamada 49 girovun əməliyyat nəticəsində deyil, təşkilatın lideri Əbu Bəkr əl-Bağdadinin əmri ilə buraxıldığı bildirilib. Təşkilat verdiyi açıqlamada Türkiyənin girovların qarşılığında "Səlib İttifaqına" daxil olmayacağı barədə söz verdiyini qeyd edib: "İslam Dövləti" girovların əməliyyatla deyil, şəxsən Xəlifə İbrahim (Əbu Bəkir Əl Bağdadi) tərəfindən sərbəst buraxıldığını bildirir. Girovlar şəxsən xəlifənin əmri ilə Türkiyə hökumətinin "İslam Dövləti" əleyhdarları ilə koalisiyaya girməyəcəyi haqqında verdiyi açıqlamadan sonra sərbəst buraxıldı".
Xatırladaq ki, ABŞ İŞİD-ə qarşı birlik yaratmaq barədə planını ilk dəfə Uelsdə keçirilən NATO zirvə sammitində bəyan edib. Türkiyənin də bu koalisiyanın içində olacağı açıqlanmışdı. Əvvəlcə Parisdə, daha sonra Səudiyyə Ərəbistanının Ciddə şəhərində keçirilən toplantılardan sonra təxminən 30-a yaxın ölkə bu koalisiyaya qoşulacağını bəyan etsə də, bəzi ölkələr, o cümlədən Türkiyə məsələyə tərəddüdlə yanaşmağa başladı. Türkiyə ABŞ Dövlət katibi Con Kerrinin Ankaraya səfərindən sonra yalnız humanitar və kəşfiyyat əməkdaşlığı istiqamətində yardım edəcəyini açıqladı. İndi isə məsələnin prezident Rəcəb Tayyip Ərdoğanın ABŞ səfərində geniş müzakirə olunacağı gözlənir. ABŞ və digər müttəfiqlərinin Türkiyəyə hərbi əməliyyatlara dəstək verməsi və hərbi bazaların yerləşdirilməsi üçün təzyiqi qarşısında Ankaranın, vəziyyətdən çıxış yolu kimi, bölgədə uçuşlara qadağa qoyulması məsələsini ortaya atacağı gözlənir. Həmçinin, bölgədəki qaçqın probleminin qarşısının alınmasında BMT-nin yardım etməsinin istəniləcəyi ən önəmli məsələlərdən biri olacaq. Əks halda, Türkiyə İŞİD-ə qarşı koalisiyaya çətin qoşulsun. Çünki bu halda Türkiyə özü də İŞİD-in hədəfində olacaq.
Bu arada onu da xatırladaq ki, Amerikanın "The Hill" nəşri İŞİD-ə qarşı mübarizənin başlanğıc olduğunu bildirərək, Amerikanın bütün potensialını bu istiqamətdə sərf etməkdənsə, paralel olaraq Cənubi Qafqazı və regionun Azərbaycan və Gürcüstan kimi ölkələri ilə hərbi əməkdaşlığı gücləndirməyin vacibliyindən yazır. Qeyd olunur ki, Obama administrasiyasi 11 sentyabr ildönümü ərəfəsində İŞİD-ə qarşı əməliyyat planını açıqladı və beynəlxalq koalisiyanın yaradılacağını bildirdi. Vurğulanır ki, Ağ Ev bu prosesin tərkib hissəsi kimi ABŞ-ın etibarlı regional müttəfiqləri ilə güclü koalisiyanın yaradılmasına başlamalıdır. Bu kontekstdə Vaşinqton ABŞ-ın ənənəvi dəstəkçiləri, xüsusilə Cənubi Qafqazda Gürcüstan və Azərbaycanla hərbi əlaqələri genişləndirməlidir. Bildirilir ki, ABŞ regional təhlükəsizlik, infrastrukturun inkişafı və İŞİD-ə qarşı əməliyyatlarda Azərbaycan və Gürcüstanın yardımına nail olmalıdır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...